YOANES 14:12 - Nanduk Ngget Tul Pidnak Wene

¹² An-e ndemeret yak kundusu-o. An nebem indi angin tubu yuwa nap-nen-e an-nen kwaroso mende pidsa at-nen na kwaruwa-o. Nde, an-e Neid eram mbirimin me, an-nen kwaroso-ge marik nggal-o. At-nen-e nggulok mende-t kwaruwa-o.

YOANES 14:12 ပူးပေါင်းရင်းမြစ်များ

MATIUS 21:21

Yogolikma-ge, Yesus-nen wene erep nggarosolar-e: ”An-nen yak kendeyeg-o: Kit kinndi angin tubu luk, kinndi-nen te rak pigit lak ala-ge, an-nen e ara yu kwat pigi yu nggal-et kwarugub-o. Nde, iri nag-e lag-o. Are, ndobo yu yak togolar-e: ’Kat kondomok konoksa yi koma arem tabak yil nggwi-o’ luk yak togola na irit kwat ma-o.

MARAKUS 11:13

Nde, erepma-nen e ara misik engga miri tup tak yik kil mbutlug-e, engen mbi yid, lak? lug-e korok korok mberarik, limbinidnggal-e, engen poso tarem awo me, engen pigit lak, engga nak miri tup tak kagaij-o.

MARAKUS 16:17

Nde, inndi angin tubu yuwa nab-e yenggerak purak mende yu nggal: An nunu bem kugi wirik pogolat: enaru bug-et nde, nin wene nan wene bem yogolat;

YOANES 14:28

An-nen yak kondosolar-e: ’An-e mbirimin-et nde, tuguruk kendam lobok yimin-o’ yak kondosola, kuligep nar-o. Nde, kir-e an nabuwa kagolat nggal-e, an Neij-e nggulok terak minig-et me, at Eid eram mburusu-o luk kenalen kaleb-o.

YOANES 16:7

Alat nde, an-e ndemeret yak kundusu-o. An mbirimin iri-ge, kit konak tak kunpurak pem mbirimin-o. An mbirigit lak yimin nggal-e, Yongga Kundurak Nap na-ge kit kendam lobok yuwa bug-o. Alat nde, an mbirimin iri-nen at na-ge kit kendam wirik ibil mbuwamin-o.

YOANES 4:37

’Nin nap-nen yagosoma, nin nap-nen ndagoso-o’ luk yugwi na-ge ndemerer-o.

YOANES 5:20

An Neid-nen at Ambara an nabuwa luk, at-nen kwaroso mende pidsa-ge an mirik nubusu-o. Nde, Neid-nen kwaroso mende oboksa mondok nggok lombok ninggem posola, kit pidsa-nen-e wi yugub-o.

YOANES 7:33

Iri ala-ge, Yesus-nen yosolar-e: ”Kit totno woragolar-e, marig-et nak worarug-e, an nibil lobok yidnak nap eram mbirimin-o.

YOANES 7:39

(Yesus-nen wene iri yid iri-ge at ebem inndi angin tubu yidnak nap-nen Konak Indi wanurak pem-nen yij-o. Nde, Yesus na awo kek tak ibigit lak worala me, Konak Indi na awo ap enpem mbuwagit lak ma-nen yij-o.)

YIDNAK YIDNAK WENE 10:46

It iri-nen-e nin wene nan wene bem-et yogolar-e, Mbal Pem Nagawan erembel wanogola kuluruk-nen kwiye yiga-o. Yogolikma-ge, Peterus-nen yosolar-e:

YIDNAK YIDNAK WENE 16:18

Iri nggal kwarosolar-e, kwarat tarem nggal nene yij-o. Alama, Paulus na puk momtag-e meya alama-ge, nden karuk, kugi na yak tosolar-e: ”Yesus Kerisut unu bem kwe yu arem-nen mbiri-o” luk yak tosola ereya na-net kugi na-ge kwe na arem-nen mbirij-o.

YIDNAK YIDNAK WENE 19:12

Iri kwarosolar-e, Paulus irigak ndogwaroso sum ala na, yirik woraso sum ala na ap kugi worak enpem pogola-ge, kugi lak yosolat, enarem woraidnak kugi na mborosolat yij-o.

YIDNAK YIDNAK WENE 2:33

Iri bem-e, Yesus na Mbal Pem Nagawan inggi kigit nggwe-nen kek tak puruk, Eid-nen obok yak tidnak Konak Indi-ge at wok turuk, tak purug-e, at-nen nit nenpem nggilara pil mbuwasola-ge, kit-nen kagolat, kologolat kwatli yur-o.

YIDNAK YIDNAK WENE 2:41

Yak ondosoloma-ge, at-nen yidnak wene waniga nab-e yi ma inpiga-o. Iri tarem-et it inmin lambinil nggogolar-e, ab-e tigaribu (3,000) nggal yiga-o.

YIDNAK YIDNAK WENE 4:16

”Ap mberen yu inmin-e no nde kwat unpul-o? It-nen kwiye worak mende nggulok kwariga yu-ge Yerusalem woragwi nap pidsa-nen kulidnak me, nit-nen-e ’Kwarigit lag-o’ yurag-e meya-o.

YIDNAK YIDNAK WENE 4:33

Nde, wirik inpidnak nap na-nen-e Nagawan Indo Yesus uruk yidnak wene-ge ”Nenlengen-net kaigerig-o” luk mondok amawi min konggorogolat woraiga-o. Worakmu-ge, Mbal Pem Nagawan-nen we wok ondoso indi kwarat it pidsa enpem woragaij-o.

YIDNAK YIDNAK WENE 4:4

Alat nde, it-nen yidnak wene kuluruk, inndi angin tubu yiga nab-e ap nag-e lima ribu (5,000) nggal-o.

YIDNAK YIDNAK WENE 5:15

Nde, Peterus na mborosolat, at ugumak na it erep enpem maklug-e, kugi worak nap ereba na en wosa tulabiyem lis yemara mbinggirik onpogolat, e mbat ndamak pem mbinggirik onpogolat yiga-o.

YIDNAK YIDNAK WENE 6:7

Nde, Mbal Pem Nagawan-nen yidnak wene iri-ge wigak yosolar-e, o Yerusalem-nen aid wene wanidnak nab-e misik nambek misik nambek irit kwarat yogolat, tepan omborak kwarat-nen na inndi Yesus ebem angin tubu yogolat kwariga-o.

YIDNAK YIDNAK WENE 8:7

Ap enarem lin yidnak kugi iri-ge kum nggulok yuruk enarem-nen mborogolat, kambung puk tak woragwi nde unuwok nggorak woragwi nde ki rak onposolat woragaij-o.

YIDNAK YIDNAK WENE 9:34

Karuk, Peterus-nen at yak tosolar-e: ”Eneas wa-e. Yesus Kerisut-nen kat ki rak kubusu-o. Menluk, kat nene yoso kondoro yu koni-o” luk yak tosola, ereya na-net ap iri na men yij-o.

YIDNAK YIDNAK WENE 9:40

Alat nde, Peterus-nen it pidsa mbepme wirik unpuruk, endaru yunggusa kore luk, tepan yij-o. Tepan yuruk, at orogak ambigit nggwe nden kasolat-nen yak tosolar-e: ”Tabita wa-e. Men yi-o” luk yak tosoloma-ge, kwe na erengen penggesa Peterus na yik kasolug-e, kore yij-o.

OROMA 15:19

kwaril nosolar-e, yenggerak purak mende amawi min kwiye worak mende amawi bem-nen na iri pidsa Konak Indi amawi bem-nen kwaril nigi-o. Iri nggal kwaril nosolar-e, o Yerusalem-nen Kerisut-nen idnak aid wene na-ge kwara timbiril timbiril Ilirikum kuri pigi-o.