YOANES 14:10 - Nanduk Ngget Tul Pidnak Wene

¹⁰ An-e Neid arem woralat, nde, Neid na an narem woralat yusu iri-ge kar-e kindi angin tubu yusu bug-a? An-nen yak kundusu wene-ge an nindi-n pidnag-et yak kundusu bug-o. Are, an Neij-e an narem worasu iri-net ereba pidsa-ge kwarusu-o.

YOANES 14:10 ပူးပေါင်းရင်းမြစ်များ

YOANES 10:30

An min Neid min-e misiget nak-nen yusu-o” luk yak indij-o.

YOANES 10:38

Alat nde, an-nen-e at-nen nebem pidnak mende kwarusu ala-ge, kinndi-ge an nebem angin tubu yili bug-et nde, an-nen kwaroso mende bem nak kinndi angin tubu yer-o. Iri bem, kinndi angin tubu yugup ala-ge, an Neij-e an narem woralat, nde, an-nen na Neid arem woralat yili-o luk kwara kenaru yugub-o” luk yak indij-o.

YOANES 11:26

Nde, unluk woragolat-net inndi an nebem angin tubu yuwa nab-e mondok wat yigit lak ma-o. Wene yu-ge kat kindi angin tubu yusu, lak?” luk yak tij-o.

YOANES 12:49

Nde, wene an-nen yusu yu-ge an nindi-n pidnak pem nak yusu-ge lag-o. Nde, an-nen yurak min an-nen yak kundurak min iri-ge an Neid wirik nibil lobok yidnak nap iri na-net nebem pamu-nen yak kundusu-o.

YOANES 14:11

An-e Neid arem woralat, nde, Neid na an narem woralat yusu-o luk kinndi angin tubu yer-o. Nde, iri momtag-e meya ala-ge, an-nen kwarusu mende karuk iri bem-et kinndi angin tubu yer-o.

YOANES 14:20

Iri tarem wok yosola-ge, an-e Neid arem woralat, kit na an narem woragolat, an na kit kenarem woralat yusu-o luk kenaru yugub-o.

YOANES 14:24

Nde, an nabuwa kaso buk nap-nen-e an-nen yidnak yidnak kwaroso bug-o. Nde, wene yu yak kindigi yu-ge an-nen yidnak wene-ge lag-o. Are, an wirik nibil lobok yidnak nap Neid iri-nen yidnak wene-nen yusu-o.

YOANES 17:8

Nde, kat-nen nebem pigen wene-ge an-nen it yak ondosola, waniga-o. Wanogolar-e, an-e ndemeret kat keram-nen lobok yidnak irit enaru yogolat, an-e kat wirik nibil lobok yigen-o luk neberali-o.

YOANES 3:2

Misik tarem kubu nggwe-ge at na-ge Yesus eram mberarik, at yak tosolar-e: ”Mul Ondoso Nap wa-e. Kar-e Mbal Pem Nagawan-nen kibil lobok yidnak-nen yusu-o luk nir-e nenaru-o. Mbal Pem Nagawan nde inmin woragit lak-nen-e kat-nen kwiye worak mende kwarusu yu nggal-e ap misiger-o luk tet-nen kwarurag-e meya-o” luk yij-o.

YOANES 5:17

Alama-ge, Yesus-nen it yak ondosolar-e: ”An Neig-e yabu wok tenak kundugu yawo na wanusur-o. Nde, an-nen na yabu wanusur-o” luk yij-o.

YOANES 5:19

Iri ala, Yesus-nen ap ereba na yak ondosolar-e: ”An-e ndemeret yak kundusu-o. At Ambara an-nen-e nambik nindi-n pidnak kwarusu bug-o. Are, an Neid-nen kwarosola kaidnak iri na-t an-nen na kwarusu-o. Nde, an Neid-nen kwaroso mende iri na-t Ambara an-nen na kwarusu-o.

YOANES 7:16

Yogolikma-ge, Yesus-nen it yak ondosolar-e: ”An-nen mul ondoso wene yu-ge an nindi-n pidnak wene-ge lag-o. Are, an wirik nibil lobok yidnak nap Mbal Pem Nagawan-nen yidnak yidnag-et mul ondoso-o.

YOANES 8:28

Iri ala karuk, Yesus-nen it yak ondosolar-e: ”Kit-nen-e Ap Ambara an mendak nubugupmu-ge, ’Ar-e Ar-e woraso-net yusu-o’ luk kenaru yogolat, nde, at-nen kwaroso na-ge misiger-o luk tet at indi-n pidnak pem kwaroso buk, are, at-nen yoso-ge Eid-nen mul tidnak wene nak yamu-o luk kenaru yugub-o.

YOANES 8:38

An-nen-e Neid-nen mirik nibidnak nak mul kundusu-t nde, kit-nen-e kit kineid-nen yak kindidnak mende-t kwatli-o” luk yak indij-o.

YOANES 8:40

Nde, ndemeret wene Mbal Pem Nagawan-nen yak niridnak iri na-t yak kondosolat woragi-t nde, kit-nen an nuruwokluk yili-o. Abaram-nen-e iri nggal kwaroso bug-o!

YIDNAK YIDNAK WENE 10:38

Nde, Mbal Pem Nagawan-nen Yesus Nasaret nap na ebem-e Konak Indi min amawi min kilik pidnak wene-ge kenaru nar-o. Mbal Pem Nagawan-e at imin woralat me, at waring kasolar-e, konak nak kwarosolat, Sere-nen yemen inpidnak nap oboksa ki rak inpil waring kagaij-o.

2 KORINTUS 5:19

Nit-nen yili wene-ge yu-o: It-nen meya yidnak na wonarigit lag-et, Mbal Pem Nagawan-nen-e Kerisut ebem ap oboksa at ondomok imin lambuk tak inpij-o. Nde, at-nen-e at imin lambuk tak unpurak wene iri-ge nit nenpem pamu-o.

KOLOSE 1:19

Nde, Mbal Pem Nagawan indi-n pidnak pem-e Mbal Pem Nagawan abage iminep mbarak iri-ge at Ambara arem worasu-o.

KOLOSE 2:9

Nde, Mbal Pem Nagawan-et woraso oboksa-ge Kerisut nggweyak ma nap enpage worak iri na bem-et worasu-o.

1 YOANES 5:7

Iri bem-e wene yu-ge kenan yu-nen kunggurusu-o.