YOANES 14:1 - Nanduk Ngget Tul Pidnak Wene

¹ Yuruk, Yesus-nen yosolar-e: ”Kit kinndi kabak yili-ge meyog-o. Kinndi-ge Mbal Pem Nagawan ebem angin tubu yogolar-e, an nebem na kinndi angin tubu yer-o.

YOANES 14:1 ပူးပေါင်းရင်းမြစ်များ

NDAWI ENGGA 43:5

Noluk-nen an-e nindi abi kalok yosolat yane wat tenak worasu-o? An-e Mbal Pem Nagawan ebem nindi mbung mbung tak woralat, an-e Nembal Pem Nagawan, nimiri yoso nap iri na wiwa-o yak tosolat woramin-o.

YOANES 11:33

Nde, Yesus-nen Maria min at imin lobok yidnak Yawuri nap na min yip togola eneyaruk, at indi andi luk, indi puru kwarat agaij-o.

YOANES 12:27

Yuruk, Yesus-nen yosolar-e: ”Yawo-ge an nindi andi kwarat yidnak me, no wene nde yimin-o? ’Neid wa-e. Iri kwat nuburak tarem-e an nebem wok ma naru, nimiri yi-o’ luk yimin, lak? Lag-o. Iri kwat nuburak pem-et lobok yigi-o.

YOANES 12:44

Iri luk, Yesus-nen ene ngguloksa yosolar-e: ”An nebem indi angin tubu yusu nab-e, an nebem nag-e lag-o. Are, an wirik nibil lobok yidnak nap na ebem-et indi angin tubu yusu-o.

YOANES 13:19

Wene iri-ge awo kwat yigit lak ma-net yawo-ge yak kundusu-o. Nde, wene iri abok ebe kwat yosola-ge, kit-nen peragolar-e: ’Kerisut na-ge ndemeret ar-er-o’ luk nebarabokluk-nen yak kundusu-o.

YOANES 16:24

Kir-e nanduk-net an nunu bem yi mende ndi mende mbi nggi yigit lak worali-o. Kit kenalen na iminep mbal maklug-e, nggi yer-o. Nde, nggi yogola-ge, wanugub-er-o” luk yij-o.

YOANES 16:3

It-nen iri kwat kunpuwa iri-ge an Neid nenmberek enaru buk-nen kwat kunpuwa-o.

YOANES 16:6

Nde, wene yu yak kindigi bem-e, kit kinndi puru pera yili-o.

YOANES 5:23

Nde, an Neid-nen amawi an ninggem pid iri-ge ap pidsa-nen Neid kek tak pili nggal, Ambara an na kek tak nubuwakluk-nen ninggem pij-o. Ambara an kek tak nibili buk nab-et wirik nibil lobok yidnak nap an Neid na kek tak pili bug-o.

YOANES 6:40

Nde, an Neid indi-nen perasu-ge yur-o. At Ambara an neyaruk, an nebem inndi angin tubu yuwa nap pidsa-nen unlug-et woralik nalik elem wanuwa-o. Nde, inndi angin tubu yili nab-e i woronosolat tarem-nen an-nen unluk tak inpimin-o” luk yak indij-o.

2 KORINTUS 2:7

Yawo-nen perak nde, kit-nen-e at iri na kunlugom tak puruk, at indi abi-nen wat kurujwa naru, at indi yungunugup na-e.

EPESUS 1:15

Iri bem-e, kit kinndi-ge Nagawan Indo Yesus ebem angin tubu yidnak wene min Mbal Pem Nagawan winde nap oboksa enabuwa kali wene min kulurug-e,

2 TESALONIKA 2:2

Ap-nen yogolar-e: ”Lag-o. Nagawan Indo lobok yurak Tarem irit kwat agaij-o” luk yogola na, kirimbi yogola na, ”Irit yamu-o” luk nit-nen mbaridnak engga nggal yak kondogola na, kulurug-e, kir-e ndag-et nak wendet luk, kinndi pok yurak pug-o.

1 PETERUS 1:21

At ebem nak-nen Mbal Pem Nagawan ebem kit kinndi angin tubu yili-o. Mbal Pem Nagawan-nen-e at iri na wat yidnak nap ennggendumu-nen uruk tak posolat, kek tak obosolat yij-o. Iri bem-e, Mbal Pem Nagawan ebem nak kinndi angin tubu yogolat, at ebem nak kinndi mbung mbung tak woragolat yili-o.