YOANES 13:18 - Nanduk Ngget Tul Pidnak Wene

¹⁸ Wene yu-ge kit pidsa yak kundusu-ge lag-o. An-nen len inpidnak nab-e an naru worasu-o. Alat nde, Mbal Pem Nagawan engga bem-nen yosolar-e: ’An totno mburu naso nap-nen-e an isili rak nibij-o’ luk mbaridnak iri na ndak ndag-et kwat ma-o.

YOANES 13:18 ပူးပေါင်းရင်းမြစ်များ

MATIUS 10:36

It inmin sirid nab-e it ondomok enma woragwi nap iri-net sirid nap ma-o.

MATIUS 26:21

Nonggolat-nen Yesus-nen yosolar-e: ”An-nen yak kendeyeg-o: Kit kennggendumu ap misik-nen-e an niminep wusuruwa-o” luk yij-o.

MATIUS 26:23

Yogolikma-ge, Yesus-nen wene erep nggarosolar-e: ”An nimin totno mburu-ge piring misik me amburu yugurusu nap at-net wesel nubuwa-o.

MARAKUS 14:17

Nde, o ndamuk yosola-ge, Yesus-e owosirak duabelas na inmin luk lobok yiga-o.

MARAKUS 14:18

Lobok yigarik, mburu nonggolat koreyak woragolat-nen Yesus-nen yosolar-e: ”An-e ndemeret yak kundusu-o. Kit an totno mburu nili nap mbi-nen-e an niminep wusuruwa-o” luk yij-o.

MARAKUS 14:20

Yogolikma-ge, Yesus-nen it yak ondosolar-e: ”Iri kwaruwa nab-e ap misik kit duabelas kennggendumu-nen an totno piring misiget pem nili nab-er-o.

LUKAS 22:21

Alat nde, yu nde ker-o. An niminep wusururak nab-e an nimin totno nili yur-o!

YOANES 13:21

Yesus-nen wene na yosoluk, at indi andi kwarat luk, nam-et kenggel ondosolar-e: ”An-e ndemeret yak kundusu-o. An niminep wusururak nab-e kit kennggendumu ap misik worasur-o” luk yij-o.

YOANES 13:22

Yosoloma-ge, at-nen imin yid nap iri-ge enaru buk me, at owosirag-e wendet luk, nerengen ma kerengen ma mbiga-o.

YOANES 13:26

Yosoloma-ge, Yesus-nen at yak tosolar-e: ”Ap iri-ge an-nen oroti mburu mbi amburu masa wok timin nap irir-o” yuruk, oroti mburu mbarak mbi waga amburu masa Simon Ikariot ambara Yuras irit wok tij-o.

YOANES 15:16

Kit-nen an len nibigit lag-o. Alat nde, an-nen len kunpuruk, kit-nen-e engen kwarat pogolar-e, pem-et woralik nalik momtak engen pobokluk-nen an-nen wirik kinpigi-o. Nde, an nunu bem an Neid nggi yak tugup mende-ge, iri na-t wok kunduwa-o.

YOANES 15:19

Nde, kit nde nggweyak ma nap min-et kundik woraigep nggal-e, nggweyak ma nap-nen-e yu-ge nit mende-o luk kit kenabuwa kaleb-o. Alat nde, nggweyak ma nap ennggenggerak-nen an-nen len kinpidnak me, kir-e nggweyak ma nap inmin kundig-e lag-o. Iri bem-e nggweyak ma nap-nen-e insili rak kinpili-o.

YOANES 15:25

Nde, iri kwat ninpili iri-ge it-nen idnak imiri mbarak pidnak wene bem-nen yosolar-e: ’Elem lag-et nde, insili rak nibiga-o’ luk yid iri na ndak ndak tak pogolat-nen kwat ninpili-o.

YOANES 17:12

An-e it inmin woralar-e, an wok nirigen kunu iri bem-et ndegel onposolat woragi-o. Nde, an-nen-e it yik eneyarok worala-ge, misiger-o luk tet pul yigit lag-o. Are, Mbal Pem Nagawan engga bem mbaridnak na ndak ndak makluk, ap misiget nak pul yij-o.

YOANES 18:32

(Nde, iri kwariga iri-ge Yesus-nen yosolar-e: ”Iri nggal kwat nobogola, wat yimin-o” luk yidnak iri na ndak ndak yosolar-e, iri kwariga irir-o.)

YOANES 19:24

it-nen yogolar-e: ”Sum yu-ge ndulurag-e meya-o. Are, engga mbara ligik puwog-o. Ebem mbidnak nap irit wanuwak-nen-o” lug yiga-o. Iri kwariga iri-ge Mbal Pem Nagawan engga mbarak pem-nen yosolar-e: ”An nusum-e it-nen tembesa wanogolat, namberam sum mot wanurak pem engga mbara ligik pogolat yiga-o” luk yid iri na ndak ndak tak pogolat-nen kwariga-o. Ndemeret iri na nggal-et it san winde ereba-nen kwariga-o.

YOANES 19:36

Nde, iri kwat ibiga iri-ge, Mbal Pem Nagawan engga bem-nen yosolar-e: ”At owak misiget ter-o luk mbi kalak puwa bug-o” yidnak na ndak ndak tak pogolat-nen yiga-o.

YOANES 21:17

Yak turuk, kenan pem tak posolat Yesus-nen at yak tosolar-e: ”Yona ambara Simon wa-e. Kar-e an nabuwa kasu, lak?” luk yak tij-o. Nde, Yesus-nen kenan pem-et: ”Kar-e an nabuwa kasu, lak?” luk yak tosola karuk, at Peterus na indi puru luk-nen Yesus yak tosolar-e: ”Nagawan Indo wa-e. Kar-e pidsa karu me, an-nen kat kabuwa kaso iri-ge kat karu irir-o!” luk yosoloma-ge, Yesus-nen at yak tosolar-e: ”Iri ala-ge, an nolomba wam parugu wolmin-o.

YOANES 6:70

Yak tosoloma-ge, Yesus-nen it yak ondosolar-e: ”Kit ap duabelas yu an-net len kinpigi-t nde, kit kennggendumu ap misig-e sere nde worasu-o!” luk yak indij-o.

YIDNAK YIDNAK WENE 1:16

”Nanggamirak wa-e. Yuras-nen Yesus tenagaidnak nap ininggi waruk lobok yid iri-ge at urul-e nanduk Konak Indi-nen Mbal Pem Nagawan engga bem Ndaud emendam tak pidnak wene iri na mondok ndak ndak tak posolat-nen kwarij-o.

YIDNAK YIDNAK WENE 1:2

at lagit lak ma-nen at-nen yidnak yidnak oboksa mbatluk, Konak Indi bem-nen at-nen lenak unpuruk wirik inpidnak nap na wene yak indij-o.

2 KORINTUS 4:5

Nde, nir-e nit nondomok nonowene yak kindili-ge lag-o. Nit-nen yak kondogolar-e: ”Yesus Kerisut iri-ge Nagawan Indo-nen yusu-o luk, Yesus ebem ala, nir-e kit ndegel kunpugwi nap-nen yili-o” luk yak kindili-o.

IBERANI 4:13

Nde, ndak wiridnak tengge misiger-o luk tet at erengen pem-e kura worasu-ge mondok lag-o. Yi mende ndi mende oboksa-ge at erengen pem-e mondok ngenwa nam-et nak yik kasu-o. Nde, iri yoso nap imbiri bem nit pidsa-ge nit-nen kwarogolat woraidnak mende-ge mondok nam para yak tul-o.

NAM PARA WENE 2:23

Kwe iri ene wanugwi nap na indimin-o. Indimin iri-ge, lambuk tak inpidnak nap oboksa-nen enaru yogolar-e, ap-nen yebet kagwi min ap inndi min mbenaroso-ge Mbal Pem Nagawan-net yusu-o luk enaru makluk, indimin-o. An-nen onggo posolar-e, kit-nen kwaridnak ndak ndag-et onggo wok kindimin-o.