YOANES 13:13 - Nanduk Ngget Tul Pidnak Wene

¹³ Kit-nen an yak norogolar-e: ’Mul Nondoso Nap wa-e’ yogolat, ’Nagawan Indo wa-e’ yogolat yili iri-ge ndemeret ndak ndag-et yak nitli-o.

YOANES 13:13 ပူးပေါင်းရင်းမြစ်များ

YEREMIA 1:12

Yosolakmu, Nagawan Indo-nen yosolar-e: ”Iri-ge ndemerer-o. An-nen yusu wene oboksa ebe-t kwat makluk, an-e mondok yik karok irit worasu-o” luk yij-o.

MATIUS 20:28

Iri nggal-et Ap Ambara lobok yid iri-ge ap yongga wuruwakluk lobok yigir-e lag-o. Are, ap yongga endeyekluk, ap kwarat onnggo posolat iminep wesel korayekluk-nen lobok yij-o” luk yij-o.

LUKAS 10:28

Yosoloma-ge, Yesus-nen at yak togolar-e: ”E! Yigen iri-ge ndemerer-o. Yigen iri ndak ndag-et kwarosola-ge, kurug-et woragun-o” luk yij-o.

LUKAS 6:46

Yuruk, at-nen yosolar-e: ”Kir-e an-nen yidnak yidnak kwatli bug-et nde, noluk-nen ’Nit Nagawan Indo wa-e. Nit Nagawan Indo wa-e’ yak nitli-o?

LUKAS 7:43

Yosoloma-ge, Simon-nen yosolar-e: ”An nindi-nen perasolar-e, namat nggulok mbarak ibidnak nap na-t at abuwa nggulok nde kagaid perasu-o” luk yij-o. Yosoloma-ge, Yesus-nen at yak tosolar-e: ”E! Wene yigen iri-ge ludsa-t yigen-o” luk yak tij-o.

YOANES 11:2

(Nde, Maria iri-ge Nagawan Indo ijok pem emben konak amburu kuluruk, at anggulsu-nen at ijok ndogwarak pid kwe-ge iri nar-o. Nde, kwe iri na owe Lasarus-e kugi worak woragaij-o.)

YOANES 11:28

Nde, wene na yuruk Marata na ama mberarik-nen owot Maria na wene mbo buruk, mbik mbok-nen yak tosolar-e: ”Mul Nondoso Nap na lobok yarig-e, kat kin wok kibij-o” luk yak tij-o.

YOANES 11:3

Iri ala-ge, Lasarus iridtak mberen iri-nen wene wosa Yesus eram pil mborogolar-e: ”Nagawan Indo wa-e. Nit nintid kanggam abuwa worak na-ge kugi worak worasu-o” luk yiga-o.

1 KORINTUS 12:3

Iri bem-e, an-nen wene yu-ge kwara kenaru rak peyeg-o. Konak Indi arem woraso nap-nen-e ap misiger-o luk tet-nen yosolar-e: ”Yesus iri-ge imbiri lamut mag-o!” luk yoso bug-o. Nde, ap misiger-o luk tet-nen yosolar-e: ”Yesus iri-ge Nagawan Indo-nen yusu-o” luk yoso iri-ge Konak Indi arem worasu iri bem nak-nen yoso-o.

1 KORINTUS 8:6

nit nenmanggim-e Nineid Mbal Pem Nagawan misiget nak, yi mende ndi mende pidsa ndak wirid nap, at ariget nak worasu me, at amanggim-e nir-e worali-o. Nde, nit nenmanggim-e Nagawan Indo misiget nak, Yesus Kerisut iri-ge yi mende ndi mende pidsa ndak wirid nap at ebem-et nir-e worali-o.

EPESUS 6:9

Kit nagawan nagawan wa-e. Kit-nen na iri nggal-et ndegel kunpugwi nap inmin-e: ”Kindimin-o” yugwi iri keya ber-o. Kit min ndegel kunpugwi nap min-e Kineid aid arem worasu iri-nen-e ap entare lombonoso bug-o luk kinndi yebet ker-o.

PILIPI 2:11

it ondomok enmende nggwe-nen para yogolar-e: ”Yesus Kerisut yu-ge Nagawan Indo-nen yusu-o” luk yogolat-nen-e Nineid Mbal Pem Nagawan unu kek tak puwa-o.

PILIPI 3:8

Nde, iri mende nak meya-ge lag-o. Are, yi mende ndi mende oboksa-ge ebe lak mende nde kasu-o. An Nagawan Indo Kerisut Yesus naru mom iri perak nde mondok nggulok lombog-o. At ebem an yi mende ndi mende oboksa keya bosolat, iri mende-ge we eneyak ngen mbo bidnak nggal-nen yusu-o luk peraso-o. Iri keya bigi iri-ge an-e mondok Kerisut nak wanuruk,

YAKOBUS 2:19

”Mbal Pem Nagawan-e misiget nak-nen yusu-o” luk kindi angin tubu yusu iri-ge kar-e ob-et yusu-t nde, kugi-nen na Mbal Pem Nagawan ebem inndi angin tubu luk, kwiye-nen onowak lele-t yili-o.