YOANES 13:1 - Nanduk Ngget Tul Pidnak Wene

¹ O Anggul Pandok Mbiridnak tarem yebet kagolat nggulok saguwokluk nene yogolar-e, Yesus na nggweyak ma yu me keya buruk, Eid eram mondok mbururag-e yawo-n panggo yij-o luk, aru yij-o. Aru yosola-ge, at winde nap nggweyak ma yu me woragwi iri enabuwa kaso na worok tak purak tarem-nen na it enabuwa-t kagaij-o.

YOANES 13:1 ပူးပေါင်းရင်းမြစ်များ

NGGOMO WENE 8:31

An-e at-nen idnak o yu na me nalen pem woralat, ki nap inmin kundik nalen pem woragi-o.

YEREMIA 31:3

an-e erepma-net nde, inmbiri bem nam yukmu-o. Isarael nap wa-e. O nanduk-net an-e kit kenabuwa kaso me, an-e kenabuwa kaso elem mirik konposolar-e, pem irit kenabuwa kasolat woramin-o.

MATIUS 26:45

Iri luk, tuguruk owosirak endam lobok yarik, it yak ondosolar-e: ”Kir-e nene yogolat, kenpabok kwarogolat nak yili-a? Ap Ambara na-ge meya kwarugwi nap ininggem wesera purak tarem wok yid yu ker-o.

MATIUS 28:20

an-nen ’Iri nggal mer-o’ luk yak kindigi wene oboksa-ge it mul ender-o. Yebet yebet tak wolmer-o. An-e pempa-t kit kinmin irit worasoma, woroksiyem wok ma-o” luk yak indij-o.

LUKAS 22:53

An-e pempa kit kennggenggerak Mbal Pem Nagawan ama woraso-t nde, kir-e tena nibigit lak yigeb-o. Alat nde, yawo-ge kit-nen idnak tarem min ndamuk ombo-nen amawi yurak tare min-nen yusu-o” luk yij-o.

LUKAS 9:51

Yesus na aid arem wok uburuk ludtak tarem panggo yosola, Yerusalem mbururak peragaij-o.

YOANES 11:55

Nde, iri tarem-e O Anggul Pandok Mbiridnak tarem yebet kagolat Yawuri nap-nen sakwi tarem na panggo yosola-ge, o siri iri me woragwi nap kwarat-nen nunggwi mende sakit lak ma-nen it-net it mbek tak unpurak pem Yerusalem mbiriga-o.

YOANES 12:23

Yak togolikma-ge, Yesus-nen it yak ondosolar-e: ”Ap Ambara an nunu kek tak purak tarem-e ndak agaij-o.

YOANES 13:29

Yuras iri-ge it ontol tena woraso nap me, it erep inndi-nen peragolar-e: ”Yesus-nen-e nunggwi mende nggulok sagili yu amanggim nunggwi mende mbi onggo pil mburuwakluk-nen yak tusu, lak?” Are, ”Insilobulo lak nap tol erep tembesa wok unduwakluk-nen yusu, lak?” luk peraiga-o.)

YOANES 13:3

Yesus na Eid-nen yi mende ndi mende at inggem pidnak na aru, nde, Mbal Pem Nagawan eram-nen lobok yidnak me, tuguruk ijok lem Mbal Pem Nagawan eram-et mbururak na aru woraidnak me,

YOANES 13:34

An-nen-e imiri mbarak pidnak wene ngget yu wok kundusu-o: Nabuwa kabuwa nak kagolat wolmer-o. An-nen kit kenabuwa kaso nggal kit-nen na nabuwa kabuwa irit kagolat wolmer-o.

YOANES 14:28

An-nen yak kondosolar-e: ’An-e mbirimin-et nde, tuguruk kendam lobok yimin-o’ yak kondosola, kuligep nar-o. Nde, kir-e an nabuwa kagolat nggal-e, an Neij-e nggulok terak minig-et me, at Eid eram mburusu-o luk kenalen kaleb-o.

YOANES 14:31

Alat nde, nggweyak ma nap pidsa-nen-e an-nen Neid abuwa kasu-o luk enaru makluk, an Neid-nen yak niridnak wene pidsa irit kwaroso-o. Yu me-nen mburuwog-o. Men mer-o” luk yak indij-o.

YOANES 16:28

An Neid eram-nen lobok yigirig-e, nggweyak ma yu me ngguwagi-o. Yawo nggweyak ma yu keya buruk, tuguruk Neid eram mbirimin-o” luk yij-o.

YOANES 17:1

Yesus-nen wene na yurug-e, at erengen mbal arogo lik karuk-nen yosolar-e: ”Neid wa-e. An nururak tarem-e yawo-n panggo yij-o. Kat Kambara an-nen kat kek tak kubuwaklug-e, kat-nen-e Kambara an kek tak nibi-o.

YOANES 17:16

An-e nggweyak ma nab-e lag-o. Iri nggal, it na nggweyak ma nab-e lag-o.

YOANES 17:26

Kat-nen an nabuwa kaso elem na it enarem worasolat, an na it enarem worasolat makluk, an-nen kat kunu mirik onposo-o. Nde, iri nggal-et kat kunu-ge mirik onposolat woramin-o” luk yij-o.

YOANES 17:5

Neid wa-e! Nggweyak yu ndak wirigit lak ma-nen kat kimin woralat an nunu kek tak woraso iri na bem yawo-nen kat kinmbiri bem an nunu kek tak pi-o.

YOANES 18:4

Lobok yogolikma-ge, Yesus na at kwat uburak pidsa aru me, it endam panggo lasolat-nen yak ondosolar-e: ”Kir-e ta ogore yili-o?” luk yosoloma-ge,

YOANES 19:28

Iri lug-e, Yesus-nen-e pidsa ndak yidnak na aru lug-e, Mbal Pem Nagawan engga mbarak pem-nen yidnak wene ndak ndak makluk, at-nen yosolar-e: ”Yi nere-o” luk yij-o.

YOANES 2:13

Yawuri nap-nen O Anggul Pandok Mbiridnak tarem yebet kagwi na panggo yosola-ge, Yesus na-ge Yerusalem mbirij-o.

YOANES 6:4

Iri tarem-e Yawuri nap-nen O Anggul Pandok Mbiridnak tarem yebet kagwi na panggo yij-o.

YOANES 7:30

Iri tarem-net it-nen-e at tenagurak yiga-t nde, at tenagurak tarem-e awo wok yigit lak me, ap misiger-o luk tet at tenagurak meya agaij-o.

YOANES 7:6

Yak togolikma, Yesus-nen it yak ondosolar-e: ”An-nen kwarurak tarem-e awo wok yigit lak worasu-o. Nde, kit-nen kwarurak tarem-e ndak nak worasu-o.

YOANES 8:20

Yesus-nen wene iri yosolar-e, Mbal Pem Nagawan ama-nen Mbal Pem Nagawan amanggim tol pugwi ondoro eralu worasolat-nen yij-o. Nde, at tenagurak tarem-e awo wok yigit lak me, ap misiger-o luk tet-nen at tenakit lag-o.

OROMA 8:37

Alat nde, iri mende pidsa bem-e nit nenabuwa kaso nap iri-nen mondok ombol nggwe rak nunpusu-o.

1 KORINTUS 1:8

Yesus-nen tugup lak tak kinpidnak irit worakmu worok tak puwa tarem, nit Nenagawan Indo Yesus Kerisut-nen idnak Tarem-nen-e kenpem wene mbaruwa bug-o.

IBERANI 3:14

Nir-e nanduk-net ebem ninndi mbung mbung tak pige wene na puksa tena irit worakmu, woroksiyem-nen-e nit pidsa-ge Kerisut arengge na at totno winde mul-o.

IBERANI 3:6

Alat nde, Mbal Pem Nagawan uwi na-ge at Ambara Kerisut inggem pidnak me, ar-e mot mot nak tena worasu-o. Nde, nir-e wog-et nunduwa-o luk ninndi embem min-et ninndi mbung mbung tak woragwi ala-ge, nir-e Mbal Pem Nagawan uwi-net yili-o.

IBERANI 6:11

Kit kondomok tak-nen kenmawi kondogolat iri worakmu worok tak posolat-nen kit-nen ebem kinndi mbung mbung tak puruk woragwi na mondok wanurak iri-ge mondok nindingen-o.

1 PETERUS 1:13

Iri bem-e, kinndi enggengge bem puruk, kwil kwalsa woragolar-e, Yesus Kerisut abok lobok yosolat-nen we wok ondoso mende wok kunduwa na bem kinndi mbung mbung tak wolmer-o.

1 YOANES 4:19

Mbal Pem Nagawan nanduk-nen nit nenabuwa kaidnak pem, nit-nen na enabuwa kagwi-o.