YOANES 12:6 - Nanduk Ngget Tul Pidnak Wene

⁶ Iri yid iri-ge, insilobulo lak nap enabuwa-nen yij-e lag-o. Are, ar-e yariya wanoso alar-e, it ontol tena wolmomtak at inggem pidnak me, ereb-e at wanurak perasolat-nen yij-o.

YOANES 12:6 ပူးပေါင်းရင်းမြစ်များ

NDAWI ENGGA 14:1

Ap wid yebet kaso buk-nen inndi arem peragolar-e: ”Mbal Pem Nagawan-e lag-o” perali-o. It-nen kwarugwi-ge emben to rak yik kudtak puk ereba na nak kwarugwi-nen yili-o. Konak kwarugwi-ge misiger-o luk tet mondok lag-o.

YESKIEL 33:31

Iri luk, nggwid nggwid lobok yogolar-e, an nilirak nggal kwasa kore luk, kat kene kulili-t nde, kat-nen enpem pusu ereba na ir-e kwatli bug-o. It enemnde bem-nen-e enabuwa kagwi wene wirik pili-t nde, inndi arem-nen-e it ondomok ukwe ukwe mende lesa wanurak iri nak yebet kali-o.

MATIUS 21:13

it yak ondosolar-e: ”Mbal Pem Nagawan engga mbarak pem-nen wene yu mbarak worasu-o: ’An nama iri imin-e tepan yugwi ma-o luk yuwa-o’ luk yij-et nde, kit-nen-e o ma yu-ge yariya wanugwi nap ondoro nggal tak pili-o” luk yak indij-o.

LUKAS 8:3

kwe misig-e Yoana, Erores urugom nap Kusa na ogwe na min; kwe misig-e Susana na min; kwami erep kwarat-nen-e it enarengge bem-nen Yesus owosirak inmin yongga ondogolat woraiga-o.

YOANES 10:13

Onggo wanurak pem nak parugu woraso nap iri-ge lomba wam na umud kagit lak, kwiye mboroso-o.

YOANES 12:5

”Abuga! Amburu yu-ge onggo uang kwarat wanuruk, insilobulo lak nap tembesa wok undurag-et nde-o” luk yij-o.

YOANES 13:29

Yuras iri-ge it ontol tena woraso nap me, it erep inndi-nen peragolar-e: ”Yesus-nen-e nunggwi mende nggulok sagili yu amanggim nunggwi mende mbi onggo pil mburuwakluk-nen yak tusu, lak?” Are, ”Insilobulo lak nap tol erep tembesa wok unduwakluk-nen yusu, lak?” luk peraiga-o.)

1 KORINTUS 6:10

yariya wanugwi min inndi meya min anggut engen amburu ndonggosa nunggwi min ap onpok pugwi min ap enmberam lagwi min-e Mbal Pem Nagawan-nen tenagaidnak wi-ge winde yuwa bug-o.

NGGALATIA 2:10

It-nen yogolar-e: ”Yu nak perak nde keya burak pug-o. It insilobulo lak nap iri-ge meme rak unpurak pug-o” luk yak nindiga-o. Nde iri-ge an-e iri kwarurak pem an namawi kondoso-t nde yak niriga-o.

1 TESALONIKA 5:22

Nde, meya kwarugwi elem oboksa konmbol wok ter-o.

YAKOBUS 2:2

Nde, kit tepan yogolat ndok worak worakmu, arengge worak nap mbi amanggo emas-nen konidnak min usum konak nak yirik ngguruk worasoma, imbirik arengge lak nap mbi usum na ndelep pelep yirik nggosola-ge,

YAKOBUS 2:6

Alat nde, kit-nen-e enarengge lak nab-e no yik kidnak nggal tak inpili-o. Nde, kit teberak konpogolat, kenpem wene mbarugwi sa lit keneyaruk mbitli nab-e enarengge worak nap-net kwat kinpili yu kali bug-a?