Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




YOANES 12:42 - Nanduk Ngget Tul Pidnak Wene

42 Iri alat nde, Yawuri nap enne kulugwi nap kwarat-nen inndi-ge Yesus ebem angin tubu yiga-t nde, Parisi nap-nen-e Mbal Pem Nagawan ama-nen abu abu wirik unpuwa naru, Yesus ebem inndi angin tubu yidnag-e para yigit lak yiga-o.

အခန်းကိုကြည့်ပါ။ ကော်ပီ




YOANES 12:42
25 ပူးပေါင်းရင်းမြစ်များ  

Kit Nagawan Indo aye worak woragolat, at-nen yidnak yidnak kwatli nap wa-e. Nagawan Indo-nen yak kundusu wene kwara koler-o. At-nen yosolar-e: ”Kit-nen an-nen yidnak yidnak tugup lak kwarogolat worali bem-e, kit kenlem nap ennggendumu ap erep-nen-e insili rak konpogolat, kit kinmin kundurak insili yili-o. It-nen pesel konpogolat-nen yogolar-e: ’Kit-nen kenalen kagola, nit kujwok-nen Nagawan Indo-nen at-nen kek tak woraso iri na mirik nunpuwag-o’ luk yili-o. Alat nde, it ondomok nde innggiri ma-o.


Yosoloma, Nagawan Sendekia-nen yosolar-e: ”An-nen kwiye kwarat kasu-ge it Mbabel nap-nen nit nab-et nde, Mbabel nap enambigit mbiriga ereba ininggem nubuwama, andi bandi rak nubuwa iri nak kwiye kasu-o” luk yij-o.


”Nde, ap inmbiri bem-et nde, ’Yesus iri-ge an-e naru-o’ luk nam para yuwa nab-e an-nen na an Neid aid arem woraso imbiri bem-et nde, iri yidnak nap imin-e: ’Ap yu-ge an-e naru-o’ luk nam para yimin-o.


Yuruk, Yesus-nen yosolar-e: ”Wene yu kwara kinndi yebet ker-o. ’Yesus-e an-net wanigi-o’ luk ap inmbiri bem-et para yuwa nab-e, Ap Ambara an-nen na at imin-e: ’Ap yu-ge an-e naru-o’ luk Mbal Pem Nagawan-nen idnak aid nap inmbiri bem-et para yimin-o.


Iri luk, Pilatus-nen tepan omborak nagawan min Yawuri nap ennggendumu enne kulugwi nap min yonggo unpuruk,


Ap Ambara an nebem ala, ap-nen insili rak konpogolat, ap-nen keya konpogolat, pesel konpogolat, ’Kir-e meya kwaroso nab-o’ luk kunnu mbilaro ngin tak pogolat, iri rak konpogola-ge, kenalen ker-o!


Nde, Yesus-nen iri kwarosola karuk, Maria eram lobok yiga Yawuri nap kwarat-nen Yesus ebem inndi angin tubu yiga-o.


Nde, Lasarus kwat ibidnak pem Yawuri nap kwarat-nen it tepan omborak keya unpuruk, Yesus ebem inndi angin tubu yogola-ge, Lasarus min-et wuruwokluk yiga-o.


Nde, tepan yugwi ma-nen abu abu wirik kunpuwa-o. Nde, kit kunduwa nap-nen peragolar-e: ’An-e Mbal Pem Nagawan eyabu wanusu-o’ luk yurak tarem-e panggo yuwa-o.


Iri rak purug-e, o Arimatea nap Yusup-nen Yesus orogwak waneyekluk, Pilatus nggi yak tij-o. (At Yusup iri-ge Yesus ene wanoso woragaij-et nde, Yawuri nap enaye-nen mbik mbok wanij-o.) Nde, Pilatus-nen-e: ”Ob-o” yosoloma-ge, Yusup na mberarik, at orogwak na waruk mbirij-o.


Misik tarem kubu nggwe-ge at na-ge Yesus eram mberarik, at yak tosolar-e: ”Mul Ondoso Nap wa-e. Kar-e Mbal Pem Nagawan-nen kibil lobok yidnak-nen yusu-o luk nir-e nenaru-o. Mbal Pem Nagawan nde inmin woragit lak-nen-e kat-nen kwiye worak mende kwarusu yu nggal-e ap misiger-o luk tet-nen kwarurag-e meya-o” luk yij-o.


Alat nde, Yawuri nap na enaye-nen ap misiger-o luk tet-nen at obog-e nam-et para yigit lag-o.


Alat nde, ap ereba na ennggendumu ap kwarat-nen at ebem inndi angin tubu yogolat-nen yogolar-e: ”At yu-nen kwiye worak mende kwarat kwarusu yu-ge, Mesias abok lobok yuwarig-e, kwiye worak mende terag-e no mende nde kwaruwa-o?” luk yiga-o.


It Yawuri nap-nen wene mbarogolar-e: ” ’Yesus iri-ge Mesias-nen yusu-o’ luk para yuwa nab-e Mbal Pem Nagawan ama-nen mbo bul-o” luk mbaridnak me, it Yawuri nap enaye-nen at eid ija-nen yogolar-e:


Yak ondosoloma-ge, it-nen at yak togolar-e: ”No yusu-o? Kar-e ndesa mbosolat-net meya kobong tag-et ndesa mbigen yu-net nde, nit nggomo nundusu-a?” yak turuk, ”Kar-e Mbal Pem Nagawan ama kar-e nggumomtag-e lag-o” luk langgara wirik piga-o.


Wirik onpogolikma, it na wene mbarugwi nap endam-nen mborogolar-e: ”Yesus unu bem ala linggamburok nindiga-o” luk enalin enalen min-et mbiriga-o.


Nde, inndi-nen angin tubu yidnak pem-nen lud tak nak onposo-o. Nde, enemende nggwe-nen-e: ”Yesus-e Nagawan Indo-nen yusu-o” luk yidnak pem inmiri yoso-o.


”Yesus-e Mbal Pem Nagawan Ambara-nen yusu-o” luk para yuwa nab-e, Mbal Pem Nagawan-e iri yidnak nap na arem woralat, nde, at na Mbal Pem Nagawan arem worasu-o.


Mbal Pem Nagawan-nen idnak Konak Indi-nen yusu-o luk yu bem-nen yenggerak pugub-o. ”Yesus Kerisut iri-ge ki nap nggal luk lobok yij-o” luk yuwa nap pidsa-ge Mbal Pem Nagawan-nen idnak Konak Indi-ge at arem worasu-o luk yenggerak pugub-o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ