YOANES 12:40 - Nanduk Ngget Tul Pidnak Wene

⁴⁰ ”Mbal Pem Nagawan-nen yosolar-e: ’It-nen an neram lobok yogola, an-nen ki yaga wok indimin naru, it enlengen-nen kujwa naru, it inndi-nen yebet kujwa naru, an-nen it enlengen ngguru rak posolat, it inndi amawi rak posolat yigi-o’ luk yij-o.”

YOANES 12:40 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 22:20

Nde, Nagawan Indo-nen yosolar-e: ’Nggileat nggweyak pem o Aramot iri me narosoma, Akap wuruwaklug-e, ta-nen Akap iri na arem yabu wanuwa-o?’ yak ondosola, aid nap ereba na-nen-e wene onggo yogolar-e, arik tak yogola kuligi-o.

MBIRIGA WENE 10:1

Nagawan Indo-nen Musa yak tosolar-e: ”Kar-e nagawan eram mbiri-o. An-e kwiye worak mende nin tak nan tak it ennggendumu kwareyekluk, Pirayon min at eyabu wanugwi nap min inndi amawi rak pigi-o.

MBIRIGA WENE 11:10

Yosoloma-ge, Musa min Arun min-e kwiye worak mende oboksa ereba Pirayon iri na eram-net kwariga-t nde, Nagawan Indo-nen indi amawi rak posola, Isarael nap yeba na-ge lerak inpigit lak yij-o.

MBIRIGA WENE 14:17

Nde, Mesira nap ereba-ge an-nen inndi amawi rak pumu, mondok kit Isarael nap muk kiniyil lobok yuwa-o. An-nen-e Mesira nagawan iri min at-nen idnak ap kere ereba min onnggweyak koma min ebem koreyak ereba min enambigit an namawi wal kamin-o.

MBIRIGA WENE 14:4

An-nen-e Mesira nagawan iri na indi amawi rah pumu, kit muk kiniyujwa-t nde, an-nen-e Mesira nagawan iri min at-nen idnak esan ombo ereba min an namawi mirik onposola, it-nen-e an nimin-e ’Ar-e ndemeret Nagawan Indo-net yusu-o’ luk enaru ma-o” yak tij-o. Yosoloma-ge, it Isarael nap ereba na-ge Mbal Pem Nagawan-nen yak indidnak ereba na ndak ndag-et kwariga-o.

MBIRIGA WENE 14:8

Ndemeret Nagawan Indo-nen Mesira nagawan iri na indi amawi rak puruk, Isarael nap na-ge Nagawan Indo-nen lit iniyuruk mborosola, Pirayon-nen-e inmbirik muk eneyagaij-o.

MBIRIGA WENE 4:21

Nagawan Indo-nen Musa yak tosolar-e: ”Kat-nen kwiye worak mende kwarurak amawi-ge abu wok kirigi irir-o. Nde, kat-nen nde tuguruk Mesira mburugundig-e, kwiye worak mende-ge Mesira nagawan iri imbiri bem kwarosolat wolmin-o. Alat nde, an-nen-e at indi amawi rak posola, ’Kit Isarael nab-e mberer-o’ luk yak kunduwa bug-o.

MBIRIGA WENE 7:13

Iri nggal-et karug-et nde, Mesira nagawan iri-ge mondok indi amawi luk, Musa min Arun min-nen yidnak wene-ge no mende nggal tak posolat woragid iri-ge, Nagawan Indo-nen yid iri na ndak ndag-et kwarij-o.

MBIRIGA WENE 7:3

Alat nde, an nen nagawan iri-ge indi amawi rak posola, lak tak unpurak mende kwarat Mesira iri me enpem pimin-et nde, at-nen-e kat kene-ge ’No wene yusu?’ nggal tak puruk indi amawi irit ma-o.

MBIRIGA WENE 9:12

Nanduk Nagawan Indo-nen yosolar-e: ”Musa min Arun min-nen yidnak wene-ge no mende nggal tak puwa-o” yid iri na ndak ndag-et kwarosolar-e, Nagawan Indo-nen Pirayon na-ge indi amawi rak ibij-o.

YESAYA 53:5

Alat nde, ar-e nit-nen meya yidnak pem tege kundugu obogolat, nit-nen meya kwarugwi bem linggamburok worogolat kwariga-o. Nit ninmiri yuwakluk ar-e anggun panggun kagaij-o. At aboro tap yonok lonok mbosolat, mep yolo mbid ereba na-nen-e ki rak ninpij-o.

YESAYA 6:10

Yosoluk yarik, an yak norosolar-e: ”Ap ereba-ge kagolat, kologolat, yebet kagolat yogolat, nden karuk tuguruk an neram lobok yogola, ki yuwa naru kat-nen-e ap ereba inndi-ge muruk tak posolat, eneyanggo na eneyanggoru lak tak posolat, enlengen ngguru rak posolat kwarurag-o” luk yak nirij-o.

YESAYA 6:9

Iri lug-e, at-nen at ilirak enmanggim wene wosa bidnak wene yu warug-e an wirik nobosolat-nen nebem posolar-e: ”Kir-e kulugub-et nde, kwara yebet kagup pug-o. Kir-e yebet kagub-et nde, kwat ma iri-ge kenaru yugup pug-o” luk yij-o.

OSEA 14:4

Asiut nap-nen-e ninmiri yurag-e meya-o. Wim pugwi kura wam-nen ninmiri yurag-e meya-o. Nit-nen-e nininggi-nen ndak wiridnak ereba na yak togolat: ’Kir-e nit nenmbal pem nagawan-nen yili-o’ yili ereba na-ge mondok tuguruk yul pug-o. Nagawan Indo wa-e. Kat-nen-e ta-nen inmiri yurak nggal inndi kabak woragwi nab-e enabuwa kaso-nen yusu-o” luk tepan yer-o.

OSEA 6:1

Nde, it Isarael nap-nen yogolar-e: ”Yawo-ge tuguruk nden karuk Nagawan Indo eram mburuwog-o. At-net andi bandi rak ninpij-et nde, at-net ki rak nunpuwa-o. At-net mep tak ninpij-et nde, uj-e engga nggitlik nunpuwa-o.

MATIUS 15:14

It Parisi enlengen ngguru-nen ap lit eneyaruk mbitli iri-ge keyap tak enper-o. Nde, enlengen ngguru-nen enlengen ngguru ininggi waruk mburukmu-ge, it enmbereg-et mbunmu yoboksa mbuwa-o” luk yij-o.

MARAKUS 4:12

Iri yusu iri-ge ’ir-e Mbal Pem Nagawan eram lobok luk, it meya yidnak amberam tak puwa naru, it enlengen-nen kujwa-t nde, kwara kujwa bug-o. It eneyanggo-nen kuluwa-t nde, indi-nen yebet kujwa bug-o’ ” luk yak indij-o.

MARAKUS 6:52

Nde, oroti mburu lima-t nde, kwiye worak mende kwarid na-ge ir-e kwara yenggerak pigit lak, it-nen yebet kudtag-e mondok meya irit woraiga-o.

LUKAS 4:18

”Nagawan Indo Indi-ge an nebem worasu-o. Aid wene-ge insilobulo lak nap yak unduwakluk, an len nibij-o. O kubu me woragwi nap wisirik unpurak wene yak unduwakluk, Enlengen ngguru woragwi enlengen kuwarak puwakluk, Ap-nen tebel inpidnak nap wisirik unpuwakluk,

LUKAS 8:10

Yogolikma-ge, at-nen it yak ondosolar-e: ”Mbal Pem Nagawan-nen tenagaidnak wi kura wene-ge kit kenaru yuwakluk we wok ondoso mende-ge wok kindidnak worasu-o. Alat nde, ap ereb-e it enlengen-nen kagolar-et nde, kagit lak yogolat, kologolar-et nde, yebet kagit lak yogolat makluk, nden karuk wene bem mul undusu-o” luk yak indij-o.

YOANES 12:39

Iri yidnak me, it-nen inndi at ebem angin tubu yurag-e meya agaij-o. Nde, Yesaya na-nen tuguruk yosolar-e:

YOANES 9:39

Iri yosoloma-ge, Yesus-nen yosolar-e: ”An-e nggweyak ma yu me lobok yigi-ge ap enpem wene mbarosolar-e: Enlengen ngguru nab-e enlengen kuwarak posolat, enlengen op nab-e enlengen ngguru rak posolat yekluk-nen lobok yigi-o” luk yij-o.

YIDNAK YIDNAK WENE 15:3

Yikma, it na mborogola-ge, lambuk tak inpidnak nap-nen ndimirik inpikma-ge, Peniki wok Samaria wok mborogolar-e, enlem nin nap-nen kondok yidnak wene na ya yak indilik mborogola-ge, ennggamira tak inpidnak nap pidsa enalen kwarat yiga-o.

YIDNAK YIDNAK WENE 28:26

’Ap yu endam mburugundik, wene yu yak undu-o: Kulugub-e kulugub-et nde, yebet kagup pug-o. Kagub-e kagub-et nde, kagup pug-o.

YIDNAK YIDNAK WENE 3:19

Iri bem-e, kit meya yogolat woraidnag-e korak kunpuwaklug-e, kinndi wanuruk, kondok yer-o.

OROMA 9:18

Iri ala-ge, Mbal Pem Nagawan indi-n peraidnak pem-net ap unpud kasolat, at indi-n peraidnak pem-net ap inndi amawi rak posolat yoso-o.