YOANES 12:35 - Nanduk Ngget Tul Pidnak Wene

³⁵ Yak togolikma-ge, Yesus-nen it yak ondosolar-e: ”Yaya iri-ge marig-et tarem nak kinmin wolma-o. Ndamug-e kendam mbuma naru, yaya kinmin worala ereya-t yaya na bem waring kagolat wolmer-o. Nde, ndamuk arem waring kaso nab-e ngge me nde mburusu-o luk kabag-et waring kaso-o.

YOANES 12:35 ပူးပေါင်းရင်းမြစ်များ

YESAYA 2:5

Kit Yakup-nen wigarak wa-e. Nagawan Indo eyaya bem-et mborogolat wolmog-o. 2:6–4:6 Pasal yeba arem-e Mbal Pem Nagawan-nen-e inndi kek tak woragolat meya nak kwarugwi nap enpem angin worak mende poso wene mbarak worasu-t nde, unluk wolma nap ereba na kwat unpurak urul posolar-e, ir-e marak onposolat, ngget tak onposolat ma wene na mbarak worasu-o.

YEREMIA 23:12

Iri kwatli iri-nen ndowaga it untula-ge oro yosolat, ndamuksa muruk yosolat ma-o. Nde, it mburukmu-ge, unuwok mboloksa wosa mbuwa-o. It enpem angin worak purak tarem wok yosola-net an-nen-e it lak tak unpurak mende enpem pil lobok yimin-o. Nde, Nagawan Indo an-net yusu-o.

LUKAS 18:37

Yosoloma-ge, ap-nen yak togolar-e: ”O Nasaret nap Yesus na mburusu-o” luk yak tiga-o.

YOANES 11:10

Alat nde, o kubu nggwe waring kaso nab-e at arem yaya lak me, ijok abis mbaroso-o” luk yij-o.

YOANES 11:9

Yogolikma-ge, Yesus-nen yosolar-e: ”O misik nda yidnag-e duabelas jam nde kali bug-a? Nde, ap-nen-e lengge yaya bem waring kasolar-e, at ijok abis mbaroso bug-o.

YOANES 12:46

Nde, an nebem inndi angin tubu yuwa nap-nen-e ndamuk pem wolma naru, an-e nggweyak ma yu me yaya nggal-et lobok yigi-o.

YOANES 16:16

Yuruk, at-nen yosolar-e: ”Nde, siyag-et nak worarug-e, an neyagup pug-o. Iri luk, siyag-et nak woraruk, an neyagub-o” luk yij-o.

YOANES 7:33

Iri ala-ge, Yesus-nen yosolar-e: ”Kit totno woragolar-e, marig-et nak worarug-e, an nibil lobok yidnak nap eram mbirimin-o.

YOANES 8:12

Iri rak puruk, Yesus-nen tuguruk it yak ondosolar-e: ”An-e ki nap ennggendumu yaya-nen yusu-o. An nimin nuwa nab-e ndamuk arem nuwa bug-o. Are, unlug-et wolmomtak yaya irit tena wolma-o” luk yak indij-o.

2 KORINTUS 3:14

Ndemeret, it inndi anggat lak nggal woraiga-o. Nde, iri kuri-nen yawo na ir-e nanduk urul pidnak wene engga na kagola-ge, entare lumurak pidnak sum iri-ge worasu-o. Kerisut at nak-nen sum na waburag-e ndag-o.

NGGALATIA 6:10

Iri bem-e, nir-e ap oboksa konak tak unpurak worala ya-t nanongga konak tak onpogolat wolmomtag-o. Nde, mondok konak tak unpurag-e, totno ninndi angin tubu yidnak pem-nen nonowe nonowot tak inpidnak nap irit konak tak unpuwog-o.

EPESUS 5:8

Nde, nanduk kir-e ndamuk woraigeb-et nde, yawo-ge Nagawan Indo ebem yaya worali-o. Iri bem-e, yaya ilirak-nen kwarugwi nggal-et kwarogolat wolmer-o.