YOANES 12:26 - Nanduk Ngget Tul Pidnak Wene

²⁶ An ndegel noboso nab-e an woraso sa an totno wolmokluk, an ndegel nuburak nab-e mondok an nimbirik nuwag-o. Nde, an ndegel nubuwa nab-e an Neid-nen kek tak ubuwa-o” luk yak indij-o.

YOANES 12:26 ပူးပေါင်းရင်းမြစ်များ

NDAWI ENGGA 91:15

It-nen nde an neram wene pil luwagola-ge, an-nen enne erep nggarimin-o. Anggun panggun enpem mbidnak tarem na an-net yongga indimin-o. An-nen inmiri yosolat, kek tak onposolat yimin-o.

NGGOMO WENE 27:18

Ta-nen nde engen yoso e ereba na umut mbal tenak woralar-e, engen-e mbaruwar-o. Ta-nen nde at onggo ibidnak nap iri na kwara ndegel obosolat wolma nab-e ombo iri na-nen-e at nak kek tak ubuwa-o.

WONARIDNAK WENE 14:24

Alat nde, ndegel noboso nap Kalep perak nde pempa an-nen yidnak yidnak nak yoso me, at nak perak wok uburuk o at ujok pid sa iri na me imin nggwimin-o. Nde, o nggweyak yamuk tak iri me-ge yawo-ge Amalek nap min Kanaan nap min iri me-ge worali-o. Alat nde, o iri me-ge an ndegel noboso nap Kalep-nen wigarak-nen ombo ma-o. Nde, kub-e nden karuk Yi Koma Akaba ambigit nembaga nggwe mberer-o” luk yij-o.

MATIUS 16:24

Iri luk, Yesus-nen at owosirak yak ondosolar-e: ”Ta-nen nde an nimin nurak indingen ala-ge, at na at ambikpebe abuwa lak tak puruk, at-nen idnak e lang pang tak iri na kud turuk, an nimin nuwag-o.

MATIUS 25:21

Yosoloma-ge, at eid-nen at yak tosolar-e: ’Ndegel noboso nap konak mot mot nak kwaroso wa-e. Ob-et kwarigen-o. Kat-nen-e tol marik iri na bem mot mot nak kwarigendik me, nggulok mende nde kinggem pimin-o. Kat keid an nalen pem woraso yu me ngguwasug-o’ luk yak tij-o.

MARAKUS 8:34

Yak turug-e, ap kwarat min at owosirak inmin wene mbo unpuruk-nen it na yak ondosolar-e: ”Ap-nen nimbirik nurak ala-ge, at-net at ambikpebe isili rak puruk, e lang pang tak ebem pidnak na pijanuruk, an nimbirik nuwag-o.

LUKAS 12:37

Ineid lobok yuwa tarem at ndegel ubugwi nab-e unluk woragolat, lid lud tak puruk worakmu iniyujwa nab-e imbiringgat-nen yili-o! An yak kendeyeg-o. Ineid iri-nen-e at esani are puksa yutluk, it iri na koreyak unpuruk, ndegel unpuwa-o.

LUKAS 6:46

Yuruk, at-nen yosolar-e: ”Kir-e an-nen yidnak yidnak kwatli bug-et nde, noluk-nen ’Nit Nagawan Indo wa-e. Nit Nagawan Indo wa-e’ yak nitli-o?

LUKAS 9:23

Iri luk, Yesus-nen it pidsa yak ondosolar-e: ”Ta-nen nde an nimbirik nurak perasolar-e, at-nen nggok tak poso mende pidsa keya buruk, at-nen idnak e lang pang tak na pempa-n kud turuk, an nimbirik nosolat wolmag-o.

YOANES 10:27

An nolomba-nen-e an nene kulili-o. Nde, an-nen-e ir-e naru me, an nimin nili-o.

YOANES 13:16

An-e ndemeret yak kundusu-o. Ndegel unpugwi nab-e at eid na teberak puruk, nggok-nen yusu-ge lag-o. Nde, wirik inpil mburugwi nab-e at ibil mbiridnak nap na teberak puruk nggok-nen yusu-ge lag-o.

YOANES 14:15

Yurug-e, ”Kit-nen nde an nabuwa kagolar-e, an-nen yidnak yidnak nak kwarogolat wolmer-o.

YOANES 14:3

Nde, an mbirimindik, kit kondoro kona keya buruk, an woramin sa iri me kit na iri me-t worabokluk, tuguruk kit wok kinpil lobok yimin-o.

YOANES 15:20

’Ndegel unpugwi nab-e at eid na teberak puruk, nggok yusu bug-o’ luk yak kindigi wene na yeberak wolmer-o. Nde, it-nen nde an lel mberel nibidnak ala-ge, kit na lel mberel-et kunpuwa-o. Nde, it-nen nde an-nen yidnak yidnak nak kwaridnak ala-ge, kit-nen yidnak yidnak na kwaruwar-o.

YOANES 17:24

Neid wa-e. An lena wok nirigen nab-e an kek tak woraso na kujwakluk, an woramin sa it na iri me totno wolmomtak perasu-o. Nde, an-nen kek tak woraso iri-ge nggweyak yu awo ndak wirigit lak ma, kar-e an nabuwa kasolar-e, wok nirigen nar-o.

YOANES 21:22

Yesus-nen at yak tosolar-e: ”Nde, an-nen perasolar-e, at yu-ge urug-et worasoma, an nde lobok yurak nggal-nen-e iri-ge kat-nen wene yurag-e lag-o. Alat nde, kar-e an nimbirik ni-o” luk yak tij-o.

OROMA 1:1

Kerisut Yesus ndegel oboso nap Paulus an-nen engga yu mbarusu-o. Mbal Pem Nagawan-nen aid wene ap yak indil nurak pem wene mbo nuburuk, an-e wirik nibidnak nap tak nuburak pem len nibid nap-nen yusu-o.

OROMA 14:18

Nde, iri nggal kwasa Kerisut ndegel ubusu nab-e Mbal Pem Nagawan indi alen tak posolat, ap erep-nen na at kek tak ibili-o.

2 KORINTUS 4:5

Nde, nir-e nit nondomok nonowene yak kindili-ge lag-o. Nit-nen yak kondogolar-e: ”Yesus Kerisut iri-ge Nagawan Indo-nen yusu-o luk, Yesus ebem ala, nir-e kit ndegel kunpugwi nap-nen yili-o” luk yak kindili-o.

2 KORINTUS 5:8

An-e tuguruk yak kundusu-o. Nir-e kwiye lag-et woragolar-e, nenpe yu keya buruk, Nagawan Indo imin wolmokluk at eram mbururak perak nde mondok nindingen-o.

NGGALATIA 1:10

Wene yu yak kundusu yu-ge, ki nap enalen tak peyekluk-nen yusu-a? Lag-o. Mbal Pem Nagawan alen tak peyekluk-nen yusu-o. Are, ki nap-nen inndingen tak nubuwak tu kore yusu-a? Ki nap-nen inndingen tak nubuwakluk kwariginggal-e, an-e Kerisut ndegel oboso nap yelep pug-o.

PILIPI 1:23

Wene mberen iri bem-e an kabak yusu-o. An-e mbirimindik, Kerisut imin totno wolmomtak iri-ge nindingen kwarat yusu-o. Iri momtak perak nde mondok konak lombog-o.

KOLOSE 3:24

Nde, Nagawan Indo-nen onggo wok kondosolar-e, at elem nap enmanggim pidnak na kit na wok kundurag-e kenaru nar-o. Nde, kir-e Nagawan Indo Kerisut nak ndegel ibili-o.

KOLOSE 4:12

Kit kenma nap misik, Kerisut Yesus ndegel oboso nap Epaparas-nen-e wiwa yak kundusu-o. Nde, at iri-nen-e pempa pempa kit kenmanggim kiri keresa tepan yosolar-e: ”It inndi tugup lak woragolat, iminep mbarak woragolat, Mbal Pem Nagawan indi-n pidnak nak kwarogolat wolmag-o” luk Mbal Pem Nagawan emengen mbaroso-o.

2 PETERUS 1:1

Yesus Kerisut ndegel oboso nap, at-nen wirik nibidnak nap, Simon Peterus an-nen-e. Nenmbal Pem Nagawan min Ninmiri Yoso Yesus Kerisut min-nen-e lud tak nak kwaroso elem na bem-e kit kinndi angin tubu yuwakluk wok kondosolar-e, kit kinndi angin tubu yigep iri-ge nit ninndi angin tubu yige iri na nggal-et iminep mbarak irit wok kindid nap kenmanggim engga yu mbarusu-o.

1 YOANES 5:3

Mbal Pem Nagawan abuwa kagolar-e, at-nen yidnak yidnak nak kwarurag-o. Nde, at-nen: ”Iri kwarer-o” yak nindidnak wene iri-ge nit nenmanggim-e angin worag-e lag-o.

YURAS 1:1

Yesus Kerisut ndegel oboso nap, Yakobus owot Yuras an-nen-e Nineid Mbal Pem Nagawan ebem-nen kenabuwa worak nap, Yesus Kerisut amanggim ndegel konposolar-e, Mbal Pem Nagawan-nen wene mbo kinpid nap kit kenmanggim engga yu mbarusu-o.

NAM PARA WENE 14:4

It iri na-ge kwami inmin nene yugwi buk me, kopkap lak-nen yili-o. Ir-e kwami wanugwi buk-nen yili-o. Nde, ir-e Lomba Wam Marik na mbiridnak sa nak imbirik nak nugwi-o. It iri-ge nggweyak ma nap ennggenggerak-nen onnggo bidnak nap me, ir-e nanduk nandug-et Mbal Pem Nagawan min Lomba Wam Marik min enmanggim wosa inpidnak-nen yili-o.

1 SEMUEL 2:30

Isarael nap Kenmbal Pem Nagawan, Nagawan Indo an-nen nanduk urul yak kondosolar-e: ’Kenlem nap min konowe konowot min-e tepan ombo nggal an ndegel nobogolat woralik nalik irit woragub-o’ yak kindigi-t nde, yawo-ge iri kwarurak iri na-ge an-e mondok nisili-o! Are, an kek tak nubuwa nab-e kek tak inpimin-o. Nde, an teberak nubuwa nab-e an-nen na teberag-et inpimin-o.