YOANES 12:20 - Nanduk Ngget Tul Pidnak Wene

²⁰ Nunggwi mende nggulok sakola, Mbal Pem Nagawan erembel wanuwokluk mbiriga nap ennggenggerag-e Yunani nap erep na woraiga-o.

YOANES 12:20 ပူးပေါင်းရင်းမြစ်များ

MARAKUS 7:26

Nde, kwe iri-ge Yawuri kwe-ge lag-o. Are, Siria Penisia kwe-o. Nde, kwe iri na-nen at ara arem-nen kugi meya iri wirik puwakluk Yesus emengen kiri keresa mbarij-et nde,

YOANES 12:1

O Anggul Pandok Mbiridnak tarem na yebet kagit lak ma, enam nene luk, Lasarus na wat yij-et nde, Yesus-nen uruk tak pid iri na ama Mbetania iri na me Yesus na mbirij-o.

YOANES 12:19

Iri ala-ge, Parisi nap na-nen yak kerak mbogolar-e: ”Li yu-ge wa-e. Ap pik paksa-nen at imbirik nak mborogola, nit-nen kwarurag-e meya yusu yu nde ker-o! luk yiga-o.

YOANES 7:35

Yosoloma-ge, it Yawuri nap na-nen yak kerak mbogolar-e: ”At yu-ge ngge mborosoma-nen kir-e kagit lak yurak nde yij-o? Yawuri nap nin sa Yunani nap ennggendumu worali ereba na endam mbutluk, Yunani nap mul undurak pem yusu, lak?

YIDNAK YIDNAK WENE 14:1

Nde, Ikonium-nen na it wirik inpidnak nap mberen iri-ge Yawuri nap-nen tepan yugwi ma ngguruk, wene iri nggal yak ondogola-ge, Yawuri nap na irit, Yunani nap na irit, ap kwarat-nen-e inndi angin tubu yiga-o.

YIDNAK YIDNAK WENE 16:1

Nde, iri lug-e, Paulus na-ge o Nderebe min Listera min ereya na me-t wok yij-o. Iri me-ge indi angin tubu yidnak nap misik unu-ge Timotius irit woragaij-o. At ija-ge Yawuri kwe, indi angin tubu yidnak kwe-t nde, at eij-e Yunani nab-o.

YIDNAK YIDNAK WENE 17:4

Yosoloma-ge, ap ereb-e wene na puksa wanogolar-e, Paulus min Silas min enambigit yiga-o. Nde, Mbal Pem Nagawan aye worak Yunani nap kwarat min unnu worak kweyap kwarat min-nen na it enambigit yiga-o.

YIDNAK YIDNAK WENE 20:21

Yawuri nap na irit, Yunani nap na irit, Mbal Pem Nagawan imin kondok yuwakluk wene kenggera yak ondosolat, nin-nen idnak Nagawan Indo Yesus Kerisut ebem inndi angin tubu yuwakluk, wene yak ondosolat woragi-o.

YIDNAK YIDNAK WENE 21:28

enne ngguloksa yogolar-e: ”Isarael nap wa-e! Yongga nender-o! At yu-ge o nin me wok, nin me wok, ap pidsa mul ondosolar-e, nit Yawuri nap nonpok posolat, imiri mbarak pidnak wene obok posolat, Mbal Pem Nagawan uwi ya na obok poso-o. Nde, yawo na Yunani nap ereb-e Mbal Pem Nagawan ama yu me inmin ngguwasolar-e, marak uwi yu-ge emben to rak pij-o” luk yiga-o.

YIDNAK YIDNAK WENE 8:27

Yak tosoloma-ge, at na-ge menluk, mbirij-o. Mborosolat-nen yik kagaidnggal-e, Etiopia (Apsi) nap, iyiri wabidnak nap iri na yik kagaij-o. Ap iri-ge Etiopia kwe nagawan unu-ge Kandake na-nen wari mendak pidnak nap me, kwe na ndegel obosolar-e, kwe iri na uwang min at isilobulo pidsa min tena woraso nap iri na-ge Yerusalem-nen Mbal Pem Nagawan erembel waneyekluk lobok yarik-nen

OROMA 1:16

Aid wene iri-ge Mbal Pem Nagawan-nen idnak amawi me, ebem inndi angin tubu yidnak nap oboksa inmiri yoso-o. Nandug-er-e Yawuri nap, imbirig-e, enlem nin nap na inmiri yoso ala karuk, an-e aid wene na bem-e ninnggiri mondok kasu bug-o.

OROMA 10:12

Nde, Yawuri nab-e arik nggal, enlem nin nap na arik nggal-e lak me, ap pidsa innggiri wuruwa bug-o. Mbal Pem Nagawan misiget iri-ge ap pidsa-nen idnak Nagawan Indo-nen yusu-o. Ap pidsa-nen at ebem nggi yogola-ge, imbiringgat mende kwarat nggilara wok ondoso-o.

NGGALATIA 2:3

An totno mbirige nap Titus na elem-e Yunani nab-et nde, ”Mondok iye ambasap waburag-o” luk yigir-e lag-o.

NGGALATIA 3:28

Iri bem-e, Yawuri nab-o yurak na lag-o. Yunani nab-o yurak na lag-o. Ndegel unpugwi nab-o yurak na lag-o. Wisirik woragwi nab-o yurak na lag-o. Ab-o yurak na lag-o. Kwami-o yurak na lag-o. Kit oboksa-ge Kerisut Yesus ebem-e misiget nak kwat yili-o.

KOLOSE 3:11

Iri bem-e, enlem nin nab-o luk, Yawuri nab-o luk na lak, iniye ambasap wabidnag-o luk iniye ambasap wabigit lag-o luk na lak, ap enlem oboksa ennggendumu-nen misik kek tak, misik teberak na lak, ndegel unpugwi-o luk, weserak woragwi-o luk na lag-o. Are, oboksa iri-ge Kerisut-nen yusu-o. Kerisut it oboksa inmin misiget yidnak-nen yusu-o.