YOANES 11:41 - Nanduk Ngget Tul Pidnak Wene

⁴¹ Iri luk, kerep na lembera wabiga-o. Nde, Yesus na erengen lik karuk-nen yosolar-e: ”Neid wa-e. Kar-e an nene koloso bem ’Neid wiwa-o’ yak kurusu-o.

YOANES 11:41 ပူးပေါင်းရင်းမြစ်များ

MATIUS 11:25

Iri na tarem-e Yesus-nen yosolar-e: ”Neid wa-e. Kar-e aid arem min nggweyak ma min tena woraso Nagawan Indo-nen yusu-o. Kat-nen-e inndi nggat nggat worak nap min inndi pindong tak nap min endam-nen kura bigen mende iri-ge enaru buk nap na nam-et yak indigen iri bem-e an-e wa yak kurusu-o.

MATIUS 11:26

Ye, Neid wa-e. Iri-ge kat kindi-n pidnak ndak ndag-et kwarij-o.

MATIUS 27:60

at ondomok yapma uburak kerep ndo ngget nenaridnak iri me pil nggwij-o. Pil nggosoluk, kerep nggulok mbi lembera kerep ndo tumende na nggelak puruk mbirij-o.

MARAKUS 15:46

Yak tosoloma-ge, Yusup-nen-e sum loro konak mbi onggo puruk, Yesus orogak na waga pil mbuwaruk, sum na-nen mbetla keya buruk, kerep ndobo puru bem-nen tela ondoro nenaridnak iri na me pil ngguruk, kerep nggok misik lembera tumende na nggelak pij-o.

LUKAS 10:21

Iri tarem na-net Konak Indi at ebem mbosola-ge, Yesus na alen kasolat-nen yosolar-e: ”Neid wa-e. Kar-e aid arem min nggweyak ma min tena woraso Nagawan Indo-nen yusu-o. Iri mende pidsa-ge enaru nap min inndi nggat nggat worak nap min enambigir-e lumurak posolat, it enaru buk nap enambigir-e nam tak pigen iri bem-e wa yak kurusu-o. Eyo, Neid wa-e. Kat kindi-n peraidnak ndak ndag-et kwarij-o.

LUKAS 18:13

Alat nde, pemerinta enmanggim tol ndok woroso nap iri na-ge mboksa nggal mendak worasolat-nen at erengen-e mbal nggwe lik kudtak na kwiye me, at ambik imigwak lel kasolat-nen yosolar-e: ’Mbal Pem Nagawan wa-e. An-e meya yoso nap-nen yusu-o. Nabuwa ki-o!’ luk yij-o.”

LUKAS 24:2

Mbirigarik, wok yiganggal-e, kerep tumende nggelak pidnak na lembera keya bidnak kaiga-o.

YOANES 11:22

Alat nde, yawo-nen na kat-nen Mbal Pem Nagawan nggi yak tugun mende na wok kuruwa-o luk an-e naru-o” luk yak tij-o.

YOANES 17:1

Yesus-nen wene na yurug-e, at erengen mbal arogo lik karuk-nen yosolar-e: ”Neid wa-e. An nururak tarem-e yawo-n panggo yij-o. Kat Kambara an-nen kat kek tak kubuwaklug-e, kat-nen-e Kambara an kek tak nibi-o.

YOANES 20:1

Hari Minggu bem kuplila kubu kabusa-ge Maria Magaralena na-ge at yapma bidnak sa mbiridnggal-e, tumende nggelak pidnak kerep na lembera wabidnak nde kagaij-o.

YIDNAK YIDNAK WENE 7:55

Alat nde, Sepanus na-ge Konak Indi-nen arem kobong tak woralat-nen-e erengen aid arem lik kagaidnggal-e, Mbal Pem Nagawan abinal karug-e, Yesus na-ge Mbal Pem Nagawan inggi kigit nggwe mendak worala karuk,

PILIPI 4:6

Yi mende ndi mende bem-e kunmud kudtak pug-o. Alat nde, tepan yogolar-e, kit kinndi kabak yidnak mende-ge Mbal Pem Nagawan nggi yak togolar-e, pempa pempa ”Wiwa-o” yak togolat-nen nggi yugup na-e.