YOANES 11:4 - Nanduk Ngget Tul Pidnak Wene

⁴ Alama-ge, wene na kuluruk, Yesus-nen yosolar-e: ”At kugi wirid iri-nen ndowaga wat ma-ge lag-o. Are, Mbal Pem Nagawan min Mbal Pem Nagawan Ambara an min nunnu kek tak puwakluk-nen at ebem mbij-o” luk yij-o.

YOANES 11:4 ပူးပေါင်းရင်းမြစ်များ

MBIRIGA WENE 16:7

Kit-nen obok pili ereba kolarik me, kup kuplila-ge Nagawan Indo kendam wok yosolat abinal kagub-o. Nde, nit nenmberek ya-ge at-nen yak nindidnak nak kwatli-o.

YOANES 10:38

Alat nde, an-nen-e at-nen nebem pidnak mende kwarusu ala-ge, kinndi-ge an nebem angin tubu yili bug-et nde, an-nen kwaroso mende bem nak kinndi angin tubu yer-o. Iri bem, kinndi angin tubu yugup ala-ge, an Neij-e an narem woralat, nde, an-nen na Neid arem woralat yili-o luk kwara kenaru yugub-o” luk yak indij-o.

YOANES 11:40

Yosoloma-ge, Yesus-nen Marata na yak tosolar-e: ” ’Kat kindi angin tubu yosola-ge, Mbal Pem Nagawan kek tak woraso iri-nen idnak amawi kagun-o’ luk yanem-et yak kirigi na-ge lag-a?” luk yak tij-o.

YOANES 12:28

Neid wa-e! Kat kunu nak kek tak pi-o!” luk yij-o. Yosoloma-ge, mbal pem-nen wene pil mbuwasolar-e: ”An nunu kek tak pigi irir-o. Nde, tuguruk-nen na kek tag-et pimin-o” luk yij-o.

YOANES 17:1

Yesus-nen wene na yurug-e, at erengen mbal arogo lik karuk-nen yosolar-e: ”Neid wa-e. An nururak tarem-e yawo-n panggo yij-o. Kat Kambara an-nen kat kek tak kubuwaklug-e, kat-nen-e Kambara an kek tak nibi-o.

YOANES 17:10

An narengge pidsa-ge kat karengge-nen yusu-o. Nde, kat karengge pidsa-ge an narengge-nen yusu-o. Nde, it enpem-nen an kek tak nibili-o.

YOANES 17:5

Neid wa-e! Nggweyak yu ndak wirigit lak ma-nen kat kimin woralat an nunu kek tak woraso iri na bem yawo-nen kat kinmbiri bem an nunu kek tak pi-o.

YOANES 2:11

Yesus na-ge at-nen kwiye worak mende tel korosolar-e, Nggalilea wi o siri Kana iri me-nen tel kwirij-o. Nde, kwiye worak mende iri kwarid iri bem-nen at-nen kek tak woraso nam tak posola, at owosirag-e at ebem inndi angin tubu yiga-o.

YOANES 5:23

Nde, an Neid-nen amawi an ninggem pid iri-ge ap pidsa-nen Neid kek tak pili nggal, Ambara an na kek tak nubuwakluk-nen ninggem pij-o. Ambara an kek tak nibili buk nab-et wirik nibil lobok yidnak nap an Neid na kek tak pili bug-o.

YOANES 8:54

Yak togolikma-ge, Yesus-nen yosolar-e: ”An-e an nambik kek tak posolat nggal-e, kek tak nibidnak iri-ge ebe lak mende yeleb-o. Alat nde, an kek tak nubusu nab-e kit-nen ’Nineij-o’ yili Mbal Pem Nagawan iri-net kek tak nubusu-o.

YOANES 9:24

Iri yogola-ge, ap nanduk erengen ngguru woragaid na tuguruk wene mbo uburuk-nen at yak togolar-e: ”Kar-e Mbal Pem Nagawan imbiri bem-e ndemeret lud tag-et yi-o. Ap iri-ge nir-e nenaru-o. Meya yoso nap-net yusu-o” luk yak tiga-o.

YOANES 9:3

Yogolikma-ge, Yesus-nen yosolar-e: ”Ap yu min at eid ija min-nen meya yidnak pem kwarij-e lag-o. Are, Mbal Pem Nagawan amawi-ge ap yu ebem-nen nam tak posola, ap-nen kujwakluk-nen at erengen ngguru ndet yid irir-o.

OROMA 11:11

Iri ala-ge, an kin waneyeg-o. Yawuri nab-e unuwok pijaksa mondog-et wosa mbiga-a? Mondok lag-o! It-nen mborok tidnak pem it Yawuri nap-nen enlengen ale enlem nin nap enpem puwakluk, enlem nin nap inmiri yij-o.

PILIPI 1:11

Nde, Yesus Kerisut ebem-nen lud tak nak kwarugwi engen kwarat pidnak kit kenarem kobongsa wolma iri-ge Mbal Pem Nagawan unu kek tak pogolat, at erembel wanogolat makluk-nen wolma-o.

PILIPI 1:20

Nde, an-e neyabu wanidnak pem ninggiri lag-et teyeg-o luk, nindi kundugu nindi bem mbung mbung tak worasu-o. Alat nde, nanduk woragi kuri, yawo-nen na an nebe yu bem-nen Kerisut unu kek makluk, nuruk wolmomtak na, wat momtak na, an-e mondok kwiye lag-o.

1 PETERUS 1:21

At ebem nak-nen Mbal Pem Nagawan ebem kit kinndi angin tubu yili-o. Mbal Pem Nagawan-nen-e at iri na wat yidnak nap ennggendumu-nen uruk tak posolat, kek tak obosolat yij-o. Iri bem-e, Mbal Pem Nagawan ebem nak kinndi angin tubu yogolat, at ebem nak kinndi mbung mbung tak woragolat yili-o.

1 PETERUS 4:11

Ta-nen nde aid wene yurak ala-ge, mondok Mbal Pem Nagawan-nen yidnak wene nak yurag-o. Nde, ta-nen nde ap erep yongga undurak ala-ge, mondok Mbal Pem Nagawan amawi bem-net ap yongga undurag-o. Iri ala-ge, yi kwatlik ndi kwatlik kwarogolar-e, Yesus Kerisut ebem-nen Mbal Pem Nagawan erembel wanurag-o. Yesus iri-ge amawi worak, at nak kek tak obogolat woralik nalik wolmomtak nap-nen yusu-o! Amen.

1 PETERUS 4:14

Kir-e Kerisut wanigep pem nggweyel konpogola-ge, kir-e imbiringgat worak yili-o. Iri kwat kunpuwa iri-ge abinal worak Indi, Mbal Pem Nagawan Indi iri-ge kit kinmin woraso ala-nen kwat kunpuwa-o.