YOANES 11:25 - Nanduk Ngget Tul Pidnak Wene

²⁵ Yosoloma-ge, Yesus-nen Marata na yak tosolar-e: ”Unluk tak onposo elem min unlug-et wolmomtak elem min-e an-net yusu-o. Inndi-ge an nebem angin tubu yuwa nab-e wat ma-t nde, unlug-et ma-o.

YOANES 11:25 ပူးပေါင်းရင်းမြစ်များ

LUKAS 23:43

Yak tosoloma-ge, Yesus-nen at yak tosolar-e: ”Ndemeret yak kereyeg-o. Ap wat luk ndok wiril mburugwi sa iri me-ge yawo-net totno wulmul-o” luk yak tij-o.

YOANES 1:4

Wene iri-ge unlug-et wolmomtak elem-nen yusu-o. Nde, unlug-et wolmomtak elem iri-nen oboksa yaya rak inpij-o.

YOANES 14:19

Siyag-et nak worarug-e, nggweyak ma nap-nen-e an niyujwa bug-et nde, kit-nen perak nde an neyagub-o. Nde, an-e nurug-et worasu me, kit na irit kunlug-et woragub-o.

YOANES 14:6

Yak tosoloma-ge, Yesus-nen at yak tosolar-e: ”An-e Mbal Pem Nagawan enaru yugwi tula min ndemeret wene min unlug-et wolmomtak elem min-nen yusu-o. An nebem nggwe mbirigit lak-nen-e ap misiger-o luk tet an Neid eram wok momtag-e meya-o.

YOANES 3:16

Mbal Pem Nagawan-nen ki nap pidsa nenabuwa nggulok karuk, at Ambara misiget nderak wok nendamu-o. Ta-nen nde at ebem inndi angin tubu yuwa nab-e lak yigit lag-et, are, pem-et unlug-et woralik nalik momtak elem irit wanuwa-o.

YOANES 3:36

Ambara ebem indi angin tubu yusu nab-e urug-et pem-et woralik nalik wolmomtak elem wanusu-o. Nde, Ambara-nen yidnak wene kuruk tusu nab-e urug-et wolma bug-o. Are, Mbal Pem Nagawan isilepma-ge at ebem mondok puruk wolma-o.

YOANES 5:21

Nde, an Neid-nen ap wat yidnak mendak unpuruk, unluk tak unpusu nggal, iri nggal-et Ambara an-nen na iri kwat enpeyek peraidnak nab-e unluk tak unpusu-o.

YOANES 5:26

Nde, Neig-e unlug-et wolmomtak elem-nen yusu-o. Nde, iri nggal-et Neid-nen-e Ambara an na irit unlug-et wolmomtak elem kwarak nibij-o.

YOANES 6:35

Yogolikma-ge, Yesus-nen it yak ondosolar-e: ”Unlug-et wolmomtak mburu-ge an-er-o. An neram lobok yuwa nab-e mburu nere mondok kujwa bug-o. An nebem indi angin tubu yuwa nab-e yi nere na mondok kujwa bug-er-o.

YOANES 6:44

An Neid wirik nibil lobok yidnak nap-nen ap inndi lesa neram pil lobok yigit lak nap-nen-e an neram wok yurag-e meya-o. Nde, Neid-nen inndi lesa an neram inpil lobok yuwa nab-e i woronosolat tarem-nen-e unluk tak inpimin-o.

YIDNAK YIDNAK WENE 3:15

Iri yogolar-e, Unluk Momtak Elem wirigep na-t nde, Mbal Pem Nagawan-nen wat yidnak nap ennggendumu-nen uruk tak pij-o. Uruk tak pidnak iri-ge nit nenlengen-nen kaige-o.

OROMA 4:17

Mbal Pem Nagawan-nen Abaram yak tosolar-e: ”Kar-e ap enlem kwarat onmbo rak kibigi-o” luk yak tij-o. Nde, urul yak tid iri-ge Mbal Pem Nagawan na imbiri bem-e ob-et worasu-o. Nde, at ebem indi angin tubu yid Mbal Pem Nagawan iri-nen-e wat yidnak nab-e unluk tak posolat, at ene nak-nen lak woraidnak mende-t nde, worak tak posolat yoso-o.

OROMA 8:2

Kir-e Kerisut Yesus imin kundik woragolat kunlug-et wolmomtak elem wok kindid Mbal Pem Nagawan Indi-nen pidnak imiri mbarak pidnak wene-nen-e meya kwarugwi elem min wat yugwi elem min inggiyem-nen weserak kinpij-o.

1 KORINTUS 15:18

Wene iri nde ndemeret ala-ge, it Kerisut ebem wat yiga nap na lak tak inpidnak-nen yili-o.

1 KORINTUS 15:29

Iri nggal ala-ge, noluk-nen wat yidnak nap enmanggim ap yi ma unpurak yili-o? Nde, wat yidnak nab-e ndemeret unluk tak poso buk nde ala-ge, noluk-nen wat yidnak nap enmanggim yi ma inpili-o?

2 KORINTUS 4:14

Nagawan Indo Yesus uruk tak pid nap, Mbal Pem Nagawan-nen-e Yesus min nit totno nunluk tak posola-ge, nit min kit min at ondomok eram ninpil mburuwar-o luk nenaru nar-o.

PILIPI 1:23

Wene mberen iri bem-e an kabak yusu-o. An-e mbirimindik, Kerisut imin totno wolmomtak iri-ge nindingen kwarat yusu-o. Iri momtak perak nde mondok konak lombog-o.

PILIPI 3:10

An nindingen kaso mende-ge yu-o: Kerisut na naru yosolat, at uruk yidnak amawi iri na naru yosolat, at andi bandi kagaid nggal an na andi bandi kasolat, at wat yid nggal an na iri nggal wat yosolat yurag-e nindingen-o.

1 TESALONIKA 4:14

Yesus na wat luk, tuguruk uruk yij-o luk iri bem-e nit ninndi angin tubu yili-o. Iri bem-e, Mbal Pem Nagawan-nen-e Yesus ebem inndi angin tubu luk wat yidnak nab-e at imin totno wolmakluk unluk tak puwa-o luk, ninndi angin tubu yili-o.

NAM PARA WENE 1:18

An-e nuruk woraso-nen yusu-o. Ki-o. An-e wat yigi-t nde, nuruk yigirik, yawo-ge an-e nurug-et pem-et woralik nalik worasu-o. Wat yugwi elem min wat yugwi elem-nen tenagaidnak wi min tu mig worak pugwi-ge an ninggem worasu-o.

NAM PARA WENE 20:5

Yu-ge wat yidnak nap nandug-et unluk momtak iri nar-o. Alat nde, wat yidnak nap ereb-e men yigit lak irit woragola, o lengen seribu (1,000) irit wolma-o.

NAM PARA WENE 21:4

At-nen-e it iniyip lengen oboksa ndogwarak puwa-o. Wat yugwi elem na lag-et ma-o. Nde, indi puru yugwi min yip tugwi min andi kagwi min mondok lag-et ma-o. Nanduk-nen woraso oboksa lak yij-o” luk yij-o.

NAM PARA WENE 22:1

Iri luk, aid nap iri na-net mirik nobosolar-e, unlug-et wolmomtak yi erengen miri papalo erare nggal igip kip worak irit mirik nibij-o. Nde, yi iri na urusu-ge Mbal Pem Nagawan min Lomba Wam Marik min-nen koreyak woragwi ondoro na arem-nen kenangga mborosolar-e,

NAM PARA WENE 22:17

Konak Indi min Un Wanurak Kwe na min-nen yogolar-e: ”Lobok yer-o!” luk yili-o. Wene yeba kulili nap oboksa-nen na mondok yogolar-e: ”Lobok yer-o!” luk yuwag-o. Ta-nen yi nere kasu nab-e lobok yuwag-o. Ta-nen yi norak ukwe perasu nab-e unlug-et wolmomtak yi iri-ge onggo pigit lak, we irit wanuwag-o.