YOANES 11:11 - Nanduk Ngget Tul Pidnak Wene

¹¹ Wene na yuruk, tuguruk Yesus-nen it yak ondosolar-e: ”Nennggam Lasarus na nene yusu-o. Alat nde, an-nen mendak ebeyekluk mbirimin-o” luk yak indij-o.

YOANES 11:11 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 4:31

Nde, Nggekasi iri na-ge Elisa owangun iri na la iri na ebem purak pem nanduk mberarik, la iri na ebem wangun iri na pij-et nde, la iri na uruk ma-o luk yenggerak purak mende usune marig-et tet mbi yigit lag-o. Iri ala karuk, Nggekasi na-ge Elisa lobok yosoma, abuwok mberarik-nen yak tosolar-e: ”La iri na-ge mondok men yigit lak nak worasu-o” yak tij-o.

MBIRIGA WENE 33:11

Nde, Nagawan Indo min Musa min-nen wene mbarogolar-e, ap-nen ennggam yik karok-nen wene ndurugwi nggal irit mbarugwi-o. Wene mbatlug-e, Musa na-ge tuguruk o lije worak sa mboroso-o. Alat nde, Musa yongga woroso nap ap sujwe Nun ambara Yosua na ge Nagawan Indo uwi lije ma iri na me-t indiyabu woraso-o.

YESAYA 41:8

Alat nde, an ndegel nubugwi nap, an-nen len kinpidnak nap Isarael kir-e an nenggam Abarakam-nen wigarak-nen yili-o.

NDANIEL 12:2

Nde, wat yidnak nap ennggendumu-nen ap kwarar-e tuguruk unluk ma-o. Nde, it ereb-e pem-et unluk woralik nalik irit wolma-o. Nde, ereb-e teberak enlengenma nggal tak irit onpogolat, kwiye-nen enaboro lera mboso mende arem irit pem-et woralik nalik irit wolma-o.

MATIUS 27:52

ap yapma inpidnak sa yuwak kuwak mbosolar-e, wat yidnak nap, lud tak nak kwariga nap kwarat ereba na men yiga-o.

MATIUS 9:24

at-nen yosolar-e: ”Kit pidsa mbepme wumer-o. La kwe iri-ge wat yij-e lag-o. Nene yusu-o” luk yosoloma-ge, it iri-nen-e Yesus na nda wat ibiga-o.

MARAKUS 5:39

Kuluruk, Yesus na o ma nggwarik-nen it yak ondosolar-e: ”Kir-e noluk-nen sa nggwa mbogolat, yip yu nggal yili-o? La kwe yu-ge wat yigit lag-o. We nene yusu-o” luk yak indij-o.

YOANES 11:10

Alat nde, o kubu nggwe waring kaso nab-e at arem yaya lak me, ijok abis mbaroso-o” luk yij-o.

YOANES 11:12

Yak ondosoloma-ge, at owosirak-nen yogolar-e: ”Nagawan Indo wa-e. Ar-e nene yusu ala-ge, ki ma-o” luk yiga-o.

YOANES 11:13

Alat nde, Yesus-nen-e: ”Lasarus na wat yij-o” yosolat-nen yij-et nde, it inndi arem-nen-e ndemeret nene yili ereba na nggal nene yusu-o luk peraiga-o.

YOANES 11:3

Iri ala-ge, Lasarus iridtak mberen iri-nen wene wosa Yesus eram pil mborogolar-e: ”Nagawan Indo wa-e. Nit nintid kanggam abuwa worak na-ge kugi worak worasu-o” luk yiga-o.

YOANES 3:29

Kwe ap wanurak kwe iri-ge at wok uburak nap iri na ogwer-o. Nde, kwe iri wok uburak nap anggam mbi-ge an ene kolosolat at eram mendak worasolar-e, kwe wanurak nap iri na ene-ge alen min-et koloso-o. Nde, iri nggal-et an yawo na nalen kwarat kasu-o.

YIDNAK YIDNAK WENE 7:60

Yurug-e, ar-e endaru yunggusa kore yosolat-nen at ene ngguloksa-t yosolar-e: ”Nagawan Indo wa-e. It meya yidnag-e it enpem keya burak pug-o” yurug-e, wat yig-o. 8:1a Nde, Saulus-nen perasolar-e: ”Sepanus iri-ge ob-et witli-o” luk peragaij-o.

1 KORINTUS 15:18

Wene iri nde ndemeret ala-ge, it Kerisut ebem wat yiga nap na lak tak inpidnak-nen yili-o.

1 KORINTUS 15:34

Kir-e kwara kondok luk, meya yugwi iri keya ber-o. Kit kinnggiri kabokluk an-e wene yu yak kundusu-o: Kit kennggendumu ap ereb-e Mbal Pem Nagawan enaru bug-et worali-o.

1 KORINTUS 15:51

An-nen kura wene yu nam tak paga yak kindimin yu koler-o. Nit pidsa wat mul-e lag-o. Alat nde, nit pidsa nin nggal tak nunpuwa-o.

EPESUS 5:14

Iri bem-nen Mbal Pem Nagawan engga-nen yosolar-e: ”Nene yusu nap wa-e. Men min-o. Wat yidnak nap ennggendumu-nen men min-o. Iri ala-ge, Kerisut-nen yaya rak kubuwa-o” luk yij-o.

TUGURUK YIDNAK WENE 31:16

Nagawan Indo-nen Musa yak tosolar-e: ”Yawo kat wat momtag-e mondok panggo yusu-o. Kat nde abu mborosola-ge, Isarael nap-nen an-nen urul yak indigi na keya bogolat, an-nen yidnag-e kwaruwa bug-o. Ir-e o it abok ngguwa sa iri me woragwi nap-nen erembel wanugwi unkugiwak erembel wanogolat, an-e keya nubuwa-o.

1 TESALONIKA 5:10

Yesus nit nenmanggim wat yid iri-ge nir-e nunluk woragolat na, wat luk woragolat na, at imin totno nunluk wolmokluk nenmanggim wat yij-o.

YAKOBUS 2:23

Iri kwarid iri-ge, engga wene misik-nen yidnak ndak ndak tak pij-o. Engga wene iri-nen yosolar-e: ”Abaram na-ge Mbal Pem Nagawan ebem indi angin tubu yid iri bem-nen Mbal Pem Nagawan-nen at lud tak nak tak ibij-o.” Iri bem-nen Abaram na unu misik yogolar-e: ”Mbal Pem Nagawan anggam-o” yugwi-o.