YOANES 10:9 - Nanduk Ngget Tul Pidnak Wene

⁹ Tumende an-net yusu-o. An nebem nggwe ngguwa nab-e imiri yimin-o. Nde, imiri yidnak nap na-ge nggwilik mbitlik kwat tenak worasolar-e, nunggwi mende nasolat wolma-o.

YOANES 10:9 ပူးပေါင်းရင်းမြစ်များ

NDAWI ENGGA 95:7

At iri-ge nit Nenmbal Pem Nagawan me, nir-e at ilirak at-nen ndegel nonposo-nen yili-o. Lomba yik karok woraso nap-nen olomba ndogoroso nggal, nir-e at-nen ndegel nonposo-nen yili-o. O nda yid yu bem-e at ene yu kuluwog-o:

YESAYA 40:11

Ar-e wam yik karok woragwi nap-nen kwarugwi nggal wam kwarat ereba na kwara ndogorosolat, at ondomok-net ndak wat unpuwa-o. Lomba amarik ereba na-ge aringmu rak puruk, ija-ge yanggosa-t kona suluk mburuwa-o.

YESKIEL 36:38

Nanduk Yerusalem iri me nggok sakwi tarem-nen Mbal Pem Nagawan amanggim wosa purak waruk lobok yidnak lomba kwarat nggweyak ebebe lak yusu iri na nggal-et o siri yawo ndamera labuk yidnak yeba me-ge wolma nab-e kwarat yosola-ge, kit-nen-e an nimin-e ’Ndemeret Nagawan Indo-net yusu-o’ luk kenaru ma-o” luk yij-o.

YOANES 10:1

Yak unduruk, Yesus-nen yosolar-e: ”An-e ndemeret yak kundusu-o. Lomba wam ngenwa woraso sa nggosolat tu ndanggi nggwe nggwigit lak, leget abare nggwe kwid tusu nab-e yariya wanoso min ap enarengge ndena wanoso nap-nen yusu-o.

YOANES 10:3

Nggosola-ge, lomba wam tumende yik karok woraso nap-nen-e lomba wam ombo na nggumakluk tu kuwarak poso-o. Nggosolar-e, lomba wam na enarik tak unnu luk wene mbo onposola kuluruk, lit eneyaruk at imbirik mbepme mburugwi-o.

YOANES 10:7

Iri ala, Yesus-nen tuguruk it yak ondosolar-e: ”An-e ndemeret yak kundusu-o. Lomba wam uru mende-ge an-net yusu-o.

YOANES 14:6

Yak tosoloma-ge, Yesus-nen at yak tosolar-e: ”An-e Mbal Pem Nagawan enaru yugwi tula min ndemeret wene min unlug-et wolmomtak elem min-nen yusu-o. An nebem nggwe mbirigit lak-nen-e ap misiger-o luk tet an Neid eram wok momtag-e meya-o.

EPESUS 2:18

Nde, Kerisut ebem-nen Yawuri nap na, enlem nin nap na nit oboksa-ge Konak Indi misiget iri na ebem Nineid Mbal Pem Nagawan eram panggo yil lobok yurag-e ob-o.