YOANES 10:4 - Nanduk Ngget Tul Pidnak Wene

⁴ Lomba wam ereba na mbepme waruk mbutlug-e, lomba wam-nen-e at ene-ge yenggerak kulugwi me, at nanduk mborosola, imbirik mburugwi-o.

YOANES 10:4 ပူးပေါင်းရင်းမြစ်များ

MATIUS 16:24

Iri luk, Yesus-nen at owosirak yak ondosolar-e: ”Ta-nen nde an nimin nurak indingen ala-ge, at na at ambikpebe abuwa lak tak puruk, at-nen idnak e lang pang tak iri na kud turuk, an nimin nuwag-o.

YOANES 10:16

Nde, an nolomba erep na worasur-o. Lomba ereba-ge ngenwa yu me nggwigit lak nde yigi-o. An-nen na it oboksa mondok inpil lobok yimin-o. It-nen an nene kologolat, it pidsa misiget nak luk, lomba wam ombo na misiget nak wolma-o.

YOANES 10:27

An nolomba-nen-e an nene kulili-o. Nde, an-nen-e ir-e naru me, an nimin nili-o.

YOANES 10:3

Nggosola-ge, lomba wam tumende yik karok woraso nap-nen-e lomba wam ombo na nggumakluk tu kuwarak poso-o. Nggosolar-e, lomba wam na enarik tak unnu luk wene mbo onposola kuluruk, lit eneyaruk at imbirik mbepme mburugwi-o.

YOANES 10:5

Alat nde, lomba wam-nen-e nin nap inmbirig-e mburuwa bug-o. Are, at ene-ge enaru buk me, kwiye nde mburuwa-o” luk yij-o.

YOANES 10:8

An lobok yigit lak ma, nanduk-net lobok yiga nap pidsa-ge yariya wanugwi min ap enarengge ndena wanugwi min lobok yidnak me, lomba wam-nen-e it enne kuligit lak yiga-o.

YOANES 12:26

An ndegel noboso nab-e an woraso sa an totno wolmokluk, an ndegel nuburak nab-e mondok an nimbirik nuwag-o. Nde, an ndegel nubuwa nab-e an Neid-nen kek tak ubuwa-o” luk yak indij-o.

YOANES 13:15

An-nen kwat kinpigi yu-ge, kit-nen na an kwat kinpigi iri nggal ndak ndak kwarogolat worabokluk-nen mul kindigi-o.

YOANES 18:37

Yosoloma-ge, Pilatus-nen at kin wok obosolar-e: ”Iri ala-ge, kar-e nagawan–nen yusu, lak?” yosoloma. Yesus-nen yosolar-e: ”Kat-nen yigen irir-o. Nde, an nggweyak ma yu me lobok yigirik, ndet yigi yu-ge, ndemeret wene-ge irir-o luk kenggereyekluk-net lobok yigi-o. Nde, ndemeret wene imin kundik nap-nen-e an-nen yidnak wene irit kulili-o” luk yij-o.

YOANES 3:29

Kwe ap wanurak kwe iri-ge at wok uburak nap iri na ogwer-o. Nde, kwe iri wok uburak nap anggam mbi-ge an ene kolosolat at eram mendak worasolar-e, kwe wanurak nap iri na ene-ge alen min-et koloso-o. Nde, iri nggal-et an yawo na nalen kwarat kasu-o.

1 KORINTUS 11:1

An-e Kerisut-nen kwaroso nggal kwarusu iri nggal kit-nen na an-nen kwaroso nggal kwarurag-o.

EPESUS 5:1

Nde, kir-e Mbal Pem Nagawan ilirak kenabuwa worak-nen yili me, at-nen kwaroso nggal-et kwarer-o.

IBERANI 12:2

Nenlengen-e Yesus ebem-et kere kererak wolmog-o. Nde, nit ninndi at ebem angin tubu yul kuri-nen woroksiyem kuri Yesus-nen nak yongga nunduwa-o. Yesus na-ge e lang pang tak pem wat yosolar-e, abok-nen nalen kamin-er-o peraruk-nen e lang pang tak pem wat yogolat-nen ininggiri kagwi na kagit lak wat yij-o. Watlug-e, Mbal Pem Nagawan-nen koreyak woraso sa iri na inggi kigit ambigit nggwe yawo na koreyak worasu-o.

IBERANI 6:20

Yesus na-ge nit nggumakluk tu ya bosolat iri me nggwij-o. Nggosolar-e, Melkisendek na tepan ombo woragaid iri nggal, Yesus-e tepan ombo nggulok pem-et woralik nalik wolmomtak irit kwat yij-o.

1 PETERUS 2:21

Mbal Pem Nagawan-nen wene mbo kinpid iri-ge, kondogola, andi bandi kabokluk-nen wene mbo kinpij-o. Nde, Kerisut na kit kenmanggim-et andi bandi kagaid iri-ge at-nen kwarid iri karuk, at ijok pem mborobok-nen kwarid irir-o.

1 PETERUS 4:1

Nde, Kerisut-e ki nap enaboro worak luk andi bandi kaidnak me, kat-nen na iri nggal-et kamin-o luk purag-o. Ta-nen nde enaboro-nen andi bandi kaidnak ala-ge, at meya kwaroso na-ge keya bidnak worasu-o.

1 PETERUS 5:3

Nde, kininggem pidnak nap iri na inmin-e kir-e nagawan nggal luk, kenne amawi min: ”Iri kwarer-o. Yu kwarer-o” yurak pug-o. Are, Mbal Pem Nagawan olomba mirik unpurak pem kit kenpage konak irit kwat mer-o.