YOANES 10:28 - Nanduk Ngget Tul Pidnak Wene

²⁸ An-nen-e unlug-et woralik nalik momtak elem wok undusu me, ir-e pem-et lak ma bug-o. Ap misiger-o luk tet-nen an ninggem-nen ming unpurak na meya-o.

YOANES 10:28 ပူးပေါင်းရင်းမြစ်များ

NDAWI ENGGA 37:28

Nagawan Indo-nen-e konak mot mot kwarugwi iri-ge mondok indi kundik me, ap tugup lak at-nen yidnak yidnak kwarugwi iri-ge we kasa ereba-t liringsa keya onposo bug-o. Ar-e pem irit nggetlel unpuruk irit woraso-o. Alat nde, meya yugwi nap-nen wigarag-e mondok lak tak unpuwa-o.

NGGOMO WENE 24:16

Mot mot woraso nab-e wosa mberenak wolma-t nde, pempa men yik tenag-et wolma-o. Alat nde, meya yugwi nab-e lak tak onposo mende-nen mondok yigisa lak tak unpuwa-o.

YESAYA 45:17

Alat nde, Nagawan Indo-nen-e Isarael nab-e inmiri yuwa-o. Nde, at-nen inmiri yidnak iri-ge mondok pem inmiri mbarak irit wolma-o. Pem irit woragolat nagolat nggweyel na kinpigit lak, kinnggiri na wirigit lak irit woragub-o’ luk yak kunduwa-o” luk yij-o.

YESAYA 54:17

Alat nde, kat kuruwokluk tup san konuwa oboksa-ge ereba na bem-nen kat kururag-e meya ma-o. Kat kebem wene puwa ereba na-ge wene mbenarugwi sa-nen mbenarugundig-e, ebe lak wene nde kagun-o. An-nen-e ndegel nubugwi nab-e we irit ombol nggwe yugwi elem wok indimin-o” luk Nagawan Indo-nen yij-o.

YESAYA 55:3

Nilirak wa-e. Kwara kuluruk, an neram lobok yer-o. Kir-e an-nen ndemeret unluk woragwi elem wok kindimin-o. An-nen mondok tugup lak Ndaut imin ’Imbiringgat tak kibimin-o’ luk urul pigi iri na-ge kit kinmin kondosolat mondok mborok tak purak puk urul pimin-o.

YEREMIA 23:4

An-nen-e it ndegel onpogolat wolmomtak nap lenak inpimin-o. Iri yumu, an nilirak-nen-e kwiye na lak, kwiye-nen lele yugwi na lak irit wolma-o. It ennggendumu-nen ap misiger-o luk tet mondok lak ma bug-o. Nagawan Indo an-net yusu-o” luk yij-o.

YEREMIA 31:3

an-e erepma-net nde, inmbiri bem nam yukmu-o. Isarael nap wa-e. O nanduk-net an-e kit kenabuwa kaso me, an-e kenabuwa kaso elem mirik konposolar-e, pem irit kenabuwa kasolat woramin-o.

YEREMIA 31:34

It iri-ge nggok-nen marik-nen oboksa an-e enaru yuwa me, it ennggamirak ennggendumu misik-nen Nagawan Indo an it-nen enaru makluk mul undurag-e lag-o. Nde, it-nen lugud tak kwarugwi-ge an-nen meme rak onposolat, nde, it meya yidnag-e an-nen namberam tak pimin-o. Nagawan Indo an-net yigi-o” luk yij-o.

MARAKUS 13:22

Enesiget siget Kerisut min enesiget siget Mbal Pem Nagawan ene lomboksa yugwi nap min-e men ma-o. Nam yogolar-e, Mbal Pem Nagawan ilirak na enmberam ludtak ndak ala-ge, enmberam lujwoklug-e, wi yurak mende min kwiye worak mende min kwaruwa-o.

LUKAS 23:46

Yesus na ene nggoksa yosolar-e: ”Neid wa-e. An nindi-ge kat kinggem pusu-o” yuruk, wat yij-o.

YOANES 10:29

Nolomba ninggem pidnak nap an Neid na-ge terak minik nggulok pare-nen yusu me, an Neid inggem worali nab-e ap misiger-o luk tet-nen ming unpurag-e mondok meya-o.

YOANES 11:25

Yosoloma-ge, Yesus-nen Marata na yak tosolar-e: ”Unluk tak onposo elem min unlug-et wolmomtak elem min-e an-net yusu-o. Inndi-ge an nebem angin tubu yuwa nab-e wat ma-t nde, unlug-et ma-o.

YOANES 14:19

Siyag-et nak worarug-e, nggweyak ma nap-nen-e an niyujwa bug-et nde, kit-nen perak nde an neyagub-o. Nde, an-e nurug-et worasu me, kit na irit kunlug-et woragub-o.

YOANES 17:2

Kat-nen lena wok niridnak nap iri-ge unlug-et woralik nalik elem an-nen wok unduwakluk, ki nap oboksa tena unpuruk wolmomtak amawi-ge an ninggem pigen-o.

YOANES 18:9

Iri yid iri-ge, awo kwat yigit lak ma-nen: ”Neid wa-e. Kat-nen wok nirigen nab-e misiget mbi pul yigit lag-o” luk yid iri na ndak ndak makluk-nen yij-o.

YOANES 3:36

Ambara ebem indi angin tubu yusu nab-e urug-et pem-et woralik nalik wolmomtak elem wanusu-o. Nde, Ambara-nen yidnak wene kuruk tusu nab-e urug-et wolma bug-o. Are, Mbal Pem Nagawan isilepma-ge at ebem mondok puruk wolma-o.

YOANES 4:14

an-nen kenangga mak timin yi nujwa nab-e pempa pempa yi nere kujwa bug-o. Nde, an-nen kenangga mak timin yi iri-ge at arem-nen unlug-et wolmomtak yi urusu kundik mborosolar-e, urug-et woralik nalik wolmomtak elem wok tuwa-o” luk yij-o.

YOANES 5:24

An-e ndemeret yak kundusu-o. An-nen yidnak wene kuluruk, an nibil lobok yidnak nap ebem indi angin tubu yuwa nab-e, unlug-et woralik nalik wolmomtak elem-e mondok wanarik worasu-o. Iri yidnak nab-e wat yugwi elem tena woraidnak keya buruk, unlug-et wolmomtak elem wanidnak me, at ebem-e wene mbi mbaruwa bug-o.

YOANES 6:27

Lak yosolat, emben yosolat yoso nunggwi mende iri-ge ndegel tenak momtak pug-o. Are, emben yoso buk, pem-et unlug-et woralik nalik yaga wok ondoso nunggwi mende irit ndegel tenak wolmer-o. Nde, Ap Ambara an-e Neid Mbal Pem Nagawan-nen lenak nibidnak me, iri yidnak nunggwi mende iri-ge Ap Ambara an-nen wok kindimin-o” luk yij-o.

YOANES 6:37

An Neid-nen wok nuruwa nap pidsa-ge an neram lobok yuwa-o. Nde, an neram lobok yuwa nab-e an-nen-e langgal eneyamin pug-o.

YOANES 6:47

An-e ndemeret yak kundusu-o. Indi angin tubu yidnak nab-e unlug-et pem-et woralik nalik momtak elem wanarik worasu-o.

YOANES 6:68

Simon Peterus-nen at yak tosolar-e: ”Nagawan Indo wa-e. Ta eram nde mburul-o? Kat kene-ge unluk yaga wok ondoso-nen yusu-o.

YIDNAK YIDNAK WENE 7:59

Nde, it na-nen kerep pem Sepanus worogola ereya na-net at-nen tepan yosolar-e: ”Nagawan Indo Yesus wa-e. An nindi-ge kat wani-o” luk yij-o.

OROMA 5:17

Ap misik-nen meya yidnak-nen ndowaga ap pidsa wat yugwi elem urugwe nggwe woraiga iri-ge ija-t nde, misik nap Yesus Kerisut-nen kwaridnak pem-e we wok ondoso elem kwarat min onggo lag-et lud tak nak onposo min wok nunduwa nab-e Yesus Kerisut ebem-et nunluk woragolar-e, kek tag-et wulmul iri perak nde nggulok lombog-o.

OROMA 5:2

Nit ninndi angin tubu yidnak pem nir-e Mbal Pem Nagawan-nen idnak we wok ondoso elem pem worali-o. ”Mbal Pem Nagawan unu kek tak pogola, at ondok yul-o” luk iri kwarurak pem ninndi mbung mbung tak woragolar-e, nenalen kali-o.

OROMA 5:21

Iri ala-ge, meya kwarugwi elem urugwe nggwe woragolar-e, wat yugwi nap woraige nggal, iri nggal-et we wok ondoso elem urugwe nggwe woragolar-e, lud tak nak nunpuruk, Nenagawan Indo Yesus Kerisut ebem-e nunlug-et woralik nalik momtak elem wok nundusu-o.

OROMA 5:9

Yawo-ge Yesus eyabi bem-nen lud tak nak ninpidnak worali iri-ge ija-t nde, Mbal Pem Nagawan isilepma-ge nit nenpem mbuma naru, Yesus-nen ninmiri yuwa iri perak nde ija lombog-o.

OROMA 6:23

Nde, meya kwarugwi elem na onggo-ge wat yugwi irir-o. Alat nde, Mbal Pem Nagawan-nen we wok nondoso iri-ge Nenagawan Indo Yesus Kerisut ebem-nen pem-et unlug-et woralik nalik elem-nen yusu-o.

OROMA 8:1

Iri yidnak pem-e yawo-ge Kerisut Yesus imin kwin yidnak nap nenpem wene mbi mbaruwa bug-o.

OROMA 8:29

Nanduk-net Mbal Pem Nagawan-nen it len inpid iri-ge at Ambara Yesus Kerisut abage nggal kwat mag-o luk obi-net lud tak pid iri bem-nen at anggamirak kwarat ennggendumu at Ambara na manggu nderak makluk len inpij-o.

TUGURUK YIDNAK WENE 33:3

Ndemeret at-nen at elem nap enabuwa kasolar-e, at arengge kwat yidnak nap oboksa nggetlel unpusu-o. Nir-e at indipma tud luk at-nen yidnak yidnak kwarogolat wolmog-o.

PILIPI 1:6

Kit kenarem konak eyabu tel kwirid Mbal Pem Nagawan-nen-e eyabu iri na wok tenag-et worasoma, Kerisut Yesus lobok yuwa tarem-nen worok tak puwar-o luk an-e mondok naru worasu-o.

2 TESALONIKA 2:13

Nennggamirak Nagawan Indo-nen kenabuwa kaso wa-e. Kit kenpem ala, nir-e mondok pempa Mbal Pem Nagawan wa-o yak togolat wulmul-o. Tel kwiridnak kuri-net Mbal Pem Nagawan-nen kinmiri yekluk len konposolar-e, Konak Indi-nen mbek tak kinpidnak pem na, ndemeret wene bem kinndi angin tubu yigep pem na len kinpij-o.

1 TIMOTIUS 1:16

Alat nde, yu bem-nen Mbal Pem Nagawan-nen an nabuwa kagaij-o. An meya nggulok yoso iri bem-nen Kerisut Yesus-nen mamak puruk woraso na an nebem nam tak pamu-o. Nde, iri yid iri-ge it abok at ebem inndi angin tubu yogola, unlug-et woralik nalik momtak elem wanuwa nap enmanggim mul ondosolat-nen kwat nibij-o.

2 TIMOTIUS 1:12

Iri bem-nen an-e andi bandi yeba nggal kasu-t nde, ninggiri lag-et worasu-o. Nde, iri-ge an-nen ebem nindi angin tubu yigi nap iri-ge an-e naru-o. Nde, an wok niridnak mende iri-ge at iri-nen-e mondok ndak irit yik karok worasoma, Nagawan Indo lobok yurak Tarem wog-et ma-o luk naru-o.

IBERANI 7:25

Iri bem-e ap Yesus ebem-nen Mbal Pem Nagawan eram lobok yili nab-e pem-et woralik nalik makluk, at-nen-e it inmiri yaga wok undurag-e ndak-nen yusu-o. Iri yusu iri-ge ar-e urug-et pem-et woralik nalik woraso me, it enmanggim-e Mbal Pem Nagawan emengen mbaroso-o.

1 PETERUS 1:5

Kir-e Mbal Pem Nagawan ebem kinndi angin tubu yidnak me, iri yidnak silobulo iri-ge pidsa kenmanggim worasu-o. Worok tak puwa tarem-nen kinmiri yidnak mondog-et nam tak puwa tarem kinmiri yidnak iri na wanobokluk, Mbal Pem Nagawan amawi bem-nen kontowarak worasu-o.

1 YOANES 1:2

Urug-et woraso iri-ge ap-nen kujwakluk nam tak posola-ge, nit-nen kaige-o. Iri bem-e, at owene iri yak kondogolat, Eid imin woraso pem-et urug-et woralik nalik wolmomtak elem nit ninmbiri bem nam tak pid iri na kenggel kondogolat yili-o.

1 YOANES 2:19

Kerisut imin sirid nap iri-ge nit ninmin woragwi na-t nde, ndemeret ninmin kundigit lak me, keya nunpuruk mbiridnak nap-net yili-o. It nde nit ninmin kundik nap nggal-nen-e ndemeret nit ninmin woraleb-o. It iri-ge ap misiger-o luk tet nit nab-e lag-o luk yenggerak puwakluk, nit keya nunpuruk mbiriga-o.

1 YOANES 2:25

Nde, Kerisut at-net urul yak nondosolar-e: ”Kunlug-et pem-et woralik nalik woragub-o” luk yak nindik nar-o.

1 YOANES 5:11

Kinggiridnak wene-ge yu-o. Mbal Pem Nagawan-nen-e nunlug-et woralik nalik momtak elem wok nindij-o. Nde, at Ambara iri-ge unlug-et woralik nalik momtak iri elem-nen yusu-o.

YURAS 1:1

Yesus Kerisut ndegel oboso nap, Yakobus owot Yuras an-nen-e Nineid Mbal Pem Nagawan ebem-nen kenabuwa worak nap, Yesus Kerisut amanggim ndegel konposolar-e, Mbal Pem Nagawan-nen wene mbo kinpid nap kit kenmanggim engga yu mbarusu-o.

YURAS 1:21

Mbal Pem Nagawan-nen ap enabuwa kaso elem pem woragolar-e, kit na kit-net kinndi ndegel koragolar-e, nit Nenagawan Indo Yesus Kerisut-e nit nunpud-nen nunlug-et woralik nalik momtak elem wok nunduwakluk, yik karok wolmer-o.

YURAS 1:24

Kit pijaksa mbugup naru, tugup lak tak kunpurak amawi worak Nap, mondok kopkap lak, kenalin kenalen min-et at unu kek tak woraso eram kunpuwa Nap,

1 SEMUEL 2:9

Nde, tugup lak woragwi nab-e Nagawan Indo arem yamuksa worali-o. Alat nde meya yugwi nab-e ndamuk arem yabera lak yili-o. Nggweyakma nap ondomok enmawi bem-nen-e ombol nggwe-ge yugwi bug-o.