YOANES 10:27 - Nanduk Ngget Tul Pidnak Wene

²⁷ An nolomba-nen-e an nene kulili-o. Nde, an-nen-e ir-e naru me, an nimin nili-o.

YOANES 10:27 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 18:21

Iri yamu, ndok worogola, Elia na Isarael nap endam mberarik-nen yak ondosolar-e: ”Kir-e mepme-nen kinndi mberen worali iri-ge misiget tak pugub-o? Mbal Pem Nagawan iri nde ndemeret Mbal Pem Nagawan-et ala-ge, irit kek tak uburag-o. Nde, Mbaal iri nde mbal pem nagawan ala-ge, irit kek tak uburag-o” luk yak indij-o. Iri yak ondosola-ge, iri me ndok wiriga nab-e onggo yigit lag-o.

YESAYA 66:22

Mbal min nggweyak min ngget ndak worak pidnak an namawi-nen kondok tak puruk wolma iri nggal-et, kit-nen wigarak min kit kunnu min-e pem irit wolma-o.

MATIUS 16:24

Iri luk, Yesus-nen at owosirak yak ondosolar-e: ”Ta-nen nde an nimin nurak indingen ala-ge, at na at ambikpebe abuwa lak tak puruk, at-nen idnak e lang pang tak iri na kud turuk, an nimin nuwag-o.

MATIUS 17:5

Nde, Peterus-nen wene iri yosoma ereya na-net yaya worak nggan nggan iri arem-nen ene mbi-nen yosolar-e: ”At yu-ge an Nambara abuwa worak-nen yusu-o. At ebem-e an nalen kasu-o. At ene nak koler-o!” luk yij-o.

MATIUS 25:12

Yogolikma-ge, it wok unpurak nap iri-nen yosolar-e: ’An-nen yak kendeyeg-o: Kit yu-ge an-e naru bug-o’ luk yak indij-o.

MATIUS 7:23

Iri yogola-ge, an-nen nam-et it yak ondosolar-e: ’Kir-e an naru bug-o. Kit meya nak kwat tenak woragwi nap wa-e. An neram-nen mberer-o’ ” luk yak indi-min-o.

MARAKUS 10:21

Yosola-ge, Yesus-nen ap iri na yik karuk, abuwa kasoluk-nen yak tosolar-e: ”Kat-nen kwarurak mende-ge misiget nak keya bigen-o. Kat mburugundik kisilobulo pidsa onggo wanuruk, tol iri-ge insilobulo lak nap tembesa wok unduruk, lobok yosolar-e, an nimin ni-o. Iri yugundik pem-e, aid arem-nen silobulo kwarat wanugun-o” luk yak tij-o.

MARAKUS 8:34

Yak turug-e, ap kwarat min at owosirak inmin wene mbo unpuruk-nen it na yak ondosolar-e: ”Ap-nen nimbirik nurak ala-ge, at-net at ambikpebe isili rak puruk, e lang pang tak ebem pidnak na pijanuruk, an nimbirik nuwag-o.

LUKAS 13:27

Yogola-ge, at-nen tuguruk yak kondosolar-e: ’Kir-e ngge me-nen lobok yigeb-o? An naru bug-o. Meya nak kwarugwi nap kir-e an neram yu me-nen mberer-o!’ luk yak kunduwa-o.

LUKAS 9:23

Iri luk, Yesus-nen it pidsa yak ondosolar-e: ”Ta-nen nde an nimbirik nurak perasolar-e, at-nen nggok tak poso mende pidsa keya buruk, at-nen idnak e lang pang tak na pempa-n kud turuk, an nimbirik nosolat wolmag-o.

YOANES 10:14

Lomba wam ombo konag-e an-net yusu-o. Nde, an Neid-nen an aru worasu nggal, an-nen na Neid naru worasu iri nggal-et an-nen-e an nolomba naru worasu-o. Nde, it-nen na an enaru worali-o. Nde, an nolomba enmanggim-e wat yimin-o luk perasu-o.

YOANES 10:16

Nde, an nolomba erep na worasur-o. Lomba ereba-ge ngenwa yu me nggwigit lak nde yigi-o. An-nen na it oboksa mondok inpil lobok yimin-o. It-nen an nene kologolat, it pidsa misiget nak luk, lomba wam ombo na misiget nak wolma-o.

YOANES 10:8

An lobok yigit lak ma, nanduk-net lobok yiga nap pidsa-ge yariya wanugwi min ap enarengge ndena wanugwi min lobok yidnak me, lomba wam-nen-e it enne kuligit lak yiga-o.

YOANES 12:26

An ndegel noboso nab-e an woraso sa an totno wolmokluk, an ndegel nuburak nab-e mondok an nimbirik nuwag-o. Nde, an ndegel nubuwa nab-e an Neid-nen kek tak ubuwa-o” luk yak indij-o.

YOANES 21:22

Yesus-nen at yak tosolar-e: ”Nde, an-nen perasolar-e, at yu-ge urug-et worasoma, an nde lobok yurak nggal-nen-e iri-ge kat-nen wene yurag-e lag-o. Alat nde, kar-e an nimbirik ni-o” luk yak tij-o.

YOANES 5:25

An-e ndemeret yak kundusu-o. Wat yidnak nap-nen Mbal Pem Nagawan Ambara ene kuluruk, kulidnak nab-e unlug-et wolmomtak tarem-e wok yuwa-t nde, mondok wok yij-o.

YOANES 8:12

Iri rak puruk, Yesus-nen tuguruk it yak ondosolar-e: ”An-e ki nap ennggendumu yaya-nen yusu-o. An nimin nuwa nab-e ndamuk arem nuwa bug-o. Are, unlug-et wolmomtak yaya irit tena wolma-o” luk yak indij-o.

YOANES 8:43

Kir-e noluk-nen an-nen yidnak wene yebet kali bug-o? Kwara yebet kali buk iri-ge an-nen yidnak wene kit-nen kwara lid puruk wanili buk iri bem-nen-o.

YIDNAK YIDNAK WENE 3:23

Alat nde, ta-nen nde at ene lomboksa yoso nap iri-nen yuwa wene kuluwa buk nab-e nit nenlem nap ennggendumu-nen lesa lak tak puwa-o’ luk yij-o.

1 KORINTUS 8:3

Alat nde, ta-nen Mbal Pem Nagawan abuwa kasu nab-e, Mbal Pem Nagawan-nen at na aru yusu-o.

NGGALATIA 4:9

Alat nde, yawo-ge kir-e Mbal Pem Nagawan kenaru luk – are, yawo-ge Mbal Pem Nagawan-nen kit aru yij-o luk yurag-et nde – nggweyak ma kugi ndeyak, arengge lak kugi na kir-e tuguruk ndegel ubuwokluk, nden karuk eram mbururak kinndingen-a?

2 TIMOTIUS 2:19

Alat nde, Mbal Pem Nagawan-nen pidnak o paro iri-ge mondok tugup lak, sil kudtak puk-nen yusu-o. Nde, paro iri bem-e wene yu mbarak worasu-o: ”Nagawan Indo-nen-e at arengge rak inpidnak nap iri-ge ar-e aru-o” luk ” ’An-e Nagawan Indo arengge-nen yusu-o’ luk yoso nab-e at-nen meya kwaroso iri-ge keya buwag-o.”

IBERANI 3:7

Iri bem-e Konak Indi-nen yosolar-e: ”Kir-e yawo nde Mbal Pem Nagawan ene kulurug-e,

NAM PARA WENE 14:4

It iri na-ge kwami inmin nene yugwi buk me, kopkap lak-nen yili-o. Ir-e kwami wanugwi buk-nen yili-o. Nde, ir-e Lomba Wam Marik na mbiridnak sa nak imbirik nak nugwi-o. It iri-ge nggweyak ma nap ennggenggerak-nen onnggo bidnak nap me, ir-e nanduk nandug-et Mbal Pem Nagawan min Lomba Wam Marik min enmanggim wosa inpidnak-nen yili-o.

NAM PARA WENE 3:20

Yu ker-o. An-e tumende bem men yigirik, tu lel lel kasu-o. Ap mbi-nen an nene kuluruk, tu kuwarak posola-ge, an-e at ama nggwimindik, at imin totno nonggolat, nde, at-nen na an totno nonggolat wulmul-o.