YOANES 10:25 - Nanduk Ngget Tul Pidnak Wene

²⁵ Yak togolikma-ge, Yesus-nen it yak ondosolar-e: ”An-e pi-net yak kondosolat woragi-t nde, kit kinndi angin tubu yigit lak yigeb-o. An neid unu bem kwaril nusu mende-ge an yenggerak neyabokluk mul kundusu-t nde,

YOANES 10:25 ပူးပေါင်းရင်းမြစ်များ

YOANES 10:32

Alama-ge, Yesus-nen it yak ondosolar-e: ”An Neid-nen konak kwarurak mende kwarat nebem posola, kit kinmbiri bem kwarigirik me, ngge kwaridnak pem-nen kir-e kerep pem an nuruwokluk yili-o?” luk yak indij-o.

YOANES 10:37

An Neid-nen nebem pidnak mende kwarigit lak ala-ge, kinndi-ge an nebem angin tubu yurak pug-o.

YOANES 10:38

Alat nde, an-nen-e at-nen nebem pidnak mende kwarusu ala-ge, kinndi-ge an nebem angin tubu yili bug-et nde, an-nen kwaroso mende bem nak kinndi angin tubu yer-o. Iri bem, kinndi angin tubu yugup ala-ge, an Neij-e an narem woralat, nde, an-nen na Neid arem woralat yili-o luk kwara kenaru yugub-o” luk yak indij-o.

YOANES 11:47

Yak ondogolikma-ge, tepan omborak nagawan min Parisi nap min-nen wene mbarugwi nap inmin ndok wutluk-nen yogolar-e: ”At-nen-e kwiye worak mende kwarat kwarusu me, nir-e ngge nde kwat ubul-o?

YOANES 12:37

Nde, at-nen-e it inmbiri bem kwiye worak mende kwarat kwarij-et nde, inndi-ge at ebem angin tubu yigit lak yiga-o.

YOANES 14:11

An-e Neid arem woralat, nde, Neid na an narem woralat yusu-o luk kinndi angin tubu yer-o. Nde, iri momtag-e meya ala-ge, an-nen kwarusu mende karuk iri bem-et kinndi angin tubu yer-o.

YOANES 20:30

Nde, Yesus-nen at owosirak inmbiri bem-e kwiye worak mende erep kwarat kwarij-et nde, ereb-e engga yu arem-e mbarigir-e lag-o.

YOANES 3:2

Misik tarem kubu nggwe-ge at na-ge Yesus eram mberarik, at yak tosolar-e: ”Mul Ondoso Nap wa-e. Kar-e Mbal Pem Nagawan-nen kibil lobok yidnak-nen yusu-o luk nir-e nenaru-o. Mbal Pem Nagawan nde inmin woragit lak-nen-e kat-nen kwiye worak mende kwarusu yu nggal-e ap misiger-o luk tet-nen kwarurag-e meya-o” luk yij-o.

YOANES 7:31

Alat nde, ap ereba na ennggendumu ap kwarat-nen at ebem inndi angin tubu yogolat-nen yogolar-e: ”At yu-nen kwiye worak mende kwarat kwarusu yu-ge, Mesias abok lobok yuwarig-e, kwiye worak mende terag-e no mende nde kwaruwa-o?” luk yiga-o.

YOANES 8:12

Iri rak puruk, Yesus-nen tuguruk it yak ondosolar-e: ”An-e ki nap ennggendumu yaya-nen yusu-o. An nimin nuwa nab-e ndamuk arem nuwa bug-o. Are, unlug-et wolmomtak yaya irit tena wolma-o” luk yak indij-o.

YOANES 8:24

Iri bem-e, ’Kit meya yidnak min woragolat-nen wat yugub-o’ luk yak kindigi nar-o. Nde, kit-nen-e an nimin-e ’Ar-e Ar-e woraso-net yusu-o’ luk kinndi an nebem angin tubu yigit lak ala-ge, kit meya yidnak min woragolat-nen war-et yugub-o” luk yak indij-o.

YOANES 8:56

Kit kineid Abaram na-nen-e an lobok yurak tarem kamin-o perasoluk, alen min-et woragaij-o. Nde, an na lobok yosola karuk, kijik kijak yij-o” luk yij-o.

YOANES 8:58

Yak togolikma-ge, Yesus-nen it yak ondosolar-e: ”An-e ndemeret yak kundusu-o. Abaram na ndet yigit lak ma-net an-e woraso-net yusu-o” luk yij-o.

YIDNAK YIDNAK WENE 10:38

Nde, Mbal Pem Nagawan-nen Yesus Nasaret nap na ebem-e Konak Indi min amawi min kilik pidnak wene-ge kenaru nar-o. Mbal Pem Nagawan-e at imin woralat me, at waring kasolar-e, konak nak kwarosolat, Sere-nen yemen inpidnak nap oboksa ki rak inpil waring kagaij-o.

YIDNAK YIDNAK WENE 2:22

Kit Isarael nap wa-e. Wene yu koler-o. Nasaret nap na-ge Mbal Pem Nagawan-nen at mirik konposolar-e, kwiye worak mende min wi yurak mende min yenggerak purak mende min-e Mbal Pem Nagawan-e Yesus arem woralat-nen kit kennggendumu-nen irit kwarosolat woragaid na-ge kir-e kenaru irir-o.

IBERANI 2:3

Iri ala-ge, ninmiri yurak wene nggulok iri-ge kuligit lak keya pulndig-e, nggesa-nen ninmiri yuwa-o? Nde, nanduk nandug-er-e wene iri-ge Nagawan Indo Yesus at-nen nam tak posola, wene na nam tak posola kuliga nap-nen nit yak nondogolar-e: ”Wene iri-ge ndemeret wene-net yusu-o” luk yak nondogola-ge, nir-e ndemerer-o luk menggesa nenaru yige-o.