YOANES 10:16 - Nanduk Ngget Tul Pidnak Wene

¹⁶ Nde, an nolomba erep na worasur-o. Lomba ereba-ge ngenwa yu me nggwigit lak nde yigi-o. An-nen na it oboksa mondok inpil lobok yimin-o. It-nen an nene kologolat, it pidsa misiget nak luk, lomba wam ombo na misiget nak wolma-o.

YOANES 10:16 ပူးပေါင်းရင်းမြစ်များ

NDAK WIRIDNAK WENE 49:10

Yewura-ge nagawan-nen tena woragwi wangun tena wolma-o. At-nen wigarak-nen o tena woralar-e, pem-et woralik nalik irit wolma-o. Worala-ge, yi ap ndi ap oboksa-nen-e ar-e ombol nggwe yidnak pem tol eram pogolat, at indipma nak tebe rak wolma-o.

YESAYA 43:6

An-nen-e abare abam (utara) nggwe min abare ena (selatan) nggwe min yak tosolar-e: ’An nilirag-e pem tena unpuruk wolmomtak pug-o. Ndag-et nak lera keya enper-o’ yimin-o. An nambararag-e erepma-nen lobok yogolat, an nararag-e nggweyak erep yoboksa-nen lobok yogolat ma-o.

YESAYA 49:6

Nagawan Indo-nen an yak norosolar-e: ”Ndegel noboso nap wa-e. Yabu mondok nggok terak minik lombog-e kat-nen wanurak worasu-o. Kat-nen wanurak yabu-ge Yakup-nen wigarak erep minggirik ereba kek tak woraiga ereba na tuguruk kek tak onposolat, enma inpil mborosolat kwarurak iri nak worasu-ge lag-o. Alat nde, yi wi ndi wi oboksa-nen inmiri yuwakluk, an-nen kar-e ap enlem oboksa ennggendumu yaya rak kibimin-o” luk yij-o.

YESAYA 52:10

Nagawan Indo-nen-e at-nen idnak amawi-ge ap enlem oboksa inmbiri bem nam tak pusu-o. Nam tak posola-ge, yi wi ndi wi oboksa-nen nit Nenmbal Pem Nagawan-nen ninmiri yoso elem iri na-ge kujwa-o.

YESKIEL 34:12

Nde iri-ge lomba yik karok woraso nap-nen olomba nggilarak ndibi ndi rak ereba na kore luk, ndok wosa keya buruk ndogoroso iri na nggal-et kwarimin-o. An nolomba o muruk tak ndamuk tarem-nen yi wi ndi wi inpil mbiridnak ereba na-ge it nggilarak woragwi sa-nen wok unpuruk lobok yimin-o.

YESKIEL 34:23

Nde, an-nen-e lomba ereba at nak-nen ndegel onposo nap kwat yosolat, kwara ndegel onposolat kwat tenak wolmaklug-e, an ndegel noboso nap Ndaut nggal nagawan misik lena mendak pimin-o.

YESKIEL 34:6

Iri yosolar-e, nolomba ereba na-ge ndobo kek tak pem ereba na-nen ndobo ndobo ereba na nggwe nggilarak mbu nusu-o. Nggilarak mbu nogolar-e, yi wi ndi wi oboksa it inmbiri nak woragola-ge, ap misiger-o luk mbi-nen inndi yebet kagolat, onkore yogolat kwatli bug-o’ luk yak kundusu-o.

YESKIEL 37:22

Inpil lobok yimindig-e o Isarael wi ndobo worak sa ereba ne me an-nen-e ap enlem lambuksa misiget tak unpumu, nagawan misiget nak-nen tena unpuruk wolma-o. It iri-ge ngaksa nagawan mberen-nen tena unpuruk, enlem mberen woragwi iri na nggal-e mondok wolma bug-o.

YESKIEL 37:24

It enlem mberen woragwi iri-ge lambuksa misiget tak unpuruk, it iri-ge an ndegel noboso Nagawan Ndaut nggal nagawan misik-nen tena unpuruk pem irit woralik nalik wolma-o. Iri kwasa woragolar-e, mondok tugup lak pempa an-nen idnak imiri mbarak pidnak wene ndak ndak nak irit kwat tenak wolma-o. Nde, an-nen Yakup wok tigi nggweyak, it onmborak-nen woraiga nggweyak iri na me-t it na irit, it-nen wigarak-nen na irit, pem irit iri na me wolma-o.

OSEA 1:10

Nde, Isarael nab-e sisiri nggal kwat yogolar-e, ndak worogolat, wonarogolat yurag-e meya irit ma-o. Nde, yawo Mbal Pem Nagawan-nen it yak ondosolar-e: ”Kir-e an nilirag-e lag-o” luk yak undusu-o. Alat nde, abok at-nen yosolat: ”An-e kit Kenmbal Pem Nagawan nuruk nak woraso-nen yusu-o. Nde, kir-e an nilirak-nen yili-o” luk yurak tarem-e wok ma-o.

MATIUS 17:5

Nde, Peterus-nen wene iri yosoma ereya na-net yaya worak nggan nggan iri arem-nen ene mbi-nen yosolar-e: ”At yu-ge an Nambara abuwa worak-nen yusu-o. At ebem-e an nalen kasu-o. At ene nak koler-o!” luk yij-o.

LUKAS 15:8

Yuruk, Yesus-nen yosolar-e: ”Nde, kwe misig-e egerep tol sepulu worasoma, misik nde pul yuwama-ge, ngge nde kwaruwa-o? Lag-o. At-nen tal paguruk, ama o liri korosolat, kwara-t kore luk-nen orol iri kujwa irir-o.

YOANES 10:11

Lomba wam ombo konag-e an-net yusu-o. Nde, lomba wam ombo konak-nen-e at olomba enmanggim at na at-net iminep wisirik pusu-o.

YOANES 10:2

Alat nde, tu ndanggi nggwe-t nggusu nab-e lomba wam ombo-ge irir-o.

YOANES 10:27

An nolomba-nen-e an nene kulili-o. Nde, an-nen-e ir-e naru me, an nimin nili-o.

YOANES 10:3

Nggosola-ge, lomba wam tumende yik karok woraso nap-nen-e lomba wam ombo na nggumakluk tu kuwarak poso-o. Nggosolar-e, lomba wam na enarik tak unnu luk wene mbo onposola kuluruk, lit eneyaruk at imbirik mbepme mburugwi-o.

YOANES 10:4

Lomba wam ereba na mbepme waruk mbutlug-e, lomba wam-nen-e at ene-ge yenggerak kulugwi me, at nanduk mborosola, imbirik mburugwi-o.

YOANES 10:5

Alat nde, lomba wam-nen-e nin nap inmbirig-e mburuwa bug-o. Are, at ene-ge enaru buk me, kwiye nde mburuwa-o” luk yij-o.

YOANES 11:52

Nde, Yesus elem nap Yawuri nap enarig-et nak ondolma wat momtak pem-e lag-o. Are, Mbal Pem Nagawan ilirak yi wi ndi wi ndi rak inpidnak na ndok wosa misiget tak unpurak pem wat yij-o.)

YOANES 17:20

It enarik enmanggim nak an-e tepan yusu bug-o. Are, it-nen yidnak wene kuluruk an nebem inndi angin tubu yuwa nap enmanggim min-et tepan yusu-o.

YOANES 6:37

An Neid-nen wok nuruwa nap pidsa-ge an neram lobok yuwa-o. Nde, an neram lobok yuwa nab-e an-nen-e langgal eneyamin pug-o.

YIDNAK YIDNAK WENE 15:14

Nanduk-net Mbal Pem Nagawan-nen enlem nin nap ennggendumu-nen ap ereb-e at amanggim len inpid wene-ge Simon-nen yak nindid irir-o.

YIDNAK YIDNAK WENE 18:10

An-e kimin worasu-o. Nde, o yu me-ge an-nen idnak nap kwarat worali me, ap misiger-o luk-nen na andi bandi rak kubuwa bug-o” luk yak tij-o.

YIDNAK YIDNAK WENE 22:14

Yik kasoma-ge, at-nen yosolar-e: ’Nit nenlawingga Enmbal Pem Nagawan-nen-e at indi-n pidnak mende karu yonokluk, Mot Mot Yoso Nap kanokluk, at emendam-nen mbiridnak wene kolonokluk, len kibij-o.

OROMA 11:25

Nowe nowosi wa-e. Kit-nen-e: ”Nir-e ninndi nggat ponok tak-net yili-o” luk peragup naru-nen kit kenaru tobok-nen kura wene misik yak kendeyeg-o. Isarael nap ereb-e inndi amawi irit worakmu, enlem nin nap abu ndegera Mbal Pem Nagawan eram wok yogola-net inndi ndeyak ma-o.

2 TESALONIKA 2:13

Nennggamirak Nagawan Indo-nen kenabuwa kaso wa-e. Kit kenpem ala, nir-e mondok pempa Mbal Pem Nagawan wa-o yak togolat wulmul-o. Tel kwiridnak kuri-net Mbal Pem Nagawan-nen kinmiri yekluk len konposolar-e, Konak Indi-nen mbek tak kinpidnak pem na, ndemeret wene bem kinndi angin tubu yigep pem na len kinpij-o.

IBERANI 13:20

Mbal Pem Nagawan-nen-e ap wat yidnak ennggendumu-nen nit Nagawan Indo Yesus na uruk tak pij-o. At wat yid iri bem-nen Yesus na-ge olomba wam Yik Karok Woraso Nap nggulok iri kwat yij-o. At eyabi-nen-e pem-et wolmomtak urul pidnak wene iri na ebe worak tak pij-o.

1 PETERUS 2:10

Nde, nanduk woragolar-e, kir-e Mbal Pem Nagawan ilirak woragit lag-et woraigep, nde, yawo-ge kir-e Mbal Pem Nagawan ilirak-nen yili-o. Nanduk Mbal Pem Nagawan-e kit kunpud kagit lag-et nde, yawo-ge kunpud kasu-o.

1 PETERUS 2:25

Kit nandug-e kabak yidnak lomba wam nggal woraigeb-o. Alat nde, yawo-ge kit yik keneyarok worasolat, ndegel konposolat yoso nap Kerisut eram tuguruk lobok yigeb-o.

1 PETERUS 5:4

Iri kwat yugup pem-e, Lomba Wam Winde Kek tak na lobok yosolar-e, abinal lak momtak puk wirik irit wanugub-o.

NAM PARA WENE 3:20

Yu ker-o. An-e tumende bem men yigirik, tu lel lel kasu-o. Ap mbi-nen an nene kuluruk, tu kuwarak posola-ge, an-e at ama nggwimindik, at imin totno nonggolat, nde, at-nen na an totno nonggolat wulmul-o.