YOANES 10:11 - Nanduk Ngget Tul Pidnak Wene

¹¹ Lomba wam ombo konag-e an-net yusu-o. Nde, lomba wam ombo konak-nen-e at olomba enmanggim at na at-net iminep wisirik pusu-o.

YOANES 10:11 ပူးပေါင်းရင်းမြစ်များ

NDAWI ENGGA 23:1

Nagawan Indo-ge olomba wam an yik neyarok woraso-nen yusu-o. An-e yi mende ndi mende ukwe lak worasu-o.

NDAWI ENGGA 80:1

Kolomba Isarael nap Yik Eneyarok Woraso wa-e. Nenne kwara kuli-o. Yusup-nen wigarak lombo oro nggal ligik iri-ge kat-nen lit unpuruk mburusu-o. Aid nap kerup ombol pem koreyak woraso kar-e keyaya bem

YESAYA 40:11

Ar-e wam yik karok woragwi nap-nen kwarugwi nggal wam kwarat ereba na kwara ndogorosolat, at ondomok-net ndak wat unpuwa-o. Lomba amarik ereba na-ge aringmu rak puruk, ija-ge yanggosa-t kona suluk mburuwa-o.

YESAYA 53:6

Nit oboksa lomba wam kabak yidnak nggal woragolat, tu-ge nindi-n pidnak ndomok mburugwi-o. Alat nde, Nagawan Indo-nen-e nit-nen meya kwarugwi-ge oboksa at ebem yatku bamu-o.

YESKIEL 34:2

”Nggweyakma nap, lak yoso wa-e. Isarael nap nagawan nagawan ereba innggiri wiri-o. It yak ondosolar-e, Nagawan Indo Mondok Kek tak an-nen it yak undusu wene yu kwara yak indi-o: ’Isarael nap yik eneyarok woragwi nap wa-e. Kir-e kit kondomok kenmanggim nak nggok tak pili-o. Alat nde, kit konlomba amanggim-e nggok tak pili bug-o. Iri kwatli bem-e mondok lak tak kinpimin-o.

YESKIEL 34:23

Nde, an-nen-e lomba ereba at nak-nen ndegel onposo nap kwat yosolat, kwara ndegel onposolat kwat tenak wolmaklug-e, an ndegel noboso nap Ndaut nggal nagawan misik lena mendak pimin-o.

YESKIEL 37:24

It enlem mberen woragwi iri-ge lambuksa misiget tak unpuruk, it iri-ge an ndegel noboso Nagawan Ndaut nggal nagawan misik-nen tena unpuruk pem irit woralik nalik wolma-o. Iri kwasa woragolar-e, mondok tugup lak pempa an-nen idnak imiri mbarak pidnak wene ndak ndak nak irit kwat tenak wolma-o. Nde, an-nen Yakup wok tigi nggweyak, it onmborak-nen woraiga nggweyak iri na me-t it na irit, it-nen wigarak-nen na irit, pem irit iri na me wolma-o.

MIKA 5:4

Nde, at-nen-e yamuksa woragwi elem wok unduwa-o.

MATIUS 20:28

Iri nggal-et Ap Ambara lobok yid iri-ge ap yongga wuruwakluk lobok yigir-e lag-o. Are, ap yongga endeyekluk, ap kwarat onnggo posolat iminep wesel korayekluk-nen lobok yij-o” luk yij-o.

YOANES 10:2

Alat nde, tu ndanggi nggwe-t nggusu nab-e lomba wam ombo-ge irir-o.

YOANES 15:13

Ap-nen anggamirak enabuwa mondok nggulok kasu nap-nen-e it enmanggim at ondomok iminep wisirik pusu irir-o.

EPESUS 5:2

Kerisut na-ge nit nenabuwa kagaid nggal, iri nggal kir-e ap enabuwa kagwi elem pem-et waring kagolat wolmer-o. Kerisut-e nit nenabuwa kasolar-e, nit nenmanggim at-nen at ondomok indi wisirik posolar-e, Mbal Pem Nagawan indi alen tak poso emben konak mende nggal luk, at eyabi Mbal Pem Nagawan amanggim pij-o.

TITUS 2:14

Yesus iri-ge yi meya ndi meya kwarugwi inggem-nen ninmiri yekluk, at ondomok amanggim marak nunpuruk, at elem nap tak nenpeyekluk, ”Konak mende nak kwaruwog-o” yugwi nap tak nenpeyekluk, at-net at ambikpebe iminep nit nenmanggim wesel koragaij-o.

IBERANI 13:20

Mbal Pem Nagawan-nen-e ap wat yidnak ennggendumu-nen nit Nagawan Indo Yesus na uruk tak pij-o. At wat yid iri bem-nen Yesus na-ge olomba wam Yik Karok Woraso Nap nggulok iri kwat yij-o. At eyabi-nen-e pem-et wolmomtak urul pidnak wene iri na ebe worak tak pij-o.

1 PETERUS 5:4

Iri kwat yugup pem-e, Lomba Wam Winde Kek tak na lobok yosolar-e, abinal lak momtak puk wirik irit wanugub-o.

1 YOANES 3:16

Ap enabuwa kagwi elem-e yu bem-nen nenaru yili-o: Kerisut-e nit nenmanggim at-net at iminep wisirik pij-o. Iri nggal-et nit-nen na nit nennggamirak enmanggim nit-net nit ninminep wisirik purag-o.

NAM PARA WENE 7:17

Iri kwat unpuwa iri-ge nagawan koreyak woraso ondoro bem enggendumu worasu Lomba Wam Marik iri-ge at olomba wam iri yik eneyarok woraso nap kwatluk, wok unpuruk, unluk nak wolmomtak yi pilana waso sa inmin mburuwa-o. Nde, Mbal Pem Nagawan-nen-e iniyip lengen oboksa ndogwarak unpuwa-o” luk yij-o.