YOANES 10:10 - Nanduk Ngget Tul Pidnak Wene

¹⁰ Yariya wanugwi nap na lobok yugwi-ge, yariya wanurak pem min undurak pem min lak tak unpurak pem min lobok yugwi-o. Alat nde, an lobok yigi-ge, lomba wam-nen-e unlug-et wolmomtak elem mondok kwarat wanuwakluk-nen lobok yigi-o.

YOANES 10:10 ပူးပေါင်းရင်းမြစ်များ

OSEA 7:1

Nagawan Indo-nen yosolar-e: ”An-nen-e pempa an nilirak Isarael nab-e ki rak onposolat, tuguruk nanduk-nen woragwi nggal ondolma rak onposolat kwareyekluk yosoma-t nde, an-nen yik kasoma-ge, it-nen lugudtak kwarugwi min meya kwarugwi min nak kasu-o. Ir-e it na it-net enmberam lagolat, yariya wanurak pem ap enma nak nggogolat, tula tula ereba na me-nen ap nak nden enperenak worali-o.

MATIUS 18:10

Nde, li marik yu misik na mondok kinsili kudtak pug-o. An-nen yak kendeyeg-o: Aid arem-nen it-nen idnak aid nap iri-ge pempa pempa an Neid aid arem woraso na erare yik karok worali-o. [

MATIUS 18:11

Iri bem-e, Ap Ambara na-ge pul yidnak nap inmiri yekluk lobok yij-o.]”

MATIUS 20:28

Iri nggal-et Ap Ambara lobok yid iri-ge ap yongga wuruwakluk lobok yigir-e lag-o. Are, ap yongga endeyekluk, ap kwarat onnggo posolat iminep wesel korayekluk-nen lobok yij-o” luk yij-o.

MATIUS 21:13

it yak ondosolar-e: ”Mbal Pem Nagawan engga mbarak pem-nen wene yu mbarak worasu-o: ’An nama iri imin-e tepan yugwi ma-o luk yuwa-o’ luk yij-et nde, kit-nen-e o ma yu-ge yariya wanugwi nap ondoro nggal tak pili-o” luk yak indij-o.

MATIUS 23:13

”Kenesiget siget kwarugwi nap kit imiri mbarak pidnak wene kenaru nap nde Parisi nap nde wa-e. O, kenabuwa-o! Kir-e ap enabuwok Mbal Pem Nagawan-nen tenagaidnak wi tumende nggela labuk yili-t nde, kit-nen nggugwi na lak, nde, nin nap-nen ngguwokluk yidnag-et nde, kit-nen tu nggela labuk yili-o. [

MARAKUS 11:17

Yak unduruk, Yesus-nen ap ereba na mul ondosolar-e: ”Mbal Pem Nagawan engga bem-e yu nggal mbarak worasu-o: Mbal Pem Nagawan-nen yosolar-e: ’An nuwi-ge ap pidsa enmanggim tepan yugwi ma-o luk yidnak worasu-o’ luk yij-et nde, ’kit-nen-e at uwi-ge yariya wanugwi nap ondoro nggal tak pili-o’ luk mul indij-o.

LUKAS 19:10

Nde, Ap Ambara an lobok yigi-ge, pul yidnak nap onkore yaga, inmiri yaga wok endeyekluk lobok yukmu-o” luk yij-o.

YOANES 10:1

Yak unduruk, Yesus-nen yosolar-e: ”An-e ndemeret yak kundusu-o. Lomba wam ngenwa woraso sa nggosolat tu ndanggi nggwe nggwigit lak, leget abare nggwe kwid tusu nab-e yariya wanoso min ap enarengge ndena wanoso nap-nen yusu-o.

YOANES 10:11

Lomba wam ombo konag-e an-net yusu-o. Nde, lomba wam ombo konak-nen-e at olomba enmanggim at na at-net iminep wisirik pusu-o.

YOANES 12:47

Nde, an-nen yidnak wene kulurug-et nde, kuruk tuwa nap ebem-e an-nen wene mbarimin pug-o. An-e ki nap enpem wene mbareyekluk lobok yigi-ge lag-o. Are, ki nap pidsa inmiri yekluk-nen lobok yigi-o.

YOANES 12:6

Iri yid iri-ge, insilobulo lak nap enabuwa-nen yij-e lag-o. Are, ar-e yariya wanoso alar-e, it ontol tena wolmomtak at inggem pidnak me, ereb-e at wanurak perasolat-nen yij-o.

YOANES 3:17

Nde, Mbal Pem Nagawan-nen-e at Ambara an nggweyak ma nibil mbuwagaij-e ki nap pidsa lak tak unpurak pem enpem wene mbaruwakluk nibil mbuwagit lag-o. Are, ki nap pidsa inmiri yaga wok unduwakluk nibil mbuwagaij-o.

YOANES 5:40

unlug-et wolmomtak elem wanuwokluk an neram lobok yurag-e kinsili yili-o.

YOANES 6:33

Nde, Mbal Pem Nagawan-nen wok ondoso mburu iri-ge aid arem-nen mbuwarik, ki nap pidsa unluk yaga wok undusu nap iri-ge Mbal Pem Nagawan umburu-nen yusu-o” luk yak indij-o.

YOANES 6:51

An-e aid arem-nen mbuwaidnak unluk yaga wok ondoso mburu-nen yusu-o. Nde, ap-nen mburu yu nujwa nab-e unlug-et pem-et woralik nalik ma-o. Nde, ki nap pidsa unlug-et wolmaklug-e, wok indimin mburu iri-ge an nebe nde yigi-o” luk yij-o.

OROMA 2:21

Nde, kit-nen-e nin nap mul indili-t nde, kit kondomog-o mul korali bug-a? Kit-nen nin nap nggomo ondogolar-e: ”Yariya wanurak pug-o” luk yak indili-t nde, kir-e yariya wanili bug-a?

1 TIMOTIUS 1:15

Wene yu-ge ndemeret wene-o luk mondok kwara yebet kudtak wene-o: Kerisut Yesus iri-ge meya yugwi nap inmiri yekluk-nen nggweyak ma yu me lobok yamu-o. Nde, meya yugwi nap ennggendumu-nen-e mondok meya nggulok kwaroso-ge an-ner-o.

IBERANI 6:17

Mbal Pem Nagawan indi-nen perasolar-e, at-nen urul yak indidnak iri na wanurak nap-nen-e at-nen urul pid iri-ge nden-e kujwa bug-o luk ndemeret enaru makluk-nen owak mbara urul pid irir-o.

IBERANI 7:25

Iri bem-e ap Yesus ebem-nen Mbal Pem Nagawan eram lobok yili nab-e pem-et woralik nalik makluk, at-nen-e it inmiri yaga wok undurag-e ndak-nen yusu-o. Iri yusu iri-ge ar-e urug-et pem-et woralik nalik woraso me, it enmanggim-e Mbal Pem Nagawan emengen mbaroso-o.

2 PETERUS 1:11

Iri kwarak woragola-ge, Nenagawan Indo Ninmiri Yoso Yesus Kerisut-nen tenagaidnak wi, pem-et woralik nalik wolmomtak wi iri me nggurak nap ndak tak kunpuwa-o.