YOANES 10:1 - Nanduk Ngget Tul Pidnak Wene

¹ Yak unduruk, Yesus-nen yosolar-e: ”An-e ndemeret yak kundusu-o. Lomba wam ngenwa woraso sa nggosolat tu ndanggi nggwe nggwigit lak, leget abare nggwe kwid tusu nab-e yariya wanoso min ap enarengge ndena wanoso nap-nen yusu-o.

YOANES 10:1 ပူးပေါင်းရင်းမြစ်များ

YEREMIA 14:15

It ondomok-nen an-nen yidnak nggal kwasa yogolar-e: ’O yu me-ge wim min nogoro min-e mbud ma bug-o’ luk yili iri-ge ndemeret an-nen yidnak pem yili-ge lag-o. Nagawan Indo an-nen wirik inpigit lak nap ereba kwat unpurak perak nde Yeremia kat yak kereyeg-o. An-nen it ondosolar-e, wim pem-nen na, nogoro bem-nen na lak tak inpimin-o.

YEREMIA 23:21

Nagawan Indo-nen yosolar-e ”Ennesiget an nene lomboksa yugwi nap ereba-ge an-nen-e wirik inpigit lag-et nde, ir-e yil mborogolat nak worali-o. An nene it enpem pigit lag-et nde, it-nen-e: ’At unu bem yak kindili-o’ luk yili-o.

YEREMIA 23:32

Ennesiget an nene lomboksa yugwi nap nggal kwatluk, ennesiget wene kobong tak nabi kaidnak ereba na ap yak indili nab-e Nagawan Indo an-nen inmin wim mbarimin-o. Ir-e ennesiget amburu lebarogolar-e, an nilirag-e kabak tak inpili-o. It iri-ge an-nen-e wirik inpigit lag-o. It iri-ge an nilirak kwat yurag-e mondok ebe lak mende-nen yusu-o. Nagawan Indo an-net yusu-o” luk yij-o.

YOEL 2:9

Nde, it-nen o silmu-t enpem mbud yil nggogolar-e, pak leget abandok nggogolat, it-nen o ma nggogolar-e, yariya wanugwi nap-nen kwarugwi nggal papalo tumende nggwe-t nggwili-o.

MATIUS 7:15

”Enesiget wene owak ngara yugwi nap iri enabiyem-o luk kwil kwalsa wolmer-o. It iri na kit kendamlobok yogolar-e, enpage-ge lomba wam abage nggal lobok yuwa-t nde, it enarem-e ndemeret isilepma worak ndakngge-net yili-o.

YOANES 10:7

Iri ala, Yesus-nen tuguruk it yak ondosolar-e: ”An-e ndemeret yak kundusu-o. Lomba wam uru mende-ge an-net yusu-o.

YOANES 3:3

Yosoloma-ge, Yesus-nen at yak tosolar-e: ”An-e ndemeret yak kurusu-o. Mberen pem ndet ibigit lak nab-e Mbal Pem Nagawan-nen tenagaidnak wi-ge erengen kujwa bug-o” luk yij-o.

OROMA 10:15

Nde, ap nde wirik inpigit lak ma-ge, nggesa-nen aid wene yak undurag-o? Mbal Pem Nagawan engga mbarak pem-nen yosolar-e: ”Aid wene waruk mbitli nap iri-ge mondok konak lombog-o” luk yij-o.

OROMA 16:18

Iri nggal kwarugwi nab-e Nenagawan Indo Kerisut na ndegel ibili-ge lag-o. Are, it ondomok ukwe mende na lesa wanuwokluk-nen yili-o. Nde, iri kwarogolar-e, enaru buk woragwi nap na onmbol pem lagolat, enne amburu bem inndi wanili-o.

TITUS 1:11

Ap iri nggal yugwi iri-ge mondok enmende nggulurag-o. It-nen mul undugwi yugwi buk wene iri bem-nen-e ap kwarat onkwe la ndomok inmin nari wari rak inpili-o. Nde, it iri kwarugwi iri-ge uwang lesa terak mena wanurak pem-nen iri yili-o.

IBERANI 5:4

Nde, ap misik-nen-e an-e tepan ombo nggulok teyeg-o luk ondomok indi-n pidnak pem men yoso bug-o. Are, Mbal Pem Nagawan-nen Arun na wene mbo bid nggal, Mbal Pem Nagawan-nen wene mbo onposola nak-nen tepan ombo nggulok kwat yugwi-o.

1 PETERUS 1:10

Kit kinmiri yurak wene iri-ge Mbal Pem Nagawan ene lomboksa yugwi nap-nen-e wene na kwara mbenarogolat, kore yogolar-e: ”Mbal Pem Nagawan-nen we wok ondoso elem wok kunduwa-o” luk urul pogolat woraiga-o.

2 PETERUS 2:1

Nandug-e enesiget Mbal Pem Nagawan ene lomboksa yugwi nab-e Mbal Pem Nagawan elem nap ennggenggerak men yiga nggal, iri nggal-et enesiget siget mul undugwi nab-e kit kennggenggerak na men ma-o. Men yogolar-e, ap lak tak unpurak wene owak min enesiget wene owak min pil ngguwagolar-e, it weserak enpeyekluk wat yid nap amawi worak iri na imin-e: ”Nenaru bug-o” luk yuwa-o. Iri nggal kwarogolar-e, it ndaget lak tak unpurak enambikpebe enare pili-o.

2 PETERUS 2:3

Ukwe akwe bem mbarak purak puk iri na bem-e enesiget siget ap mul undugwi nap-nen kenarengge luruwokluk, it inndi-nen mbilidnak wene yak kunduwa-o. Alat nde, it enpem wene mbarurak iri-ge obi-net lud tak pidnak worasu-o. Nde, it lak tak unpurak iri-ge mondok larok yuwa bug-o.

1 YOANES 4:1

Nanggamirak kenabuwa worak wa-e. ”Konak Indi-ge nit nenarem worasu-o” luk yugwi nap pidsa enpem kinndi angin tubu yurak pug-o. Enesiget Mbal Pem Nagawan ene lomboksa yugwi nap kwarar-e yi wi ndi wi waring kali me, it enpem worasu indi-ge Mbal Pem Nagawan eram-nen lobok yid, lak? luk, kwara lombot purag-o.