YOANES 1:9 - Nanduk Ngget Tul Pidnak Wene

⁹ Nde, ndemeret yaya na-ge nggweyak ma yu me mbuwasolar-e, ap pidsa yaya rak unpusu-o.

YOANES 1:9 ပူးပေါင်းရင်းမြစ်များ

YESAYA 49:6

Nagawan Indo-nen an yak norosolar-e: ”Ndegel noboso nap wa-e. Yabu mondok nggok terak minik lombog-e kat-nen wanurak worasu-o. Kat-nen wanurak yabu-ge Yakup-nen wigarak erep minggirik ereba kek tak woraiga ereba na tuguruk kek tak onposolat, enma inpil mborosolat kwarurak iri nak worasu-ge lag-o. Alat nde, yi wi ndi wi oboksa-nen inmiri yuwakluk, an-nen kar-e ap enlem oboksa ennggendumu yaya rak kibimin-o” luk yij-o.

YESAYA 8:20

Yogola, kat-nen it yak ondosolar-e: ”Nagawan Indo-nen yidnak yu kwara koler-o! Ap nde Nagawan Indo-nen yidnak wene iri na ndak ndak nde yigit lak yuwa nab-e abog-e wolma bug-o” luk yak indi-o.

MATIUS 6:23

Alat nde, kenlengen nde unggul-nen-e, kenpe ebis-et na ndamug-et ma-o. Nde, kenarem worasu yaya iri na ndamuk-nen-e mondok ndamuk lombok irit ma-o.”

LUKAS 11:36

Nde, kit kenpe-ge ndamuk mondok lak, pidsa yaya rak kinpidnak ala-ge, kenpe pidsa-ge tal eyaya nggal eyaya worak-nen yili-o” luk yij-o.

YOANES 1:4

Wene iri-ge unlug-et wolmomtak elem-nen yusu-o. Nde, unlug-et wolmomtak elem iri-nen oboksa yaya rak inpij-o.

YOANES 1:7

At iri lobok yid iri-ge yaya wene iri na ap yak ondosola, iri na bem ap pidsa inndi angin tubu yuwakluk lobok yij-o.

YOANES 12:46

Nde, an nebem inndi angin tubu yuwa nap-nen-e ndamuk pem wolma naru, an-e nggweyak ma yu me yaya nggal-et lobok yigi-o.

YOANES 14:6

Yak tosoloma-ge, Yesus-nen at yak tosolar-e: ”An-e Mbal Pem Nagawan enaru yugwi tula min ndemeret wene min unlug-et wolmomtak elem min-nen yusu-o. An nebem nggwe mbirigit lak-nen-e ap misiger-o luk tet an Neid eram wok momtag-e meya-o.

YOANES 15:1

Yuruk, Yesus-nen yosolar-e: ”Ndemeret e elem-e an-net yusu-o. Nde, yabu ombo-ge an Neid-net yusu-o.

YOANES 6:32

Yogolikma-ge, Yesus-nen it yak ondosolar-e: ”An-e ndemeret yak kundusu-o. Aid arem-nen mbuwaidnak ndemeret mburu iri-ge Musa-nen-e mak kindigit lag-o. Iri-ge an Neid-net mak kundusu-o.

YOANES 7:12

Yogolikma-ge, ap kwarat ereba na-nen Yesus obok tapsa yak kerak mbogolar-e, it erep-nen yogolar-e: ”At iri-ge konak nab-o” yogolat, nde, it erep-nen yogolar-e: ”Lag-o. At iri-ge ap inndi kabak tak poso-nen yusu-o” luk yiga-o.

1 YOANES 1:8

Nit-nen nde: ”Nit meya yugwi bug-o” luk yogolar-e, nenambikpebe nonmbol pem lali-o. Nde, ndemeret wene-ge nit nenarem-e mondok lag-o.

1 YOANES 2:8

Iri nde, mbal kundusu wene yu-ge imiri mbarak pidnak wene ngget-nen yusu-o. Wene ngget yu-ge Kerisut ebem-nen na, kit kenpem-nen na, yu-ge ndemeret wene-nen yusu-o luk yenggerak pili-o. Ndamuk na lak yosolat, ndemeret yaya-ge yaya rak pusu-o.

1 YOANES 5:20

Nir-e ndemeret Mbal Pem Nagawan na nenaru maklug-e, Mbal Pem Nagawan Ambara na lobok yarik, nit ninndi pindong tak pij-o luk nenaru yili-o. At Ambara Yesus Kerisut ebem-nen nir-e ndemeret Mbal Pem Nagawan na imin kundik worali-o. Nde, at yu-ge ndemeret Mbal Pem Nagawan urug-et woralik nalik yoso-nen yusu-o.