YOANES 1:45 - Nanduk Ngget Tul Pidnak Wene

⁴⁵ Nde, Pilipus na-nen Natanael ogore yil mberarik, kasoluk-nen yak tosolar-e: ”At lobok yurak urul-e Musa-nen imiri mbarak pidnak wene engga bem mbarosolat, Mbal Pem Nagawan ene lomboksa yugwi nap-nen na mbarogolat yiga nap iri na-ge kaige-o. At iri-ge Yusup ambara Nasaret nap Yesus-nen yusu-o” luk yak tij-o.

YOANES 1:45 ပူးပေါင်းရင်းမြစ်များ

NDAK WIRIDNAK WENE 22:18

Kar-e an-nen: ’Irit kwari-o’ yigi iri na ndak ndag-et kwarigenma me, yi nap ndi nap ap enlem oboksa-nen an-nen kat-nen wigarak inmbiringgat tak pigi nggal, imbiringgat tak unpuwakluk an nemengen mbaruwa-o” luk owak mbarij-o.

NDAK WIRIDNAK WENE 3:15

Kat min kwe iri min-e kuri worak woragolat, at-nen wigarak min kat-nen wigarak min-e pempa wim mbarak woragolat, at-nen wigarak-nen kat kanggulwak tugud tak posola-ge, kat-nen-e it unuwok nggut yilik pugun-o” yak tij-o.

NDAK WIRIDNAK WENE 49:10

Yewura-ge nagawan-nen tena woragwi wangun tena wolma-o. At-nen wigarak-nen o tena woralar-e, pem-et woralik nalik irit wolma-o. Worala-ge, yi ap ndi ap oboksa-nen-e ar-e ombol nggwe yidnak pem tol eram pogolat, at indipma nak tebe rak wolma-o.

YESAYA 53:2

Nagawan Indo indi-n perasolar-e, at ndegel oboso nab-e e isit nggal nggweyak amburu lak pem tanggal momtak perasu-o. Nit-nen nenlengen mberensa yik kudtak at ebem konak mbi woragit lag-o. Ninndi at ebem puwakluk, inndi wanoso mende mbi at ebem woragit lag-o.

YESAYA 7:14

Yawo-ge Nagawan Indo ondomok-nen kit-nen yenggerak purak mirik Konposolar-e: kwe ndugum abila misik-nen liap misik ndaguruk, unu-ge Imanuel yaruwa-o.

YESAYA 9:6

Nit nenmanggim liap misik ndesa mbij-o. Ambara misik wok nindij-o. Ar-e nit tena nunpuruk woraso nap kwat ma-o. Nde, at unu yogolar-e: ”Nggomo Ondoso Nap Indi Nggat Nggat Worak”, ”Amawi Worak Mbal Pem Nagawan”, ”Nineid Pem Woraso”, ”Lambuk tak Onposo Nagawan” luk yuwa-o.

MIKA 5:2

Iri kwarak me, Nagawan Indo-nen-e at ilirag-e keya nak unpuwama, it unuwim nap-nen tebel unpuruk irit worakmu, amawi worak nap iri na ija kwat mag-o luk lenak pidnak iri na-nen-e amawi worak nap iri na ndet ubuwama, at elem nap mbo inpidnak sa worali ereba na-ge it enlem ereba na inmin tuguruk misiget tak unpuwa-o.

SAKARIA 9:9

Sion woragwi nap wa-e. Kenalin kenalen mber-o! Yerusalem woragwi nap wa-e. Kenalen-nen kinni kenne mber-o! Yik ker-o! Kit-nen idnak nagawan-e ombol nggwe luk lobok yusu-o! At iri-ge mot mot nak kwaroso nagawan inmiri yoso elem waruk lobok yusu-o. Alat nde, ar-e indi teberak pem-et wok yosolar-e, kelerai awo mendaso mbi ebem koreluk lobok yusu-o.

MATIUS 10:3

Pilipus min, Mbatolomeus min, Tomas min, pemerinta enmanggim tol ndok woroso nap Matius min, Alpius ambara Yakobus min, Tarius min,

MATIUS 13:55

At yu-ge o woroso nap ambara-t nde, at ija unu-ge Maria-t nde, at owottag-e Yakobus min Yusup min Simon min Yuras min yu-t nde,

MATIUS 2:23

o unu Nasaret iri me woragaij-o. Iri me woragaid iri-ge Mbal Pem Nagawan ene lomboksa yugwi nap-nen yogolat, ”At iri-ge Nasaret nab-o luk yuwa-o” luk yiga na ndak tak posolat-nen woragaij-o.

MATIUS 21:11

ap mondok kwarat iri-nen wene erep nggarogolar-e: ”At yu-ge Mbal Pem Nagawan ene lomboksa yoso nap Yesus, Nggalilea wi o Nasaret woraso nap-nen yusu-o” luk yiga-o.

MARAKUS 14:67

Lobok yarik, Peterus na kan tonggosoma karuk, at erare kwara limbit lombot karuk-nen yak tosolar-e: ”Kat na Nasaret nap Yesus imin totno woraso nar-o” luk yij-o.

MARAKUS 6:3

At yu-ge o woroso nap, Maria ambara, Yakobus min Yoses min Yuras min Simon min onowe, at owosirak li kwami na nit ninmin worali iri-ge lak kaigeb-a?” yogolug-e, Yesus na insili rak piga-o.

LUKAS 18:37

Yosoloma-ge, ap-nen yak togolar-e: ”O Nasaret nap Yesus na mburusu-o” luk yak tiga-o.

LUKAS 2:4

Nde, Yusup na-ge Ndaud-nen wigarak me, Nggalilea nggweyak pem o Nasaret iri me-nen Yurea nggweyak pem o unu-ge Mbetleyem, nagawan Ndaud ndesa mbidnak sa iri me-t mbirij-o.

LUKAS 2:48

Iri kwarosola karuk, at eid ija na wi lug-e, at ija-nen yak tosolar-e: ”Nambara wa-e. Kar-e noluk-nen yu nggal kwat ninpigen-o? Kat kombo nenmbereg-e kogore yogolat, pabok pil waring kaige-o” luk yak tij-o.

LUKAS 24:27

Yurug-e, Mbal Pem Nagawan engga bem-nen at kwat uburak obok mbaridnak pidsa-ge Musa-nen mbaridnak wene na bem tel korarik, yak indil indil Mbal Pem Nagawan ene lomboksa yugwi nap oboksa-nen mbaridnak wene bem pil mborosolar-e, ”Iri nggal yosolat-nen yidnag-e” luk mul indil indil mbirij-o.

LUKAS 24:44

Iri luk, at-nen it yak ondosolar-e: ”Nanduk an-e kit kinmin woralat-nen yak kindigi wene-ge yur-o. An kwat nuburak mbaridnak wene-ge Musa-nen imiri mbarak pidnak wene bem mbaridnak engga bem-nen na irit, Mbal Pem Nagawan ene lomboksa yugwi nap-nen mbaridnak engga bem-nen na irit, Ndawi Engga bem-nen mbaridnak na irit, mbarak worasu iri na ndak ndag-et mondok kwat nubuwa-o luk yak kindigi nar-o” luk yak indij-o.

LUKAS 3:23

Yesus na-ge ndesa mburuk, olengen tiga pulu nggal woraruk pem-e, at eyabu tel korosola-ge, ap-nen at eberagolar-e: ”At yu-ge Yusup ambara-nen yusu-o” luk eberaiga-o. Nde, Yusup na-ge Eli ambara,

LUKAS 4:22

Yak ondosoloma-ge, it oboksa-nen-e at erembel wanogolat, at-nen yidnak wene-ge konak nak ala, wi langgu mbarogolat-nen yogolar-e: ”At yu-ge Yusup ambara-ge lag-a?” luk yiga-o.

YOANES 1:44

Nde, Pilipus na-ge Andereas min Peterus min enma Mbetsaira nab-er-o.

YOANES 12:21

It-nen-e o Nggalilea o siri Mbetsaira nap Pilipus na eram lobok yigarik-nen at yak togolar-e: ”La yu-ge wa-e. Nir-e Yesus kujwokluk lobok yige-o” luk yak tiga-o.

YOANES 14:8

Yosoloma-ge, Pilipus-nen Yesus yak tosolar-e: ”Nagawan Indo wa-e. Ninndi yamuksa wolmok-nen kat Keid iri-ge mirik ninpi-o” luk yij-o.

YOANES 18:5

it-nen yogolar-e: ”Nasaret nap Yesus na-t ogore yili-o” luk yiga-o. Yogolikma-ge, Yesus-nen yosolar-e: ”Iri-ge an yur-o” luk yij-o. Nde, at iminep wisirid nap Yuras na it ennggenggerak mendak woragaij-o.

YOANES 18:7

Alama-ge, Yesus-nen tuguruk it kin wok onposolar-e: ”Kir-e ta ogore yili-o?” luk yosoloma-ge, it-nen yogolar-e: ”Nasaret nap Yesus na-t ogore yili-o” luk yiga-o.

YOANES 19:19

Iri ala-ge, Pilatus na-nen engga mbara e lang pang tak eraret pem posolar-e: ”Yu-ge Nasaret nap Yesus, Yawuri nap nagawan-nen yusu-o” luk mbara pij-o.

YOANES 21:2

Misik tarem-e Simon Peterus min Tomas na unu misig-e Kambara Nderak na min Nggalilea nggweyak pem o Kana nap Natanael na min Sebendeus ilirak na min Yesus owosirak mberen mbi min-e lambuksa ndok worak woraiga-o.

YOANES 6:42

yogolar-e: ”Abuga! At yu-ge eid min ija min na nir-e nenaru Yusup ambara Yesus na-t nde, nggerak puruk-nen ’An-e aid arem-nen mbuwagi-o’ luk yusu kali?” luk yiga-o.

YOANES 6:5

Alama-ge, Yesus na erengen lumbunuruk, ap kwarat iri na at eram lobok yogola karug-e, at-nen Pilipus na yak tosolar-e: ”Ap kwarat yu pidsa-nen norak mburu-ge ngge me-nen onggo pul-o?” luk yak tij-o.

YOANES 6:7

Yak tosoloma-ge, Pilipus-nen yosolar-e: ”Ap kwarat me, uwang-e seratus dua pulu lima ribu rupia (Rp. 125,000) nggal pem-nen mburu onggo pidnag-et nde, marig-et marig-et nonggolat-nen ndak ma-ge lag-o” luk yij-o.

YIDNAK YIDNAK WENE 10:38

Nde, Mbal Pem Nagawan-nen Yesus Nasaret nap na ebem-e Konak Indi min amawi min kilik pidnak wene-ge kenaru nar-o. Mbal Pem Nagawan-e at imin woralat me, at waring kasolar-e, konak nak kwarosolat, Sere-nen yemen inpidnak nap oboksa ki rak inpil waring kagaij-o.

YIDNAK YIDNAK WENE 2:22

Kit Isarael nap wa-e. Wene yu koler-o. Nasaret nap na-ge Mbal Pem Nagawan-nen at mirik konposolar-e, kwiye worak mende min wi yurak mende min yenggerak purak mende min-e Mbal Pem Nagawan-e Yesus arem woralat-nen kit kennggendumu-nen irit kwarosolat woragaid na-ge kir-e kenaru irir-o.

YIDNAK YIDNAK WENE 22:8

Kulurug-e, an-nen kin wanosolar-e: ’Nagawan Indo wa-e. Kar-e ta-nen yusu-o?’ luk kin wanosoma-ge, at-nen yak norosolar-e: ’An-e Nasaret nap Yesus, kat-nen lel mberel noboso nap-nen yusu-o’ luk yij-o.

YIDNAK YIDNAK WENE 26:9

Nandug-e an-net an nindi-nen perasolar-e: ’Yesus Nasaret nap unu iri imin-e an-e mondok sirid mbarak woramin-o’ luk perasolat woragi-o.

YIDNAK YIDNAK WENE 3:6

Peterus-nen yak tosolar-e: ”Posid tol emas min perak min an neram-e lag-o. Alat nde, an neram worasu mende nde wok kirimin-o. Yesus Kerisut Nasaret nap unu bem menluk mbiri-o” luk yak tij-o.