YOANES 1:38 - Nanduk Ngget Tul Pidnak Wene

³⁸ Imbirik mborogola, Yesus na nden kaga yik eneyasolat-nen kin wok onposolar-e: ”Li yu-ge wa-e. Kir-e no kore yil lobok yili-o?” luk yosoloma-ge, it-nen yogolar-e: ”Rabi wa-e. Kar-e ngge me woraso-o?” luk yiga-o. (Nde, Rabi iri-ge Mul Ondoso Nab-o yogolar-o).

YOANES 1:38 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 10:8

Kat kogwerag-e enalen worak worali-o! Kat keyabu wanugwi nab-e pempa ndegel keberenak woragolat, kat-nen idnak kindi nggat nggat elem iri bem-nen kat-nen wirik pusu wene iri enlengen-nen kali bem-e mondok konak lombok-nen yusu-o!

NDAWI ENGGA 27:4

An-nen nindi perasu-ge misiget yu nak Nagawan Indo ebem nggi yusu-o. Misiget ukwe yusu-ge yu nag-o: Nagawan Indo-nen konak nak kwat noboso elem iri na-ge an nerengen-nen kasolat, ndemel nuburuk noso elem nggi yosolat yurak pem an woralar-e, kat kama nak wolmomtak irit ukwe-o.

NGGOMO WENE 13:20

Ap-nen nde ap inndi nggat nggat worak nap inmin are kondogola-ge, it na inndi nggat nggat worag-et ma-o. Alat nde, ap wid ereba na inmin are kundili nab-e enare buwa-o.

NGGOMO WENE 3:18

Inndi nggat nggat elem iri na puksa tena wolma nab-e ndemeret unluk enalen pem konak irit wolma-o.

NGGOMO WENE 8:34

An-nen nggomo undusu wene kologolat, pempa an nuwi tumende bem koreyak woragolat, an woraso sa pak tumende bem yik karok worali nab-e enalen kagolat wolmag-o.

LUKAS 10:39

Kwe na owot unu-ge Maria. Nde, Maria iri-ge Nagawan Indo eram kore luk, at-nen mul undusu wene iri na kolak woragaij-o.

LUKAS 14:25

Ap mondok kwarat-nen Yesus imin waring kaiga-o. Iri ala, at na nden kaga yik eneyasolat-nen it yak ondosolar-e:

LUKAS 15:20

Iri yebet karuk, la na at eid eram mbirij-o. Mborosola-ge, eid na-nen erepma ereba-nen yik karug-e, abuwa kwarat karuk, puburak mborosolar-e, ambara na urusu ngonok turuk, wa yak tij-o.

LUKAS 19:5

Lagarik worasoma-ge, Yesus na e iri na erem pem wok yosolar-e, teram lik karuk-nen Sakius na yak tosolar-e: ”Sakius wa-e. Yawo-ge kat kama nggwimin me, kar-e ndag-et nak mbuwasug-o” luk yak tij-o.

LUKAS 22:61

Yosoloma-ge, Nagawan Indo na nden karuk, Peterus na yik kasoloma-ge, Peterus na-ge Nagawan Indo-nen at yak tosolar-e: ”Yawo o nda yigit lak ma, towe wam kusi ene yigit lak ma-net kenan tarem an nimin-e: ’Ap iri-ge an-e naru bug-o’ yugun-o” luk yak tid iri na indi yebet kagaij-o.

LUKAS 8:38

Mborosola-ge, arem-nen kugi wirik pidnak nap na-nen Yesus emengen mbarosolar-e: ”Nab-o. Totno mburuwog-o” luk yij-et nde. Yesus-nen at wirik obosolat-nen yak tosolar-e:

YOANES 1:37

Yosoloma-ge, at owosirak mberen na-ge wene na kuluruk yigarig-e, Yesus imbirik mbiriga-o.

YOANES 1:39

Yogolikma-ge, Yesus-nen yak ondosolar-e: ”Kil mburuwog-o” luk yak ondosoloma-ge, at imin mbirigarik, at woraso sa karuk, at imin-et woraiga-o. Nde, iri tarem-e o keyama nggwe jam empat nggal-o.

YOANES 1:49

Yak tosoloma-ge, Natanael-nen at yak tosolar-e: ”Mul Ondoso Nap wa-e. Kar-e Mbal Pem Nagawan ambara-t keyagi-o! Isarael nap ennggendumu nagawan-e kar-er-o!” luk yij-o.

YOANES 12:21

It-nen-e o Nggalilea o siri Mbetsaira nap Pilipus na eram lobok yigarik-nen at yak togolar-e: ”La yu-ge wa-e. Nir-e Yesus kujwokluk lobok yige-o” luk yak tiga-o.

YOANES 18:4

Lobok yogolikma-ge, Yesus na at kwat uburak pidsa aru me, it endam panggo lasolat-nen yak ondosolar-e: ”Kir-e ta ogore yili-o?” luk yosoloma-ge,

YOANES 18:7

Alama-ge, Yesus-nen tuguruk it kin wok onposolar-e: ”Kir-e ta ogore yili-o?” luk yosoloma-ge, it-nen yogolar-e: ”Nasaret nap Yesus na-t ogore yili-o” luk yiga-o.

YOANES 3:2

Misik tarem kubu nggwe-ge at na-ge Yesus eram mberarik, at yak tosolar-e: ”Mul Ondoso Nap wa-e. Kar-e Mbal Pem Nagawan-nen kibil lobok yidnak-nen yusu-o luk nir-e nenaru-o. Mbal Pem Nagawan nde inmin woragit lak-nen-e kat-nen kwiye worak mende kwarusu yu nggal-e ap misiger-o luk tet-nen kwarurag-e meya-o” luk yij-o.

YOANES 3:26

Alama-ge, ir-e Yoanes eram mbirigarik, at yak togolar-e: ”Mul Ondoso Nap wa-e. Yi Yorodan eyak ele bem kimin woragaid nap, kat-nen mirik ninpigen nap iri na kar-e yeberak worasu, lak? Nde, ap iri na-ge yawo ap yi ma onposola, ap pidsa-nen at eram mbitli-o” luk yiga-o.

YOANES 4:31

Nde, ap ereba na Yesus eram lobok yogola-ge, at owosirak-nen Yesus yak togolar-e: ”Mul Ondoso Nap wa-e. Mburu yu min-o!” luk yak tiga-t nde,

YOANES 6:25

Ogore yi koma eyak ele bem ndil ligarig-e, ap ereba na-nen Yesus karuk, at yak togolar-e: ”Mul Ondoso Nap wa-e. Kar-e mepme tarem-nen yu me lobok yigendig-o?” luk yak tiga-o.

YIDNAK YIDNAK WENE 10:21

Yak tosoloma-ge, Peterus na it endam mburuk-nen yak ondosolar-e: ”Nogore yili-ge an-ner-o. No wil lobok yigeb-o?” luk yak indij-o.

YIDNAK YIDNAK WENE 10:29

Iri bem-nen an yonggo nobogola, nindi angin lag-et lobok yigi-o. Nde, kir-e noluk-nen yonggo nibigeb-o?” luk kin wok inpij-o.

URUT 1:16

Alat nde, Urut-nen onggo yosolar-e: ”Nembab-o. Kat keya kuburuk mburuwakluk ’Mbiri-o’ yak nurusu-ge meyog-o. Nembap kat kimin-et mbirimin-o. Nembap kat mburugun sa an na iri me-t mbirimin-o. Kat woragun sa na an na iri me-t woramin-o. Nembap kerem nap ereba-ge an nerem nap-net ma-o. Kat-nen erembel wanoso Kembal Pem Nagawan iri na an-nen na erembel-et wanimin-o.