YOANES 1:34 - Nanduk Ngget Tul Pidnak Wene

³⁴ Nde, an nerengen karuk-nen yak kundusu-o. At yu-ge Mbal Pem Nagawan Ambara-net yusu-o” luk yij-o.

YOANES 1:34 ပူးပေါင်းရင်းမြစ်များ

NDAWI ENGGA 2:7

Nagawan-nen yosolar-e: ”Nagawan Indo-nen ’Irit kwaruwa-o’ luk yidnak wene-ge an-nen yimin-o. At-nen an yak norosolar-e: ’Kar-e an Nambara-o. Yawo-net kat keid kwat yusu-o.

MATIUS 11:27

An Neid-nen-e yi mende ndi mende oboksa-ge an ninggem-et pij-o. Eid arig-et nak-nen Ambara aru yusu-o. Nde, Ambara an-nen na irit, Ambara an-nen: ’Neid iri enaru mag-o’ luk eberamin nap-nen na irit, Eid na enaru yili-o.

MATIUS 16:16

Yosoloma-ge, at Simon Peterus-nen wene erep nggarosolar-e: ”kar-e Kerisut, uruk nak woraso Mbal Pem Nagawan Ambara-nen yusu-o” luk yij-o.

MATIUS 17:5

Nde, Peterus-nen wene iri yosoma ereya na-net yaya worak nggan nggan iri arem-nen ene mbi-nen yosolar-e: ”At yu-ge an Nambara abuwa worak-nen yusu-o. At ebem-e an nalen kasu-o. At ene nak koler-o!” luk yij-o.

MATIUS 26:63

Alat nde, Yesus na-ge ene lak nak woragaij-o. Iri ala-ge, tepan ombo nggulok na-nen tuguruk at yak tosolar-e: ”Uruk nak woraso Mbal Pem Nagawan unu bem owak mbara yak nindi-o: Kar-e Mbal Pem Nagawan Ambara Kerisut-nen yusu, lak, lag-a?” luk yak tosoloma-ge,

MATIUS 27:40

at yak togolar-e: ”Kat-nen-e Mbal Pem Nagawan uwi iri-ge mijat luk, kenan tarem wirimin-o luk yigen-a? Nde, kar-e ndemeret Mbal Pem Nagawan Ambara nde ala-ge, kondomok kimiri yosolar-e, e lang pang tak pem-nen mbuwasug-o!” luk yak tiga-o.

MATIUS 27:43

At indi-ge Mbal Pem Nagawan ebem mbung mbung tak worasolat-nen yosolar-e: ’An-e Mbal Pem Nagawan Ambara-net yusu-o’ luk yoso ala-ge, Mbal Pem Nagawan-nen at indingen nde ala-ge, yawo-t at imiri yuwag-o” luk yiga-o.

MATIUS 27:54

Nde, san ombo wari min at imin woragwi san ombo ereba na min-e Yesus na yik karok worakmu-ge, o lele yosolat kwaridnak mende oboksa karug-e, ir-e kwiye mondok kwarat luk-nen yogolar-e: ”Ap yu-ge ndemeret Mbal Pem Nagawan Ambara-net yusu-o” luk yiga-o.

MATIUS 3:17

Iri lug-e, ene misik aid arem-nen pil mbuwasolat-nen yosolar-e: ”Yu-ge an Nambara nindi kundik-nen yusu-o. At ebem an nalen kwarat yusu-o” luk yosola, kuliga-o.

MATIUS 4:3

Wok yarik worasoma-ge, Sere na at eram wok yarik-nen yak tosolar-e: ”Kar-e Mbal Pem Nagawan Ambara nde ala-ge, kerep yeba-ge mburu kwat min-o luk yak ti-o” luk yij-o.

MATIUS 4:6

at yak tosolar-e: ”Kar-e Mbal Pem Nagawan Ambara nde ala-ge, kud mboksa nggweyak ma mbi-o. Nde, Mbal Pem Nagawan Engga mbarak pem-nen yosolar-e: ’Mbal Pem Nagawan-nen-e at-nen idnak nap inpil lobok yuwama, kimiri yogolar-e, kat kijog-e kerep pem pijaksa mbugun naru, it ininggi mok pem tak kubuwa-o’ luk yij-o”.

MATIUS 8:29

It enmberek enne nggulok pem-nen yogolar-e: ”Mbal Pem Nagawan Ambara wa-e. Kar-e nit ninmin-e no kwareyeklug-o? Nenpem wene mbarurak tarem awo worala kagit, andi bandi rak nenpeyekluk lobok yusu-a?” luk yiga-o.

MARAKUS 1:1

Mbal Pem Nagawan Ambara Yesus Kerisut owene konak wene-ge yu-o.

MARAKUS 1:11

Iri lug-e, aid arem-nen ene pil mbuwasolar-e: ”Kar-e an Nambara nindi kundik-nen yusu-o. Kat kebem an nalen kasu-o” luk yij-o.

LUKAS 1:35

Yosoloma-ge, aid nap-nen wene erep nggarosolar-e: ”Konak Indi-ge kat kebem lobok yosolar-e, Mbal Pem Nagawan amawi-ge kat kebem mbuma-o. Iri bem-e la ndakun iri imin-e: ’Mbal Pem Nagawan Ambara len ibidnak-nen yusu-o’ luk yuwa-o.

LUKAS 3:22

Konak Indi-ge towe nggwende nggal luk, at ebem mbuwagaij-o. Nde, aid arem-nen ene pil mbuwasolar-e: ”Kar-e an nambara nindi kundik-nen yusu-o. Kar-e an nindi alen tak pusu-o” luk yij-o.

YOANES 1:18

Ap misiget ter-o luk Mbal Pem Nagawan iri-ge kagwi bug-o. Nde, at Ambara misiget nderak Eid imin ndak ndak woraso, pempa Eid imin woraso iri nak-nen Eid Mbal Pem Nagawan na-ge nit nennggarem nam tak pij-o.

YOANES 1:49

Yak tosoloma-ge, Natanael-nen at yak tosolar-e: ”Mul Ondoso Nap wa-e. Kar-e Mbal Pem Nagawan ambara-t keyagi-o! Isarael nap ennggendumu nagawan-e kar-er-o!” luk yij-o.

YOANES 10:30

An min Neid min-e misiget nak-nen yusu-o” luk yak indij-o.

YOANES 10:36

Neid-nen len nuburuk wirik nibil lobok yidnak nab-et nde, an-nen-e: ’An-e Mbal Pem Nagawan Ambara-o’ luk yusu iri bem kit noluk-nen: ’Mbal Pem Nagawan obok poso nab-o’ luk yak nitli-o?

YOANES 11:27

Yak tosoloma-ge, kwe na-nen at yak tosolar-e: ”Eyo, Nagawan Indo wa-e. Kar-e ’Abok-nen lobok yuwa-o’ yugwi nap Mesias, Mbal Pem Nagawan Ambara-nen yusu-o luk nindi angin tubu yusu-o” luk yij-o.

YOANES 19:7

Yosoloma-ge, Yawuri nap-nen at yak togolar-e: ”At iri-nen-e: ’An-e Mbal Pem Nagawan Ambara-o’ luk yoso me, nit-nen idnak imiri mbarak pidnak wene-nen-e: ’Iri yoso nab-e wururag-er-o’ luk yidnak ala-nen nir-e wururak wene yili-o” luk yiga-o.

YOANES 20:28

Yak tosoloma-ge, Tomas-nen at yak tosolar-e: ”Kar-e an-nen idnak Nagawan Indo min an Nembal Pem Nagawan min-nen yusu-o!” luk yak tij-o.

YOANES 20:31

Alat nde, engga yu arem worasu yeba mbarak yu-ge, kit-nen-e Yesus-e Mbal Pem Nagawan ambara Mesias-nen yusu-o luk kinndi-ge at ebem angin tubu yogolat, kinndi angin tubu luk, at unu bem kunlug-et worabokluk-nen mbaridnag-o.

YOANES 6:69

Mbal Pem Nagawan eram-nen lobok yidnak konak nab-e kat-net yusu-o nenaru luk, kat kebem ninndi angin tubu yili-o” luk yak tij-o.

OROMA 1:4

Nde, at indi-ge lenak Mbal Pem Nagawan irit woralat me, wat yidnak ennggendumu-nen uruk tak pidnak iri bem-nen-e: Iri-ge Mbal Pem Nagawan Ambara amawi ambik-nen yusu-o luk nam tak pij-o.

2 KORINTUS 1:19

Nde, Mbal Pem Nagawan Ambara Yesus Kerisut na owene kit kennggendumu-ge Silwanus-nen na, Timotius-nen na, an-nen na yak kindi-ge owene iri-ge ”Ob-o, Lag-o” yoso-nen yusu-ge lag-o. Are, at ebem-e ”Ob-o” iri nak worasu-o.

IBERANI 7:3

Melkisendek na-ge eid ija unnu na lak, eid ombo unnu na lak, at ndet ibidnak wene na lak, at wat yidnak wene na mondok lag-o. At iri-ge Mbal Pem Nagawan Ambara nggal me, pem-et woralik nalik wolmomtak tepan ombo-nen yusu-o.

1 YOANES 2:23

Ta-nen nde: ”Ambara na naru bug-o” yusu nab-e Eid na wok ubusu bug-o. Nde, ta-nen nde: ”Ambara iri-ge naru-o” yusu nab-e Eid na wok ubusu-o.

1 YOANES 3:8

Nde, Sere na-ge nanduk nanduk-net meya nak kwat tenak woraso me, meya nak kwat tenak woragwi nab-e Sere ilirak-net yili-o. Nde, Sere-nen kwaroso iri na lak tak peyekluk Mbal Pem Nagawan Ambara na nggweyak ma yu me lobok yij-o.

1 YOANES 4:9

Mbal Pem Nagawan-nen nit nenabuwa kaso na nam tak posolar-e, nir-e at Ambara ebem-nen nunlug-et wolmaklug-e, Mbal Pem Nagawan-nen-e at Ambara misiget nderak na nggweyak ma yu me pil mbuwagaij-o.

1 YOANES 5:20

Nir-e ndemeret Mbal Pem Nagawan na nenaru maklug-e, Mbal Pem Nagawan Ambara na lobok yarik, nit ninndi pindong tak pij-o luk nenaru yili-o. At Ambara Yesus Kerisut ebem-nen nir-e ndemeret Mbal Pem Nagawan na imin kundik worali-o. Nde, at yu-ge ndemeret Mbal Pem Nagawan urug-et woralik nalik yoso-nen yusu-o.

2 YOANES 1:9

Kerisut-nen mul indidnak wene iri na puksa tena woragit lak, are, Kerisut-nen mul indidnak keya buruk mburuwa nab-e Mbal Pem Nagawan imin kundik worasu bug-o. Alat nde, Kerisut-nen mul indidnak wene iri na puksa tena worasu nab-e Eid min Ambara min inmin kundik worasu-o.

NAM PARA WENE 2:18

”Tiatira woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge erengen-e kanduk nggal kere kererak, ijog-e kerep wiril nggal Mbal Pem Nagawan Ambara-nen yidnak wene-o.