YOANES 1:3 - Nanduk Ngget Tul Pidnak Wene

³ Mbal Pem Nagawan-nen at ebem-net yi mende ndi mende oboksa ndak worak pij-o. Nde, at lak nggal-nen-e ndak worak pidnak mende yeba-ge misiger-o luk tet ndak worak pelep pug-o.

YOANES 1:3 ပူးပေါင်းရင်းမြစ်များ

NDAK WIRIDNAK WENE 1:1

Mondok mondog-e, Mbal Pem Nagawan-nen mbal min nggweyak min ndak worosolar-e,

NDAK WIRIDNAK WENE 1:26

Iri rak puruk, Mbal Pem Nagawan-nen yosolar-e: ”Yawo-ge nit nggal kwat yurak, nit nenpage worak ap mbi ndak wuruwog-o. Nde, ndak wurulmu-ge, it-nen-e keyane min towe min, erengen kege lak na irit, erengen kege worak na irit, marik na irit, nggok na irit, nin tak nan tak oboksa it-nen ombo wolmakluk ndak wuruwog-o” yij-o.

NDAWI ENGGA 102:25

Nanduk o yu ndak worak pigen kuri-net kar-e woraso-nen yusu-o. Nde, mbal na kat kinggi-nen ndak worak pidnak-nen yusu-o.

NDAWI ENGGA 33:6

Nagawan Indo-nen-e ene nak-nen ”Kwat min-o” yidnak pem mbal ndak wosa labuk yosolat, molengen min waneya min wonaru min at ene nak-nen ndak wosa keya bamu-o.

NGGOMO WENE 8:30

Worasolar-e, ambara marik indi kundik irit eram woralar-e, li marik-nen kwarugwi ereba na-t kwat tenak woralar-e, pempa at alen tak posolat woragi-o.

YESAYA 45:12

An-e o yu ndak worak puruk, o yu na bem ap wolmakluk nggweyakma nap ndak worak inpigi-o. Iri kwarosolar-e, an namawi bem-net mbal yemarak pigi-o. Nde, mo min waneya min wonaru min ereba-ge an-net tena worasu-o.

YESAYA 45:18

Nagawan Indo mbal ndak worak pid iri-ge Mbal Pem Nagawan-net yusu-o! At iri-net o yu-ge kwarak posolat, ndak worak pamu-o. Iri yamu, o yu-ge tugup lak irit mendak worasu-o. At-nen o ndak worosolar-e, we o nak ap tuporak wolmakluk ndak wirigit lag-o. Are, enpe wolmomtak ondoro worak irit ndak worak pamu-o. At-nen yosolar-e: ”An-e Nagawan Indo-nen yusu-o. An nggal erep mbi worali-ge mondok lag-o.

YOANES 1:10

Nde, Wene na-ge nggweyak ma woragaij-o. Mbal Pem Nagawan-nen at ebem-net o yu ndak wirij-et nde, nggweyak ma nap-nen-e at yenggerak kagit lak yiga-o.

YOANES 1:2

Tel kwiridnak kuri-net Wene na-ge Mbal Pem Nagawan imin woragamur-o.

1 KORINTUS 8:6

nit nenmanggim-e Nineid Mbal Pem Nagawan misiget nak, yi mende ndi mende pidsa ndak wirid nap, at ariget nak worasu me, at amanggim-e nir-e worali-o. Nde, nit nenmanggim-e Nagawan Indo misiget nak, Yesus Kerisut iri-ge yi mende ndi mende pidsa ndak wirid nap at ebem-et nir-e worali-o.

EPESUS 3:9

”Mbal Pem Nagawan-nen kura bidnak wene na ndak ndak tak posolar-e, yu nggal kwaruwa-o” luk an-e ap pidsa mirik unpusu-o. Yi mende ndi mende oboksa ndak worak pidnak Mbal Pem Nagawan na arem-e obi-net wene na kura irit woragaij-o.

IBERANI 11:3

Nde, ninndi angin tubu yidnak pem-net mbal min nggweyak min yi mende ndi mende oboksa Mbal Pem Nagawan ene nak-nen ndak worak pij-o luk perali-o. Iri ndak worak posolar-e, nenlengen-nen kali buk mende iri bem-nen-e nenlengen-nen kali mende ndak worak pij-o.

1 YOANES 5:1

Ta-nen nde Yesus-e Kerisut-nen yusu-o luk ebem inndi angin tubu yili nab-e Mbal Pem Nagawan ilirak-nen yili-o. Nde, Eid abuwa kasu nab-e at ambara iri na-t abuwa kasu-o.

NAM PARA WENE 3:14

”Laorikia woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge mot mot lud tak nak konggoroso nap, Mbal Pem Nagawan-nen ndak worak pidnak mende oboksa tel koroso Amin-nen yidnak wene-o.

NAM PARA WENE 4:11

”Nagawan Indo Nembal Pem Nagawan wa-e! Yi mende ndi mende oboksa kat-nen ndak worak pigenma-o. Kat kindi-n pidnak pem nak yi mende ndi mende ndak wat yarik, uruk worasu bem-e kerembel wanogotlat kek tak kobogolat yurak ndak kamawi worag-e kat nag-o” luk yugwi-o.