Nde, Nagawan Indo indi-n pidnak pem ar-e andi bandi kasolat, ondomok indi wisirik pid iri-ge meya yidnak lak tak purak pem Mbal Pem Nagawan amanggim wosa pugwi nggal irit wat yij-o. Ar-e uruk mot pem-et woralat, at-nen wigarag-e erengen-nen kujwa-o. At ebem nggwe-net Nagawan Indo indi-n pidnag-e kwat ma-o.
YOANES 1:29 - Nanduk Ngget Tul Pidnak Wene29 Nene luk kub-e Yesus na Yoanes eram lobok yosola, Yoanes na-ge at yik karuk-nen yosolar-e: ”Mbal Pem Nagawan olomba wam marik ap pidsa meya yidnak lak tak poso nap iri nde ker-o. အခန်းကိုကြည့်ပါ။ |
YOANES 1:29
65 ပူးပေါင်းရင်းမြစ်များ
Iri ala karuk, Nagawan Indo-nen yosolar-e: ”At andi bandi kasolat worarug-e, at-nen andi bandi kagaid iri na ebe-t kwat yidnak karug-e, alen kasolat wolma-o. Ndegel noboso nap iri-nen an nalen tak pusu-o. Ap kwarat-nen meya yidnak pem onggo angin worak wanurag-e at ebem nde mbij-o. At ebem-nen an-e it-nen meya yidnag-e namberam tak pimin-o.
Musa-nen waro misik posid tembaga bem ndak wosa, e sindik puruk, e iri na bem perena keya bamu, ap ondomoktak-nen waro-nen yilik onposola, enlengen waro tembaga bem ndak wosa pidnak iri na yik kagola-ge, ki yiga-o. 21:10-35 Ayat ya arem-e Isarael nap na-ge Kanaan mborogolat waring kagolar-e, ena nggwe ambigit (selatan) min luwaso ambigit (timur) min wok yiga wene mbarak worasu-o.
At Ambara iri-ge Mbal Pem Nagawan kektak woraso abinal-net yusu-o. Ambara iri-ge Mbal Pem Nagawan abage ndak worak-net yusu-o. At ene amawi bem-nen yi mende ndi mende oboksa yogo buruk worasu-o. At iri-nen-e ap-nen meya yogolat woraidnak oboksa marak purug-e, aid arem woraso Amawi worak Mbal Pem Nagawan na inggi kigit nggwe kore yij-o.
Iri nggal yosolar-e, at-nen-e at owosirak enpage lid ludsa irit mondok kwat agaij-o. Iri kwat yid iri bem-e Mbal Pem Nagawan ndegel obosolar-e, owosirak entepan ombo kek tak mot mot nak yoso min unpud kwarat kaso min eyekluk-nen iri kwat yid iri-ge ap pidsa-nen meya yidnak na lak tak peyekluk-nen yij-o.
Iri nggal-et Kerisut-e ap kwarat-nen meya yogolat woraidnak iri lak tak peyekluk, misiget pem nak at eyabi-ge Mbal Pem Nagawan amanggim pamu-o. Nde, ar-e mberen pem tak posolat abok nam marig-e, ap-nen meya yogolat woraidnak waneyekluk nam ma-ge lag-o. Are, at lobok yuwa-o luk yik karok woraidnak nap inmiri yurak pem nam ma-o.
Nde, Kerisut na irit, ap-nen meya yidnak pem mondok misik tarem-et ap pidsa enmanggim wat yij-o. Lud tak nak kwaroso nab-e lud tak nak kwarugwi buk nap enmanggim wat yosolar-e, Mbal Pem Nagawan eram lit nunpuruk mbereyekluk wat yamu-o. Nde, ki nap enpage worak iri na wiriga-t nde, indi irit uruk tak pij-o.
iri yidnak nap-nen-e Mbal Pem Nagawan-nen idnak anggut engen amburu iri nujwa-o! Anggut engen amburu iri-ge Mbal Pem Nagawan isilepma na-ge mariget tet nin tak pigit lak iniksa-t idmbe arem woranggasa pil nggwidnak iri na nujwa-o! Nde, it iri na oboksa-ge andi bandi rak onposolar-e, lenak inpidnak aid nap min Lomba Wam Marik min enlengen pem-et kanduk min kule emben meya (belerang) min-nen andi bandi rak onposolat wolma-o.
It iri na-ge kwami inmin nene yugwi buk me, kopkap lak-nen yili-o. Ir-e kwami wanugwi buk-nen yili-o. Nde, ir-e Lomba Wam Marik na mbiridnak sa nak imbirik nak nugwi-o. It iri-ge nggweyak ma nap ennggenggerak-nen onnggo bidnak nap me, ir-e nanduk nandug-et Mbal Pem Nagawan min Lomba Wam Marik min enmanggim wosa inpidnak-nen yili-o.
It-nen ndawi yogolar-e, Mbal Pem Nagawan ndegel oboso nap Musa min Lomba Wam Marik na min endawi yogolar-e, yu nggal yiga-o: ”Amawi Mondok Kwarat worak Nagawan Indo Mbal Pem Nagawan wa-e. Kat-nen kwaroso-ge nggulok, kwiye worak-net yusu-o. Ap enlem oboksa ennggendumu Nagawan wa-e. Kat-nen kwaroso-ge ndemeret mot mot nak kwaroso-o.
It iri-nen-e Lomba Wam Marik iri na min wim puwa-o. Alat nde, Lomba Wam Marik min at-nen wene mbo unpuruk, len enpaga at imin nugwi nap at-nen yidnak yidnak kwarugwi nap inmin-nen-e nagawan nagawan ereba na-ge urugwe nggwe rak unpuwa-o. Nde, iri yuwa iri-ge Lomba Wam Marik iri-ge ap yok nggok onmbol pem Nagawan Indo, nggweyak ma nagawan oboksa onmbol pem Nagawan me, urugwe nggwe rak unpuwa-o” luk yij-o.
Iri yosola, an yik kaginggal-e, nagawan koreyak woraso ondoro iri na bem enggendumu-ge Lomba Wam Marik mendak kagi-o. Nde, mendak worala, untugup worak mende empat ereya na min enne kulugwi nap ereya na min-nen at iri na lop lop worak kagi-o. Nde, Lomba Wam Marik iri-ge abu wiridnak nggal irit kagi-o. Nde, at iri anggul ambo na tuju, erengen na tuju-nen yusu-o. Nde, anggul ambo tuju min erengen tuju min iri-ge Mbal Pem Nagawan indi tuju yi wi ndi wi oboksa wirik pidnak indi iri-net yusu-o.
At-nen engga iri wanosola ereya na-net untugup worak mende empat ereya na min enne kulugwi nap dua pulu empat (24) ereya na min-e Lomba Wam Marik na eralu tud yiga-o. It enambik tak kejapi poba min emas-nen konidnak yimbe arem emben konak mende yarak na min tena woraiga-o. Nde, emben konak mende iri-ge Mbal Pem Nagawan ilirak-nen tepan yugwi iri nar-o.
Iri luk, an yik kaginggal-e, Lomba Wam Marik iri-nen lop nok tak pugwi mende tuju iri na enggendumu nandug-et lop nok tak pidnak (yang pertama) iri na ponggorosoloma, an kuliginggal-e, untugup worak mende empat ereya na ennggendumu-nen misik ene-ge o nggu nggal-et yosolar-e: ”Lobok yi-o” luk yosola, kuligi-o.
Yosoloma-ge, an-nen wene iri erep nggarosolar-e: ”Nap wa-e. An naru bug-o. Kat perak nde karu-o” luk yosolakmu, at-nen yak norosolar-e: ”Ap yeba-ge andi bandi mende nggulok it enpem mbidnag-et nde, ob-et woraidnak nab-o. It unsum marogolar-e, Lomba Wam Marik eyabi bem-net unsum-e masa loro rak pidnag-o.
ကြော်ငြာတွေ