YOANES 1:19 - Nanduk Ngget Tul Pidnak Wene

¹⁹ Yerusalem-nen it Yawuri nap ennggendumu-nen ap kek tak ereba na-nen tepan omborak min Lewi nap min wirik onpogolar-e: ”Kar-e ta-nen yusu-o?” luk Yoanes kin wok ubuwakluk inpil mborogola, Yoanes-nen yak indidnak wene-ge yur-o.

YOANES 1:19 ပူးပေါင်းရင်းမြစ်များ

YOANES 1:7

At iri lobok yid iri-ge yaya wene iri na ap yak ondosola, iri na bem ap pidsa inndi angin tubu yuwakluk lobok yij-o.

YOANES 10:24

Yawuri nab-e at lop lop worogolat-nen yak togolar-e: ”Nit ninndi birik keya nunpuruk worasolar-e, nunggwirik woragun-o? Kar-e Mesias alar-e, nam-et yak nindi-o” luk yak tiga-o.

YOANES 10:31

Yak ondosoloma-ge, it Yawuri nap-nen tuguruk at wururak pem kerep waniga-o.

YOANES 11:19

Yawuri nap kwarar-e Marata min Maria min intid wat yidnak me, inndi yangunuwokluk lobok yiga-o.

YOANES 2:18

Iri kwarosola karuk, Yawuri nap-nen Yesus met nggal pogolar-e: ”Yu kwarigen yu-ge, iri kwarurak amawi-ge kat kebem pidnak nde ala-ge, nit yenggerak kujwok-nen kwiye worak mende mbi kwari-o” luk yiga-o.

YOANES 2:20

Yosoloma-ge, Yawuri nap na-nen yogolar-e: ”Abuga! Mbal Pem Nagawan uwi yu worogolar-e, olengen empat pulu enam (46) woraiga-t nde, kat-nen-e: ’Worosolar-e, mberen nak nene yimin-o’ yigen-a?” luk yiga-o.

YOANES 5:10

Iri ala-ge, Yawuri nap-nen ki rak ibidnak nap na yak togolar-e: ”Yawo-ge we woragwi tarem me, kat kilis kud tusu meyog-o” luk yak tiga-o.

YOANES 5:15

Yak tosoloma-ge, ap iri na keya buruk mborosolar-e, Yawuri nap yak ondosolar-e: ”Yesus-net ki rak nibij-o” luk yak indij-o.

YOANES 5:16

Nde, Yesus na we woragwi tarem-et nde, ap yu na ki rak pidnak pem-e Yawuri nap-nen-e at lel mberel ubuwokluk tu kore yiga-o.

YOANES 5:18

Wene iri yidnak pem it Yawuri nap ebem lud insilepma luk, ”Nggesa-nen wurul-o?” luk tu kore yogolat woraiga-o. Nde, iri yiga iri-ge we woragwi tarem-nen ”Kwarurak pug-o” yidnak na kwid toso iri bem-nen nag-e lag-o. Are, at-nen yosolar-e: ”Mbal Pem Nagawan an Neig-er-o” luk yosola-ge, ”E! Ar-e at ambikpebe Mbal Pem Nagawan nggal yusu-o” lug-e at wururak yiga-o.

YOANES 6:41

Yesus-nen yosolar-e: ”An-e aid arem-nen mbuwaidnak mburu-nen yusu-o” yosola karug-e, it Yawuri nap-nen-e unlum ne yol ngol mbogolat-nen

YOANES 6:52

Iri yosoloma-ge, Yawuri nap-nen ngguno pet kerak mbogolar-e: ”At yu-ge nggesa-nen at ebe nujwakluk at ebe wok nundurak yusu-o?” luk yiga-o.

YOANES 7:1

Iri rak purug-e, Yurea-nen Yawuri nap-nen at wururak peragola karuk, Yesus-e Yurea nggwe waring kudtag-e imbit-nen Nggalilea nggweyak pem waring kasolat woragaij-o.

YOANES 7:11

Alama-ge, nunggwi mende nggulok na sakola tarem-e Yawuri nap na-nen at ogore yogolar-e: ”Yesus na-ge ngge me worasu-o?” luk kin waruk waruk yiga-o.

YOANES 7:15

Mul ondosoloma-ge, Yawuri nap na wi langgu mbarogolat-nen yogolar-e: ”Ap yu-ge sekola yoso buk yu-t nde, nggesa-nen kwarat aru yij-o?” luk yiga-o.

YOANES 8:22

Yak ondosoloma-ge, Yawuri nap-nen yogolar-e: ” ’An mbirimin sa kit-nen wok yil mbururag-e meya-o’ yid yu-ge at ambik wat korayekluk-nen yid, lak?” luk yiga-o.

YOANES 8:48

Yak ondosoloma-ge, it Yawuri nap-nen Yesus yak togolar-e: ”Nit-nen-e: ’Kar-e Samaria nap, kugi karem nggwidnak nap-nen yusu-o’ luk yak kirige na-ge ndemeret yak kirige-o” luk yiga-o.

YOANES 8:52

Yosoloma-ge, Yawuri nap na-nen at yak togolar-e: ”Kar-e kugi karem nggwidnak-nen yusu-o luk yawo-nen perak nde mondok nenaru yili-o! Abaram min Mbal Pem Nagawan ene lomboksa yugwi nap min na wat yiga-t nde, kat-nen yosolar-e: ’An-nen yidnak yidnag-et kwaroso nab-e wat yigit lak, pem-et woralik nalik ma-o’ luk yigen-o.

YOANES 8:57

Yosoloma-ge, Yawuri nap na-nen at yak togolar-e: ”Abuga! Kar-e olengen lima pulu-ge awo woragit lag-et nde, kar-e Abaram na kerengen kaigendik-nen yusu-a?” luk yak tiga-o.

YIDNAK YIDNAK WENE 13:25

Nde, Yoanes na-ge at eyabu worok tak peyekluk-nen yosolar-e: ’Kit-nen perali nap iri-ge an-e lag-o. Alat nde, ar-e abok an nimbirig-e lobok yuwa-o. At ijok sum-e an-nen yunggururag-e mondok meya-o’ luk yij-o.

YIDNAK YIDNAK WENE 19:4

Yogolikma-ge, Paulus-nen yosolar-e: ”Yoanes-nen yi ma onposo iri-ge kondok yidnak nap nak yi ma onposolat-nen it yak ondosolar-e: ’An nimbirik lobok yuwa nap iri ebem mondok kinndi angin tubu yurag-o’ luk yid iri-ge Yesus min-et yij-o” luk yak indij-o.

TUGURUK YIDNAK WENE 24:8

Nde, ndigiril laso mbijap kenpem yidnak ala-ge, tepan ombo Lewi nap-nen yak kunduwa iri na-t kwarurag-o. Nde, kwarurak mende-ge an-nen it yak indigi ereba ndak ndag-et kwarurag-o.

1 YOANES 1:5

At Ambara-nen yak nindidnak wene yu-ge nit-nen kit yak kindili-o. Nde iri-ge Mbal Pem Nagawan-e yaya-nen yusu-o. Nde, at ebem-e ndamuk mbi mondok lag-o.