YOANES 1:18 - Nanduk Ngget Tul Pidnak Wene

¹⁸ Ap misiget ter-o luk Mbal Pem Nagawan iri-ge kagwi bug-o. Nde, at Ambara misiget nderak Eid imin ndak ndak woraso, pempa Eid imin woraso iri nak-nen Eid Mbal Pem Nagawan na-ge nit nennggarem nam tak pij-o.

YOANES 1:18 ပူးပေါင်းရင်းမြစ်များ

NDAK WIRIDNAK WENE 16:13

Yosoloma-ge, Agat-nen perasolar-e: ”An-e ndemeret yebet neyasolat woraso Mbal Pem Nagawan na-t kagi, lak?” peraruk-nen unu yarosolar-e: ”Nagawan Indo mondok an kwara yebet neyaso-o” luk yarij-o.

NDAK WIRIDNAK WENE 18:33

Wene Abarakam imin yurug-e, Nagawan Indo na mborosola-ge, Abarakam na-ge tuguruk ama mbirij-o.

MBIRIGA WENE 23:21

Kir-e kwara yebet karuk, at nen yidnak yidnag-et kwarurag-o. At iri-ge an-nen ibil lobok yimin me, kir-e at imin eyak wururak pug-o. Kit-nen eyak worogola-ge, at-nen-e mondok amberam tak puwa bug-o.

MBIRIGA WENE 24:10

Isarael nap Enmbal Pem Nagawan iri na-ge kerep nilam-nen konidnak o kune o kibi bem kisikmbal erare ngal mbi bem mendak yik kaiga-o.

NGGOMO WENE 8:30

Worasolar-e, ambara marik indi kundik irit eram woralar-e, li marik-nen kwarugwi ereba na-t kwat tenak woralar-e, pempa at alen tak posolat woragi-o.

YESAYA 40:11

Ar-e wam yik karok woragwi nap-nen kwarugwi nggal wam kwarat ereba na kwara ndogorosolat, at ondomok-net ndak wat unpuwa-o. Lomba amarik ereba na-ge aringmu rak puruk, ija-ge yanggosa-t kona suluk mburuwa-o.

WONARIDNAK WENE 12:8

Nde, an-nen imin wene mbarosolar-e, nentare mboma buruk, wene mbarogolat, nden karuk wene bem mbatli-ge lag-o. Are, nam-et nak wene mbarogolat, nebage min-et neyasu yu-t nde, kir-e noluk-nen kwiye lag-et an ndegel noboso nap Musa yu-ge obok pigeb-o?” luk yak indij-o. 12:9-16 Ayat ya arem-e Miriam na-nen Musa obok pidnak pem angin worak ebem pidnak wene mbarak worasu.

MATIUS 11:27

An Neid-nen-e yi mende ndi mende oboksa-ge an ninggem-et pij-o. Eid arig-et nak-nen Ambara aru yusu-o. Nde, Ambara an-nen na irit, Ambara an-nen: ’Neid iri enaru mag-o’ luk eberamin nap-nen na irit, Eid na enaru yili-o.

LUKAS 10:22

An Neid-nen-e yi mende ndi mende pidsa an ninggem pid irir-o. Neid arig-et nak-nen Ambara an aru yusu-o. Nde, Ambara an-nen na irit, Ambara an-nen ’Neid iri enaru mag-o’ eberamin nap-nen na irit, Neid iri enaru yili-o” luk yij-o.

YOANES 1:14

Nde, Wene iri na-ge ki nap enaboro worak luk, nit nennggendumu yu me woragaij-o. Nit ninmin worala, at kek tak irit kaige-o. At kek tak woraso iri-ge Eid Mbal Pem Nagawan ambara misiget nderak irit wok tidnag-o. At ebem-net nir-e Mbal Pem Nagawan min nit nunpud kaso min iri-ge kaige-o.

YOANES 12:41

Yesaya-nen iri yid iri-ge Yesus kek tak pidnak na karuk, Yesus imin-et yij-o.

YOANES 13:23

Yesus-nen indi kundik abuwa worak nab-e Yesus eralu koreyak woragaij-o.

YOANES 14:9

Yosoloma-ge, Yesus-nen at yak tosolar-e: ”Pilipus wa-e. An-e pempa kit kinmin worasu-t nde, kar-e yenggerak neyasu bug-a? An neyali nap-nen-e an Neid iri kali-t nde, noluk-nen kat-nen-e: ’Kat Keid iri mirik ninpi-o’ luk yigen-o?

YOANES 17:26

Kat-nen an nabuwa kaso elem na it enarem worasolat, an na it enarem worasolat makluk, an-nen kat kunu mirik onposo-o. Nde, iri nggal-et kat kunu-ge mirik onposolat woramin-o” luk yij-o.

YOANES 17:6

Nggweyak ma nap ennggenggerak-nen lena wok nirigen nap pidsa inmbiri bem-e kat mirik inpigi-o. It iri-ge kat karengge woraigen-et nde, wok nirigen-o. It-nen-e kat-nen yidnak yidnak nak yugwi-o.

YOANES 3:11

An-e ndemeret yak kurusu-o. Nit-nen-e nit nenaru iri na-t yak kondogolat, nenlengen-nen kaidnak iri na-t mirik konpogolat yili-t nde, nit-nen yidnak wene-ge kit-nen wanurak kinsili yili-o.

YOANES 6:46

Nde, ap misik erengen-nen Neid kaso ala-nen yigi-ge lag-o. Are, Mbal Pem Nagawan eram-nen lobok yidnak nap an narig-et nak-nen Neid kaso-nen yusu-o.

2 KORINTUS 4:4

It inndi angin tubu yili buk nap inndi erengen-e nggweyak ma yu tena woraso nagawan-nen ngguru rak pidnak me, it-nen-e Kerisut kek tak woraso wene aid wene eyaya na kudtag-e meya-o. Kerisut iri-ge Mbal Pem Nagawan abage worak-nen yusu-o.

TUGURUK YIDNAK WENE 4:12

Iri-nen kanduk arem-nen Nagawan Indo-nen wene yak kondosola kuligeb-et nde, ebe-ge mondok kagit lak yigep wene min yak undurag-o.

KOLOSE 1:15

Kerisut na-ge kagwi buk Mbal Pem Nagawan na abage-net yusu-o. Ndak worak pidnak tengge oboksa-ge teberak-nen yusu-o. Nde, at Ambara manggu iri perak nde mondok kek tak-nen yusu-o.

1 TIMOTIUS 1:17

Woralik nalik yoso Nagawan, lak yoso buk Nagawan, ap-nen kagwi buk, misig-et nak woraso Mbal Pem Nagawan iri nak erembel wanogolat, unu kek tak pogolat pem-et woralik nalik mag-o. Amen.

1 TIMOTIUS 6:16

At arig-et nak wat yoso buk-nen yusu-o. Ap-nen panggosa eram wok yugwi buk yaya bem woraso-nen yusu-o. Ap misiger-o luk tet mondok eyagwi bug-o. Iri-nen na ap-nen at eyudtak na meya-o. At unu nak kek tak pugwi min at amawi min-e pem-et worasolat nasolat mag-o! Amen.

YOSUA 5:13

Nde, misik tarem-e Yosua-ge Yeriko koroga mbi me ereba worasolat-nen mimo yik kagaidnggal-e ap misik kabo lesa inggem tenaga irit at eram mendak irit kagaij-o. Karuk, Yosua-nen ap iri na eram panggosa lasolat-nen kin wok obosolar-e: ”Kar-e nit nap, lak? Are, wim nab-a?” luk yak tij-o.

1 YOANES 4:12

Ap misiger-o luk tet Mbal Pem Nagawan mondok kagwi bug-o. Nde, Nit-nen nde nabuwa kabuwa yogola-ge, Mbal Pem Nagawan-e nit nenarem woralat, nit nenarem-e at-nen enabuwa kaso elem na-ge iminep mbarak irit wolma-o.

1 YOANES 4:20

Nde, ap misik-nen-e: ”An-e Mbal Pem Nagawan abuwa kaso-o” luk yosolar-et nde, at anggam mbi isili rak poso ala-ge, iri yoso nab-e enesiget wene yoso-nen yusu-o. At anggam na at erengen-nen nam kaso-net nde, abuwa kaso buk-nen-e at erengen-nen kaso buk Mbal Pem Nagawan na abuwa kujwa bug-er-o.

1 YOANES 4:9

Mbal Pem Nagawan-nen nit nenabuwa kaso na nam tak posolar-e, nir-e at Ambara ebem-nen nunlug-et wolmaklug-e, Mbal Pem Nagawan-nen-e at Ambara misiget nderak na nggweyak ma yu me pil mbuwagaij-o.

1 YOANES 5:20

Nir-e ndemeret Mbal Pem Nagawan na nenaru maklug-e, Mbal Pem Nagawan Ambara na lobok yarik, nit ninndi pindong tak pij-o luk nenaru yili-o. At Ambara Yesus Kerisut ebem-nen nir-e ndemeret Mbal Pem Nagawan na imin kundik worali-o. Nde, at yu-ge ndemeret Mbal Pem Nagawan urug-et woralik nalik yoso-nen yusu-o.