YOANES 1:17 - Nanduk Ngget Tul Pidnak Wene

¹⁷ Nagawan Indo-nen ”Iri nggal kwarurag-o” luk yidnak wene-ge Musa-nen yak nindij-et nde, we wok ondoso elem min ndemeret wene elem min-e Yesus Kerisut ebem-nen nam tak pij-o.

YOANES 1:17 ပူးပေါင်းရင်းမြစ်များ

NDAK WIRIDNAK WENE 22:18

Kar-e an-nen: ’Irit kwari-o’ yigi iri na ndak ndag-et kwarigenma me, yi nap ndi nap ap enlem oboksa-nen an-nen kat-nen wigarak inmbiringgat tak pigi nggal, imbiringgat tak unpuwakluk an nemengen mbaruwa-o” luk owak mbarij-o.

NDAK WIRIDNAK WENE 3:15

Kat min kwe iri min-e kuri worak woragolat, at-nen wigarak min kat-nen wigarak min-e pempa wim mbarak woragolat, at-nen wigarak-nen kat kanggulwak tugud tak posola-ge, kat-nen-e it unuwok nggut yilik pugun-o” yak tij-o.

MIKA 7:20

Nanduk kwat nunpurak urul nonmborak yak indigen iri na ndak ndag-et kat-nen tugup lak kwat onposo min kat-nen kundugu enabuwa kaso min iri na-ge kat kilirak Abarakam min Yakup min-nen wigarak irit mirik nunpugun-o.

YOANES 1:14

Nde, Wene iri na-ge ki nap enaboro worak luk, nit nennggendumu yu me woragaij-o. Nit ninmin worala, at kek tak irit kaige-o. At kek tak woraso iri-ge Eid Mbal Pem Nagawan ambara misiget nderak irit wok tidnag-o. At ebem-net nir-e Mbal Pem Nagawan min nit nunpud kaso min iri-ge kaige-o.

YOANES 14:6

Yak tosoloma-ge, Yesus-nen at yak tosolar-e: ”An-e Mbal Pem Nagawan enaru yugwi tula min ndemeret wene min unlug-et wolmomtak elem min-nen yusu-o. An nebem nggwe mbirigit lak-nen-e ap misiger-o luk tet an Neid eram wok momtag-e meya-o.

YOANES 18:37

Yosoloma-ge, Pilatus-nen at kin wok obosolar-e: ”Iri ala-ge, kar-e nagawan–nen yusu, lak?” yosoloma. Yesus-nen yosolar-e: ”Kat-nen yigen irir-o. Nde, an nggweyak ma yu me lobok yigirik, ndet yigi yu-ge, ndemeret wene-ge irir-o luk kenggereyekluk-net lobok yigi-o. Nde, ndemeret wene imin kundik nap-nen-e an-nen yidnak wene irit kulili-o” luk yij-o.

YOANES 5:45

Alat nde, kit-nen-e an-nen Neid imbiri bem ninmbiri wuruwa-o luk yebet kudtak pug-o. Kit-nen kinndi ebem mbung mbung tak woragwi Musa iri-net kinmbiri wuruwa-o.

YOANES 7:19

Imiri mbarak pidnak wene na-ge Musa-nen wok kindid na-ge lag-a? Alat nde, kir-e misiger-o luk tet imiri mbarak pidnak wene iri-nen yidnak yidnag-e kwatli bug-o. Kir-e noluk-nen an nuruwokluk yili-o? luk yak indij-o.

YOANES 8:32

Kit-nen ndemeret wene kenaru yogola-ge, wene iri-nen-e wisirik kunpuwa-o” luk yak indij-o.

YOANES 9:29

Mbal Pem Nagawan-nen Musa wene yak toso iri perak nir-e nenaru-o. Iri alat nde, ap iri-ge nggeba-nen lobok yij-o? Nit nenaru bug-o!” luk yiga-o.

YIDNAK YIDNAK WENE 28:23

Iri tarem-et yak nundurag-o luk yiga na tarem-e at eram ap kwarat ndok worogolikma-ge, at-nen-e wene yak ondosolar-e, Mbal Pem Nagawan-nen tenagaidnak wi wene kenggera yak ondosolar-e, Musa-nen imiri mbarak pidnak wene bem-nen na, Mbal Pem Nagawan ene lomboksa yugwi nap-nen mbaridnak wene bem-nen na, Yesus ebem inndi angin tubu makluk yak ondosolar-e, kuplila-nen tel kwirij-et nde, keyama rak pij-o.

YIDNAK YIDNAK WENE 7:38

Nde, Musa iri na-t Isarael nap ndok worak ennggendumu karu me worala-ge, Sinai ndobo bem iri na me-nen aid nap-nen yak tidnak wene iri-ge ar-e ngarak koro me, nit nen-lawingga yak indij-o. Nde, nit yak nunduwaklug-e, unluk wolmomtak wenege Musa irit wok tij-o.

OROMA 6:14

Nde, kir-e imiri mbarak pidnak wene-nen urugwe nggwe rak kinpidnag-e lag-o. Are, Mbal Pem Nagawan we wok ondoso elem-nen urugwe nggwe rak kinpidnak me, meya kwarugwi elem-ne urugwe nggwe rak kunpurag-e lag-o.

2 KORINTUS 1:20

Mbal Pem Nagawan urul pidnak wene oboksa min-e Yesus-e: ”Ob-o” yidnak-nen yusu-o. Iri bem-e, nit-nen-e Mbal Pem Nagawan unu kek tak pogolar-e, Yesus Kerisut ebem-et ”Amen-o” luk yili-o.

NGGALATIA 3:17

An-e yu peraruk-nen yusu-o: Mbal Pem Nagawan-nen watsa urul pidnak wene na-ge olengen empat ratus tiga pulu (430) woraruk ombol nggwe-nen nam yidnak imiri mbarak pidnak wene na-nen-e Mbal Pem Nagawan-nen urul pidnak wene iri na lak tak puruk, amawi lak tak purag-e mondok lag-o.

TUGURUK YIDNAK WENE 33:4

Nit nenlem Isarael nap nenarengge onggo kek tak imiri mbarak pidnak wene Musa-nen wok nindid yu-ge mondok kwarogolat wolmog-o.

IBERANI 9:22

Ndemerer-o. Imiri mbarak pidnak wene-nen yidnak yidnak kwarogolar-e, yi mende ndi mende oboksa-ge eyabi bem nak-nen mbek tak poso-o. Nde, eyabi wirik pidnak pem nak-net ap-nen meya yogolat woraidnag-e amberam tak poso-o.