YOANES 1:1 - Nanduk Ngget Tul Pidnak Wene

¹ Nanduk o yu ndak wirigit lak ma-net Wene irit woragaij-o. Wene iri na Mbal Pem Nagawan imin-et woragaij-o. Nde, Wene iri na Mbal Pem Nagawan-net yusu-o.

YOANES 1:1 ပူးပေါင်းရင်းမြစ်များ

NDAK WIRIDNAK WENE 1:1

Mondok mondog-e, Mbal Pem Nagawan-nen mbal min nggweyak min ndak worosolar-e,

YESAYA 7:14

Yawo-ge Nagawan Indo ondomok-nen kit-nen yenggerak purak mirik Konposolar-e: kwe ndugum abila misik-nen liap misik ndaguruk, unu-ge Imanuel yaruwa-o.

YESAYA 9:6

Nit nenmanggim liap misik ndesa mbij-o. Ambara misik wok nindij-o. Ar-e nit tena nunpuruk woraso nap kwat ma-o. Nde, at unu yogolar-e: ”Nggomo Ondoso Nap Indi Nggat Nggat Worak”, ”Amawi Worak Mbal Pem Nagawan”, ”Nineid Pem Woraso”, ”Lambuk tak Onposo Nagawan” luk yuwa-o.

MATIUS 1:23

”Ap-nen aboro mbarugwi buk kwe ndugum-nen abila luk, la li ap mbi ndaguwa-o. Nde, la iri unu yarogolar-e, Imanuwel-o luk yaruwa-o.” (Nde, Iberani wene bem Imanuwel yiga iri-ge ”Mbal Pem Nagawan nit ninmin worasu-o” yarogolar-o.)

LUKAS 24:53

Mbirigarig-e, it pempa Mbal Pem Nagawan ama-nen Mbal Pem Nagawan unu kek tak pogolat woraiga-o.

YOANES 1:14

Nde, Wene iri na-ge ki nap enaboro worak luk, nit nennggendumu yu me woragaij-o. Nit ninmin worala, at kek tak irit kaige-o. At kek tak woraso iri-ge Eid Mbal Pem Nagawan ambara misiget nderak irit wok tidnag-o. At ebem-net nir-e Mbal Pem Nagawan min nit nunpud kaso min iri-ge kaige-o.

YOANES 1:18

Ap misiget ter-o luk Mbal Pem Nagawan iri-ge kagwi bug-o. Nde, at Ambara misiget nderak Eid imin ndak ndak woraso, pempa Eid imin woraso iri nak-nen Eid Mbal Pem Nagawan na-ge nit nennggarem nam tak pij-o.

YOANES 1:2

Tel kwiridnak kuri-net Wene na-ge Mbal Pem Nagawan imin woragamur-o.

YOANES 16:28

An Neid eram-nen lobok yigirig-e, nggweyak ma yu me ngguwagi-o. Yawo nggweyak ma yu keya buruk, tuguruk Neid eram mbirimin-o” luk yij-o.

YOANES 17:5

Neid wa-e! Nggweyak yu ndak wirigit lak ma-nen kat kimin woralat an nunu kek tak woraso iri na bem yawo-nen kat kinmbiri bem an nunu kek tak pi-o.

YOANES 20:28

Yak tosoloma-ge, Tomas-nen at yak tosolar-e: ”Kar-e an-nen idnak Nagawan Indo min an Nembal Pem Nagawan min-nen yusu-o!” luk yak tij-o.

YOANES 8:58

Yak togolikma-ge, Yesus-nen it yak ondosolar-e: ”An-e ndemeret yak kundusu-o. Abaram na ndet yigit lak ma-net an-e woraso-net yusu-o” luk yij-o.

OROMA 9:5

Isarael nap na-ge na nenlawingga-nen wigarak-net yili-o. Kerisut abage nggweyak ma nap en-page worak iri-ge it Isarael nap-nen wigarak-net yusu-o. Nde, yi mende ndi mende oboksa ombol pem kek tak woraso Mbal Pem Nagawan na-ge unu kek tak woralik nalik irit wolmag-o. Amen.

EPESUS 3:9

”Mbal Pem Nagawan-nen kura bidnak wene na ndak ndak tak posolar-e, yu nggal kwaruwa-o” luk an-e ap pidsa mirik unpusu-o. Yi mende ndi mende oboksa ndak worak pidnak Mbal Pem Nagawan na arem-e obi-net wene na kura irit woragaij-o.

PILIPI 2:6

Ar-e Mbal Pem Nagawan-et nde, ”An nebage Mbal Pem Nagawan imin ndak ndak woraso tena worayeg-o” luk peragir-e lag-o.

KOLOSE 1:15

Kerisut na-ge kagwi buk Mbal Pem Nagawan na abage-net yusu-o. Ndak worak pidnak tengge oboksa-ge teberak-nen yusu-o. Nde, at Ambara manggu iri perak nde mondok kek tak-nen yusu-o.

KOLOSE 1:17

Yi mende ndi mende ndak worak pigit lak ma-net ar-e worasor-o. Nde, yi mende ndi mende oboksa-ge at ebem-net worasu-o.

1 TIMOTIUS 3:16

Nit-nen Mbal Pem Nagawan erembel wanugwi kura bidnak wene iri-ge ndemeret nggok lombok-nen yusu-o: ”At ondomok-net ki nap enpage nggal luk, nam yij-o. At lud tak nak kwaroso iri-ge Konak Indi-nen nam tak pij-o. Aid nap inmbiri bem nam yij-o. At owene-ge Mbal Pem Nagawan enaru buk nap ennggendumu yiga-o. Nggweyak ma yu me-nen inndi-ge at ebem angin tubu yiga-o. Abinal pem lek karuk lagaij-o.”

TITUS 2:13

Nde, yawo-ge nit Nenmbal Pem Nagawan anggu obok worak min Ninmiri Yoso Nap Yesus Kerisut min-nen idnak abinal nam tak purak Tarem iri na bem nit ninndi mbung mbung tak woragwi iri na yik karok worali-o.

IBERANI 13:8

Yesus Kerisut-e tono-n na irit, yawo-n na irit, abok woralik nalik worasolat-nen na irit, nin yoso buk, iri na-t woraso-nen yusu-o.

IBERANI 7:3

Melkisendek na-ge eid ija unnu na lak, eid ombo unnu na lak, at ndet ibidnak wene na lak, at wat yidnak wene na mondok lag-o. At iri-ge Mbal Pem Nagawan Ambara nggal me, pem-et woralik nalik wolmomtak tepan ombo-nen yusu-o.

2 PETERUS 1:1

Yesus Kerisut ndegel oboso nap, at-nen wirik nibidnak nap, Simon Peterus an-nen-e. Nenmbal Pem Nagawan min Ninmiri Yoso Yesus Kerisut min-nen-e lud tak nak kwaroso elem na bem-e kit kinndi angin tubu yuwakluk wok kondosolar-e, kit kinndi angin tubu yigep iri-ge nit ninndi angin tubu yige iri na nggal-et iminep mbarak irit wok kindid nap kenmanggim engga yu mbarusu-o.

1 YOANES 5:20

Nir-e ndemeret Mbal Pem Nagawan na nenaru maklug-e, Mbal Pem Nagawan Ambara na lobok yarik, nit ninndi pindong tak pij-o luk nenaru yili-o. At Ambara Yesus Kerisut ebem-nen nir-e ndemeret Mbal Pem Nagawan na imin kundik worali-o. Nde, at yu-ge ndemeret Mbal Pem Nagawan urug-et woralik nalik yoso-nen yusu-o.

1 YOANES 5:7

Iri bem-e wene yu-ge kenan yu-nen kunggurusu-o.

NAM PARA WENE 1:11

Ene iri-nen yosolar-e: ”Kat-nen kasu mende iri engga bem mbari-o. Lambuk tak inpidnak nap o tuju yu endam pil mbiri-o: Epesus min Simirina min Peregamus min Tiatira min Sarandis min Pilandelpia min Laorikia min endam pil mbiri-o” luk yij-o.

NAM PARA WENE 1:17

Nde, an-nen at yik kaginggal-e, ap wat yidnak nggal luk, at eralu mbud yigi-o. Alat nde, at-nen at inggi kigit nggwe-nen an tena nuburuk, yak norosolar-e: ”Kwiye kasu meyog-o! An-e tel koroso min woroksiyem min-nen yusu-o.

NAM PARA WENE 1:2

Yoanes na at erengen-nen kaidnak mende oboksa konggorosolar-e, Mbal Pem Nagawan-nen yidnak wene min Yesus Kerisut-nen nam tak pidnak wene min engga yu bem kenggel indij-o.

NAM PARA WENE 1:8

Nanduk na woraso, yawo na worasu, abok na wolma nap, Mondok Amawi worak Nagawan Indo Mbal Pem Nagawan-nen yosolar-e: ”An-e Tel Koroso min Woroksiyem min-nen yusu-o” luk yij-o.

NAM PARA WENE 19:13

At usum yirik woragaid iri-ge yabi-nen yugurik yirig-o. Nde, at unu yarogolar-e: ”Mbal Pem Nagawan Ene-o”.

NAM PARA WENE 2:8

”Simirina woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge at tel koroso min min woroksiyem min, wat lug-et nde, tuguruk uruk yidnak nap iri na-nen yidnak wene-o.

NAM PARA WENE 21:6

Iri yuruk, at-nen tuguruk yosolar-e: ”Abu ndak yij-o. Nde, an-e Tel Koroso min Woroksiyem min-nen yusu-o. An-e Nanduk-net Woraso, Abok-nen na irit Woramin Nagawan Indo-nen yusu-o. Yi nere kagwi nab-e an-nen we onggo lag-et mak ondosolar-e, unlug-et woragwi yi ulusu na kenangga mak indimin-o.

NAM PARA WENE 22:13

An-e nandug-et woraso, abok na woramin, tel koroso min woroksiyem min-nen yusu-o” luk yij-o.

NAM PARA WENE 3:14

”Laorikia woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge mot mot lud tak nak konggoroso nap, Mbal Pem Nagawan-nen ndak worak pidnak mende oboksa tel koroso Amin-nen yidnak wene-o.