YESKIEL 37:9 - Nanduk Ngget Tul Pidnak Wene

⁹ Iri ala, Mbal Pem Nagawan-nen an yak norosolar-e: ”Nggweyakma nap, lak yoso wa-e. O wija wene yak ti-o. Yak tosolar-e: ’Nagawan Indo Mondok Kek tak iri na-nen yosolar-e, tu abare mo mboso nggwe-nen na irit, mo luwaso nggwe-nen na irit, ena nggwe-nen na irit, abam nggwe-nen na irit kindisep puk kil lobok yi-o. Iri yosolat, it lugwinik worali ereba enarem indisep pu yaga pil nggosola, unluk mag-o’ luk o wija yak ti-o” luk yak nirij-o.

YESKIEL 37:9 ပူးပေါင်းရင်းမြစ်များ

NDAWI ENGGA 104:30

Alat nde, kat-nen indisep wok ondosola-net it iri-ge ndak wosa labuk yili-o. Kat-nen o yu-ge tuguruk ngget tak pusu-o.

YESKIEL 37:14

An-nen-e unluk tak enpeyekluk nindiseb-e it enarem pu yaga pil nggwimin-o. Iri rak unpurug-e, it ondomok enma tuguruk woragwi rak inpimin-o. Iri rak onposola karuk, it-nen-e an nimin-e Nagawan Indo-nen yusu-o luk enaru ma-o. Nagawan Indo an-nen yigi iri-ge mondok ndemeret kwarimin-er-o” luk yij-o.

YESKIEL 37:4

Iri luk, Nagawan Indo-nen an yak norosolar-e: ”An-nen it enmanggim yidnak wene yu-ge ap onowak nggilarak ereba yak indi-o. Yak ondosolar-e:

YESKIEL 37:5

’Nagawan Indo Mondok Kek tak an-nen-e kit-nen tuguruk kunluk yobokluk an nindiseb-e kenarem pu yaga pil nggwimin-o.

YESKIEL 37:8

Iri kwarosola, yik karok worasoma ereya na-net onowak ereba na-ge enmengen min ununo min panggarak puruk, enaboro-ge mbeyoksa labuk yij-o. Alat nde, enpe-ge indisep lak irit woragij-o.

OSEA 13:14

It enlem yu-ge wat yugwi elem ininggiyapma-nen inmiri yimin pug-o. Wat yugwi elem wa-e. Kat-nen idnak wat momtak kugwi-ge wigari-o! Kat keyabu yigisa lak tak poso iri na mondok wanosolat wolmin-o! An-e it enlem yu-ge tuguruk enabuwa yimin pug-o.

YOANES 3:8

Obube puk kil lobok yosolar-e, at indi-n pidnag-et mborosola, kir-e ene pu nak kulili-o. Ene pu nak kologolar-e: ’Ngge nggwe-nen lobok yusu? Ngge nggwe-nen mburusu?’ luk kabag-et worali-o. Nde, ap Konak Indi-nen ndet onposo-ge iri nggal-net yusu-o” luk yij-o.

NAM PARA WENE 10:11

Nasola-ge, an yak norosolar-e: ”Kar-e Mbal Pem Nagawan-nen-e ab-e ap oboksa min ap enlem oboksa min ap enne ndomok oboksa min it nagawan nagawan pidsa min kwat unpurak kirimbi tuguruk yak indil mbiri-o” luk yak nirij-o.

NAM PARA WENE 11:11

Nde, kenan nene luk, empat tak purak pem-e (3 ½ hari) Mbal Pem Nagawan-nen-e unluk tak purak indisep mbi pil lobok yosola-ge, Mbal Pem Nagawan-nen yidnak wene yugwi nap mberen na enarem nggosola, it na men yogola-ge, it eneyaiga nap oboksa-ge kwiye kwarat kaiga-o.