YESKIEL 37:1 - Nanduk Ngget Tul Pidnak Wene

¹ Nde, Nagawan Indo amawi an nebem mbosolar-e, at Indi-nen wok nuburuk, ap onowak nak-nen kobong tak mbirik iri na me nibij-o.

YESKIEL 37:1 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 18:12

Nde, erep-nen-e an yu me-nen mborosola-ge, Nagawan Indo Indi-nen kar-e waga an naru buk sa nin me nde kubuwa nde ma-o. Nde, erep-nen-e an-nen nde: ’Elia na-ge endeba worasu-o’ luk Akap yak timindik pem kogore yuwarik, lak ala karug-e, an nde nuruwa-o. An-e ndemeret marik pem-net Nagawan Indo erembel wanoso iri-ge karu nar-o.

2 NAGAWAN NAGAWAN-NEN KWARIDNAK WENE 2:16

yogolar-e; ”Nit nenpe lima pulu yu-ge nenmawi worak nak worali-o. Iri ala-ge, kat keid Elia iri-ge ogwere yil mburuwog-o. Erep-nen-e Nagawan Indo Indi-nen waruk mberarik, ndobo bem, lak? Are, mbirikmu, lak? ereba me nde mberak pidnak worasu nde kwat ma-o” luk yak tiga-o. Alat nde, Elia-nen yosolar-e; ”Mbururag-e lag-o” luk yak indij-et nde,

YEREMIA 7:32

Iri bem-e, ondoro iri unu yogolar-e, ’Topet’ yogolat, ’Inom Mbirikmu’ yogolat yili-t nde, unu iri yigit lak yurak tarem-e wog-et ma-o. Iri yosolar-e, unu-ge ’Unlusu Mbarugwi Mbirik’ yuwa-o. Ap yapma unpurak ondoro lak me, nggweyak iri me-ge ap yapma unpugwi ondoro nde kwat ma-o.

YESKIEL 3:14

Iri yosoma-ge, Nagawan Indo Amawi Mondok Kwiye Worak irit an nebem mbuwasolar-e, kud norosolat ereya na-net Konak Indi-nen wok nuburuk mborosola-ge, mondok nindi min ngari luk, nisilepma yigi-o.

YESKIEL 3:22

Nagawan Indo iri me wok yosolat, at amawi-ge an narem nggosolar-e, at-nen yak norosolar-e: ”Kar-e men luk, mbirik iri nggwe mbiri-o. Iri me-nen an-e kat kimin wene yimin-o” luk yosola, kuligi-o.

YESKIEL 33:22

Nde, at iri na kup lobok yekluk yosola-ge, kubu-ge Nagawan Indo amawi nebem mbosola kagi-o. Nde, ap iri na neram lobok yosola-ge, wene yurak meya woraso iri na-ge wene yoso kwat yigi-o.

YESKIEL 37:2

Nde, Nagawan Indo-nen-e an-e ndemel nuburuk mbirik iri na nggwe wangget kasolat-nen lombot posoma-ge, ap onowag-e obi-nen nggilara labuk yidnak mondok kwarat mbirik iri na me kobong tak kagi-o.

LUKAS 4:1

Yesus na-ge Yorodan arem-nen mborosoma-ge, Konak Indi-ge at arem kobong yosolar-e, Konak Indi-nen wok uburuk, karu me ap lak ma ibil mbirij-o.

YIDNAK YIDNAK WENE 8:39

Nde, ir-e yi ma-nen wigarik pem-e Nagawan Indo Indi-nen Pilipus na lomboksa wirik posola-ge, iyiri wabidnak nab-e kagit lak yij-et nde, at na mborosolar-e, alen min-et mbirij-o.

NAM PARA WENE 1:10

Nde, Nagawan Indo-nen idnak tarem-nen-e Konak Indi an narem nggosola-ge, an nombol nggwe-nen ene nggulok mbi, posid poba ene nggal, iri-nen wene yosola, kuligi-o.