YESKIEL 3:3 - Nanduk Ngget Tul Pidnak Wene

³ Wok norosolat-nen yosolar-e: ”Nggweyakma nap, lak yoso wa-e. Engga ket mbet mbarak yu nuruk, kurum arem tak pi-o” luk yak nirij-o. Yosoloma, engga iri na ningginggal-e nemndam-e undu-ge konak, tamuk amburu undu nggal irit kagi-o.

YESKIEL 3:3 ပူးပေါင်းရင်းမြစ်များ

NDAWI ENGGA 119:103

Tamuk amburu undu-ge konag-et nde, kat-nen yidnak wene undu-ge mondok konak terak minik-nen yusu-o.

NDAWI ENGGA 119:97

An-e kat-nen idnak imiri mbarak pidnak wene iri na nindi kundik woralar-e, pempi pempa kat-nen idnak imiri mbarak pidnak wene iri na-ge mbenat tenak worasu-o.

NDAWI ENGGA 19:10

Ndemeret emas iminep mbarak iri-ge nggok tak pugwi-t nde Nagawan Indo-nen idnak imiri mbarak pidnak wene iri-ge mondok terak minik ija lombok-nen yusu-o. Tamuk amburu mondok konak iri na undu konag-et nde, Nagawan Indo-nen idnak imiri mbarak pidnak wene undu-ge mondok terak minik konak-nen yusu-o.

NDAWI ENGGA 19:11

Ndegel koboso nap an-e kat-nen yidnak wene ereba oboksa-nen mul nurusu-o. Ereba oboksa-nen yidnak yidnak kwarugwi nap enmanggim-e onggo abu lid lud tak pidnak worasu-o.

YEREMIA 15:16

Kat-nen an nimin wene yosola-ge, kat-nen yusu wene oboksa-ge an-e kuligi-o. Nagawan Indo, Mbal Pem Nagawan Mondok Kamawi Worak wa-e. An-e kat karengge-nen yusu-o. Iri bem-e, kat-nen yidnak wene-nen nalen tak posolat, nindi yek tak posolat kwarij-o.

YEREMIA 20:9

Alat nde, an nindi arem-nen yebet kasolar-e: ”Nagawan Indo iri-ge meme rak posolat, at unu bem an-nen at-nen yidnak wene yusu iri-ge mondok keya beyeg-o” luk yebet kasolar-et nde, kat-nen nebem pidnak wene-ge kanduk nggal kererak an nindi arem worasu-o. Narem nak wolmakluk mamak pusu-t nde, an-nen mamak purag-e meya yusu-o.

YESKIEL 2:10

Engga iri na-ge urugwe ombol irit mbarag-o. Nde, wisiridnggal-e, engga iri na arem-e yip tugwi min yane wurugwi min yane worogolat pabok pogolat-nen yugwi min ereba na engga iri na bem mbarak kagi-o.

YESKIEL 2:8

Nggweyakma nap, lak yoso wa-e. An-nen kat yak kirimin wene-ge kwara kuli-o. It-nen kwatli nggal an nimin eyak wururak pug-o. Kar-e kondokwak perarak puruk, an-nen wok kirimin mende nak min-o” luk yak nirij-o.

YESKIEL 3:4

Tuguruk Mbal Pem Nagawan-nen yosolar-e: ”Nggweyakma nap, lak yoso wa-e. Kar-e Isarael nap endam mburugundik, it enmanggim an-nen kebem pimin ereba na oboksa yak indi-o.

YOANES 7:38

Ap an nebem inndi angin tubu yuwa nap enmanggim-e Mbal Pem Nagawan engga bem-nen yosolar-e: ’At arem-nen unlug-et wolmomtak yi-ge urusu kundik mborosolat nak wolma-o’ ” luk yij-o.

KOLOSE 3:16

Kerisut owene utlud lombok iri-ge kit kenarem wolmag-o. Kinndi mondok lid tak pem-nen-e kit na kit-net mul kerak mbogolat, kit na kit-nen nggomo wat kerak mbogolar-e, ndawi engga bem nde, Mbal Pem Nagawan erembel wanugwi ndawi bem nde, aid ndawi bem nde yogolar-e, kit kinndi arem-nen ”Mbal Pem Nagawan wiwa-o” luk yak togolat wolmer-o.