YESKIEL 3:21 - Nanduk Ngget Tul Pidnak Wene

²¹ Nde, konak nap iri na nde at-nen meya kwaruwa naru kat-nen nggomo worosola, kat-nen nggomo wurugun iri na ndak ndag-et kwarosola-ge, at iri na lak tak pimin-e bug-o. Kat na kurug-et woragun-o” yak nirij-o.

YESKIEL 3:21 ပူးပေါင်းရင်းမြစ်များ

NDAWI ENGGA 19:11

Ndegel koboso nap an-e kat-nen yidnak wene ereba oboksa-nen mul nurusu-o. Ereba oboksa-nen yidnak yidnak kwarugwi nap enmanggim-e onggo abu lid lud tak pidnak worasu-o.

YESKIEL 33:9

Nde, kat-nen nde meya kwaroso nap iri na nde nggomo wurugun-et nde, ar-e meya nak kwat tenak, kondok yigit lak meya elem iri-net wat ma-o. Alat nde, kar-e kurug-et woragun-o” luk yij-o.

YIDNAK YIDNAK WENE 20:31

Iri bem-e, kwil kwalsa wolmer-o. An-e olengen ebis-et kenan woralar-e, kubu-nen, lengge-nen yip lengen min-et kundugu kit pidsa nggomo kondosolat woragi na-ge kinndi yebet yebet tak wolmer-o.

1 KORINTUS 10:12

”An-e nggwelsa mendak worasu-o” perasu nab-e wosa mbimin naru, indi mbera-t wolmag-o.

1 KORINTUS 4:14

An-e wene yu kenmanggim mbarusu yu-ge kinnggiri rak peyekluk-nen mbarusu-ge lag-o. Are, an nilirak nindi kundik nggomo kondosolat-nen mbal kundusu-o.

KOLOSE 1:28

Iri bem-e, Kerisut owene iri-ge nir-e ab-e ap oboksa yak indili-o. Nit ninndi mondok pindong tak pem-net ap oboksa nggomo indilik, mul indilik yogolar-e, it enarik tag-et Mbal Pem Nagawan eram inpil lobok yogola, Kerisut ebem iminep mbal yidnak nap makluk-nen yili-o.

1 TESALONIKA 5:14

Nennggamirak wa-e. Kir-e wene kuruk tugwi nap iri nggomo ondogolat, inndi terak yugwi nap iri inndi uwi ya bogolat, ndeyak woragwi nap iri na yongga ondogolat, ap oboksa inmin kinndi luruk puruk wolmer-o luk kenmengen mbatli-o.

1 TIMOTIUS 4:16

Kat-net kondomok kwil kwal korasolat, kat-nen mul ondoso wene kwara yik karok woralat min-o. Yu mende pidsa kwara kwarosolat wolmin-o. Nde, iri yugun pem-e, kat kondomok kimiri yosolat, kat-nen yidnak wene kuluwa nap na inmiri yosolat yugun-o.

TITUS 2:15

Wene yu oboksa mul ondosolat, nggomo ondosolat, meya kwarogola, met onposolat yosolar-e, kene amawi min-et yurag-o. Nde, ap misik-nen kat teberak nggal yik kiyudtag-e meya-o.

YAKOBUS 5:20

engga wene yu kinndi yebet yebet tak wolmer-o: Ta-nen nde meya yoso nap iri na meya tulabiyem-nen nden yaga ibil lobok yosolar-e, meya yoso nap iri na-ge at wat momtak sa-nen indi imiri yosolar-e, at meya yidnak kwarar-et nde, lak tak ubuwa-o.

NAM PARA WENE 3:19

An-nen enabuwa kaso nab-e nggomo nggal eneyanggo wat makluk linggamburok ondoso-o. Iri bem-e, kir-e kenmawi kunduruk, kit meya yidnak keya buruk, kondok yer-o.