YESKIEL 3:19 - Nanduk Ngget Tul Pidnak Wene

¹⁹ Nde, kat-nen nde meya kwaroso nap iri nde nggomo wurugun-et nde, ar-e meya nak kwat tenak, kondok yigit lak, meya elem arem iri-net wat ma-o. Alat nde, kar-e kurug-et woragun-o.

YESKIEL 3:19 ပူးပေါင်းရင်းမြစ်များ

YESKIEL 3:18

An-nen yosolar-e: ’Meya yoso nap iri na mondok wat ma-o’ yak kirimin-et nde, kat-nen nde at abage iri nden kasola, imiri yuwakluk nggomo wirigit lak irit worasoma, at-nen meya irit kwat tenak worasoma wat ma iri-ge erem-e kat kebem-et pimin-o.

YESKIEL 3:21

Nde, konak nap iri na nde at-nen meya kwaruwa naru kat-nen nggomo worosola, kat-nen nggomo wurugun iri na ndak ndag-et kwarosola-ge, at iri na lak tak pimin-e bug-o. Kat na kurug-et woragun-o” yak nirij-o.

YESKIEL 33:3

Nde, tu yik karok woraso iri na-nen wim nap lobok yogolat eneyarug-e, at-nen-e wim lobok yogola-nen ene lo rak pugwi mende ap oboksa-nen kwil kwalsa wolmakluk ene lo rak poso-o.

YESKIEL 33:9

Nde, kat-nen nde meya kwaroso nap iri na nde nggomo wurugun-et nde, ar-e meya nak kwat tenak, kondok yigit lak meya elem iri-net wat ma-o. Alat nde, kar-e kurug-et woragun-o” luk yij-o.

YIDNAK YIDNAK WENE 20:26

Iri bem-e, yanem-et nam-et yak kendeyeg-o. Kit pidsa keneyabi-ge an nebem-e lag-o.

1 TESALONIKA 4:6

Yu mende kwarugwi bem-e ap misik-nen at anggam meya rak posolat, at anggam ombol pem ludtak pug-o. Nandug-e wene yu yak kondogolar-e: ”Nagawan Indo-nen iri mende kwarugwi nap enpem wene mbaruwa-o” luk nir-e nenne amawi min yak kindige nar-o.

1 TIMOTIUS 4:16

Kat-net kondomok kwil kwal korasolat, kat-nen mul ondoso wene kwara yik karok woralat min-o. Yu mende pidsa kwara kwarosolat wolmin-o. Nde, iri yugun pem-e, kat kondomok kimiri yosolat, kat-nen yidnak wene kuluwa nap na inmiri yosolat yugun-o.

IBERANI 12:25

Iri bem-e, wene yak kundusu nap-nen yidnak wene iri-ge ”Kulimin pug-o” luk yugup naru, kwil kwalsa womer-o. Nggweyak ma yu me-nen Mbal Pem Nagawan-nen yidnak wene yak ondogola, ”Kulul pug-o” luk yiga nap ereya-ge at inggem-nen mengga mbirigit lak nar-o. Nde, nit-nen na irit aid arem-nen wene mberak pil mbuwasu iri na kuligit lak keya bogola-ge, nggesa-nen at inggem-nen mengga mburul-o? Mondok meya-o.