YESKIEL 3:18 - Nanduk Ngget Tul Pidnak Wene

¹⁸ An-nen yosolar-e: ’Meya yoso nap iri na mondok wat ma-o’ yak kirimin-et nde, kat-nen nde at abage iri nden kasola, imiri yuwakluk nggomo wirigit lak irit worasoma, at-nen meya irit kwat tenak worasoma wat ma iri-ge erem-e kat kebem-et pimin-o.

YESKIEL 3:18 ပူးပေါင်းရင်းမြစ်များ

NDAK WIRIDNAK WENE 2:17

Alat nde, meya min konak min elem enaru rak poso e yu engen perak nde, mondok norak pug-o. Nunggun nde ala-ge, nunggun iri tarem-et wat yugun-o” yak tij-o.

NDAK WIRIDNAK WENE 42:22

Yogoloma, Uruben-nen yosolar-e: ” ’La iri ebem-e yi kwatlik ndi kwatlik kwarurak pug-o’ luk nanduk yak kindigi na-t nde, kir-e an nene-ge kuligit lak yigeb-o. Iri na bem emep onggo-ge nit nunduwa-o” luk yak indij-o.

2 NAGAWAN NAGAWAN-NEN KWARIDNAK WENE 1:4

Kat-nen Nagawan Agasia yak tosolar-e: ’Kar-e ki yugun pug-o. Wat yugun-o luk Nagawan Indo-nen yak kirij-o’ yak ti-o” luk yak tij-o. Iri yamu Elia na-ge Nagawan Indo-nen ebem pid iri na kwasa yak ondosola-ge,

YESKIEL 18:13

at arengge luru ap wok ondosolar-e: ’Siyak nambena puruk wok nururag-o’ luk wok ondosolat yoso-o. Ap iri nggal kwaroso-ge uruk wolma-o luk perali-a? Mondok uruk wolma bug-o. At iri-ge mondok yi meya ndi meya ereba na nak kwat tenak wolmarik, wat ma iri-ge at-nen meya kwat tenak wolma ereba na-net ndowaga wat ma-o.

YESKIEL 18:20

Meya yoso nab-e war-et ma-o. Eid-nen meya yidnak pem-e ambara ebem angin worak mbuwa bug-o. Iri nggal-et ambara-nen meya yidnak pem-e eid ebem angin worak mbuwa bug-o. Konak nab-e at-nen konak nak kwarosolat woraidnak pem onggo-ge konag-et wanuwa-o. Nde, meya yugwi nab-e at-nen meya kwaridnak pem andi bandi kagolat wolma-o.

YESKIEL 18:4

Ap oboksa inndi iri-ge an narengge-nen yusu-o. Ineid iniya inndi na irit, inlirak inndi na irit an narengge-nen yusu-o. Meya yoso nap iri-ge at iri na-t wat ma-o.

YESKIEL 3:20

Nde, konak nap misik-nen nde meya kwaroso tel korosola, an-nen at are burak mende abuwok posola, kat-nen nde nggomo wirigit lak worala, wat ma iri-ge at-nen meya kwaroso bem-et wat ma-o. At-nen konak kwaroso ereba na-ge an-nen-e nindi yeberak woramin pug-o. Alat nde, at wat ma iri-ge erem-e kat kebem-et pimin-o.

YESKIEL 33:12

Nggweyakma nap, lak yoso wa-e. Kat-nen Isarael nap yak ondosolat-nen yosolar-e: ’Konak nap iri na-nen nde meya kwarosola-ge, at-nen nanduk konak kwarosolat woraidnak iri na bem-nen at imiri yuwa-ge lag-o. Nde, meya yoso nap iri na nde at-nen meya kwaroso iri na keya bosola-ge, angin worak ebem puwa bug-o. Iri nggal-et konak woraso-net nde meya kwarosola-ge, imiri yuwa bug-o.

YESKIEL 33:6

Alat nde, tu yik karok woraso nap iri na-nen nde wim nap lobok yogola eneyarug-et nde, wim lobok yogola, ene lo rak pugwi mende ene lo rak pigit lak yosoma, meya yugwi nap ereba unduwama-ge, meya yugwi nap ereba na indidnak pem erem-e tu yik karok woraso iri na bem-et an-nen-e pimin-o.

YESKIEL 34:10

Nagawan Indo Mondok Kek tak an-nen yak kundusu-o. An-e kit kinmin sirid nap-nen yusu-o. Nde, nolomba ereba na-ge kit kendam-nen tuguruk wanosolat, kit-nen lomba yik karok wolmomtak kenpem pigi yabu na-ge mondok pem lak tak pimin-o. An-nen-e kit kondomok kenmanggim nggok tak purak nak yebet kagwi elem iri na-ge lak tak pimin-o. Nde, nolomba ereba na-ge an-nen imiri yumu, kir-e nunggup pug-o’ yak kundusu-o” luk yij-o.

LUKAS 13:3

An yak kendeyeg-o. Mondok lag-o! Nde, kit meya yidnak keya buruk kondok yigit lak ala-ge, kit pidsa na iri nggal-et lak yugub-o.

LUKAS 13:5

Mondok lag-o! An yak kendeyeg-o. Nde, kit meya yidnak keya buruk kondok yigit lak ala-ge, iri nggal-et lak yugub-o” luk yij-o.

YOANES 8:21

Iri luk, Yesus-nen it tuguruk yak ondosolar-e: ”An-e mbirimin-o. Nde, kit-nen an nogore yugub-et nde, kit meya yidnak min woragolat-net wat yugub-o. An mbirimin sa kit-nen wok yil mbururag-e meya-o” luk yak indij-o.

YOANES 8:24

Iri bem-e, ’Kit meya yidnak min woragolat-nen wat yugub-o’ luk yak kindigi nar-o. Nde, kit-nen-e an nimin-e ’Ar-e Ar-e woraso-net yusu-o’ luk kinndi an nebem angin tubu yigit lak ala-ge, kit meya yidnak min woragolat-nen war-et yugub-o” luk yak indij-o.

YIDNAK YIDNAK WENE 2:40

Yak undurug-e, wene erep kwarat nimi nomosa yak unduruk, nggomo kiri keresa yak ondosolar-e: ”Yawo worali nap meya nak kwarugwi nggal yugub-o luk kenambikpebe-t kinmiri yer-o” luk yak indij-o.

YIDNAK YIDNAK WENE 3:19

Iri bem-e, kit meya yogolat woraidnag-e korak kunpuwaklug-e, kinndi wanuruk, kondok yer-o.

1 TIMOTIUS 4:16

Kat-net kondomok kwil kwal korasolat, kat-nen mul ondoso wene kwara yik karok woralat min-o. Yu mende pidsa kwara kwarosolat wolmin-o. Nde, iri yugun pem-e, kat kondomok kimiri yosolat, kat-nen yidnak wene kuluwa nap na inmiri yosolat yugun-o.

1 TIMOTIUS 5:22

Mbal Pem Nagawan eyabu wanuwaklug-e, mija lele ap enanggul tenagurak pug-o. Nin nap-nen meya yidnak arem kat tet nggurak pug-o. Are, kwara ndegel korasolat, mbek tak irit wolmin-o.

1 SEMUEL 8:9

Iri bem-e it-nen nggi yili irit kuli-o. Alat nde, kat-nen abuwokma enaru wolmakluk yak ondosolar-e, abok nagawan iri-nen kwat unpuwa iri-ge mondok kwara enaru rak purag-o” luk yak tij-o.