YESKIEL 3:11 - Nanduk Ngget Tul Pidnak Wene

¹¹ Kar-e kelem nap mbo inpidnak sa worali ereba endam mbiri-o. Nagawan Indo Mondok Kek tak an-nen it yak undusu wene-ge kuluwa, lak, lag-a? Yak nak indil mbururag-o” luk yak nirij-o.

YESKIEL 3:11 ပူးပေါင်းရင်းမြစ်များ

MBIRIGA WENE 32:7

Iri yogola, Mbal Pem Nagawan-nen Musa yak tosolar-e: ”Kar-e ndag-et nak mbi-o. Kat kelem nap Mesira-nen lit unpuruk lobok yigen ereba na-ge meya kwatli-o.

YESKIEL 2:4

It iri-ge mondok eneyanggo lak, an-nen yidnak yidnak kwarugwi buk-net yili-o. Kar-e Nagawan Indo Mbal Pem Nagawan Mondok Kek tak an-nen kebem pimin wene iri yak ondonokluk, it endam wirik kubusu-o.

YESKIEL 2:5

It iri-ge kuluwa, lak? Kuligit lak ma, lak? Yak nak undurag-o. Mbigija-ge Mbal Pem Nagawan ene lomboksa yoso nap nit nennggendumu worasu-o luk enaru yuwa iri nag-o.

YESKIEL 2:7

Kar-e an-nen kebem pimin wene-ge oboksa yak undurag-o. It-nen-e kuluwa, lak, lag-a? Iri-ge it enpem-o. Yak nak undurag-o. Nde, it iri-nen wene eyak wurugwi-ge kar-e karu nar-o.

YESKIEL 3:10

Nde, Mbal Pem Nagawan-net wene erep min-et yosolar-e: ”Nggweyakma nap, lak yoso wa-e. An-nen kat yak kirimin wene kwara yebet karuk, kwara yeberak wolmin-o.

YESKIEL 3:12

Iri yosola-ge, Mbal Pem Nagawan Indi-nen an-e lek neyaruk lagaij-o. Iri yosola, nombol nggwe-nen ene o nggu nggal pem-nen yosolar-e: ”Nagawan Indo aid arem iri me abinal worak woraso iri na erembel wanurag-o!” yosola, kuligi-o.

YESKIEL 3:15

Nde, wok nuburuk mberarig-e, Yi Kebat eyak pem o Tel-Abib mbo inpidnak nap nak ndok wosa o wosa inpidnak sa iri na me-t wok yigi-o. Wok yigirik, iri me tuju bem-e woralar-e, an-e mul mul-et kasolat, kolosolat kwarigi ereba na bem-e wendet yosolat, wi tenak woragi-o.

YESKIEL 3:27

Abok an-net tuguruk kat kimin wene yosola perak kat-nen wene yurak amawi-ge kebem pil lobok yimin-o. Iri yumu-ge, Nagawan Indo Mondok Kek tak an-nen it yak undurak kebem pidnak wene-ge mondok it yak undugun-o. Nde, it iri-ge ndemeret wene eyak wurugwi me, kat-nen yak ondosola-ge, ap erep-nen-e kat-nen yak undugun wene kuluwa-t nde, ap erep-nen-e mondok kuluwa bug-o” luk yij-o. 4:1–17:24 Pasal ya arem-e Nagawan Indo-nen-e Yeskiel emndam tak pidnak wene kwarat ereba-ge Yerusalem siri iri na wim nap ininggem mburak wene min Isarael nab-e wim nap enma mbo inpil mbururak wene min iri-nen Mbal Pem Nagawan ilirak-nen kugwiwak erembel wanogolat, meya nak kwat tenak woragwi bem angin worak mende ereba na enpem mbidnak wene min-et mbarak worasu-o.

YESKIEL 33:12

Nggweyakma nap, lak yoso wa-e. Kat-nen Isarael nap yak ondosolat-nen yosolar-e: ’Konak nap iri na-nen nde meya kwarosola-ge, at-nen nanduk konak kwarosolat woraidnak iri na bem-nen at imiri yuwa-ge lag-o. Nde, meya yoso nap iri na nde at-nen meya kwaroso iri na keya bosola-ge, angin worak ebem puwa bug-o. Iri nggal-et konak woraso-net nde meya kwarosola-ge, imiri yuwa bug-o.

YESKIEL 33:17

Alat nde, it ap enlem iri-nen-e an-nen kwarusu-ge mot mot kwarusu bug-o luk yak nitli-t nde, it perak nde mot mot kwatli bug-o.

YESKIEL 33:2

”Nggweyakma nap, lak yoso wa-e. Kat-nen kelem nap yak indi-o. An-nen o misik inmin wim mbarak posoma-ge, yu nggal kwat ma-o. O iri na me woragwi-nen-e it ennggendumu-nen tu yik karok wolmomtak misik lenak puwa-o.

YESKIEL 33:30

Nagawan Indo-nen yosolar-e: ”Nggweyakma nap, lak yoso wa-e. Kat kelem nap-nen pak tumende bem ala na, o tumende bem ala na, ennggamirak inmin lambuk luk wene mbarogolar-e, kat kobok nak pili-o. It-nen ennggamirak inmin yak kerak mbogolar-e: ’Naptag-o. Nagawan Indo-nen o yawo yak nindidnak wene kuluwok-nen ndak mburuwog-o’ luk yili-o.

YESKIEL 37:18

Iri rak pugunmu, kat kelem nap-nen: ’Wangun yu-ge ngge kwaridnak wangun-o?’ luk kin wok kobogola-ge,

NDANIEL 12:1

Nde, aid nap sum linen sum yirik iri na-nen tuguruk yosolar-e: ”Iri tarem abog-e aid nap kek tak kit kenlem Isarael nap nggetlel kunpuruk woraso Mikael iri na wok ma-o. Iri luk imbirig-e anggun panggun wolmomtak tarem irit wok ma iri-ge ap nanduk woraiga ereba woragolat-nen enpem mboso nggal-e lag-o. Are, terak mena anggun panggun wolmomtak tarem irit wok ma-o. Alat nde, kit kenlem nap unnu Mbal Pem Nagawan engga bem mbarak worasu nab-e inmiri-t yuwa-o.

NDANIEL 6:13

Karug-e, it ereba na-ge Ndaniel obok waruk nagawan iri na eram mbirigarik-nen yogolar-e: ”’Tiga pulu tarem ya bem woragolar-e, kugwiwak emengen mbatlik, ki nap mbi enmengen mbatlik iri-ge mondok yurak pug-o. Are, nagawan kat nak kemengen mbarurag-o. Ta-nen nde wene mbaridnak iri na nde kwid tosola-ge, singa ndakngge emndam mbunmu mberak purag-o’ luk yidnak engga iri na bem kat-nen kinggi amburu pigen na-ge lag-a?” luk yiga-o. Yogola-ge nagawan iri na-nen onggo yosolar-e: ”Iri-ge ndemerer-o. Wene iri-ge tuguruk lak tak purak wene-ge lag-o. Meria min Perisia min-nen pempa kwarogolat wolmomtak watsa pidnak wene-net yusu-o” luk yij-o.

TUGURUK YIDNAK WENE 9:12

Wok norosolug-e, Nagawan Indo-nen an yak norosolar-e: ’Kar-e ndag-et nak mbi-o. Kelem nap Mesira-nen wok unpuruk lobok yigen ereba-ge meya nggok mbi kwarigarig-o. An-nen yidnak wene keya buruk, lugud tak nggwe mborogolat, kugwiwak mbi erembel wanurak ndak wirigarik worali-o’ yij-o.