YESKIEL 2:7 - Nanduk Ngget Tul Pidnak Wene

⁷ Kar-e an-nen kebem pimin wene-ge oboksa yak undurag-o. It-nen-e kuluwa, lak, lag-a? Iri-ge it enpem-o. Yak nak undurag-o. Nde, it iri-nen wene eyak wurugwi-ge kar-e karu nar-o.

YESKIEL 2:7 ပူးပေါင်းရင်းမြစ်များ

MBIRIGA WENE 6:29

”An-e Nagawan Indo-nen yusu-o. Nde, an-nen yak koroso wene ereba oboksa-ge Mesira nagawan iri yak ti-o” luk yak tij-et nde,

YEREMIA 1:17

Iri bem-e, Yeremia wa-e. An-nen kebem pusu wene yeba oboksa it yak indil mbururak pem lud tak wolmin-o. Kar-e it endam wok yosola, an-nen kwiye ijak wosa keya kibimin naru, kar-e it enaye-ge mondok yurak pug-o.

YEREMIA 1:7

Alat nde, Nagawan Indo-nen onggo yak norosolar-e: ”Kat-nen yosolar-e: ’An-e li awo mendaso’ luk yusu-ge meyog-o. An-nen nde ap endam wirik kobosola-ge, mondok mburugun-er-o. Nde, an-nen ’Mondok yak undurag-o’ luk kebem pimin-e mondok oboksa yag-et undurag-o.

YEREMIA 23:28

Nde, an nene lomboksa yoso nap-nen nabi kasolug-e, ’We nabi kagi-o’ luk yurag-o. Nde, an-nen wene enpem pidnak nap-nen-e enpem pidnak ereba na-t ndemeret yak undurag-o. Nggandum mbato-ge ariwak min ndak ndak tak purag-e meya-o.

YEREMIA 26:2

Nagawan Indo-nen an yak norosolar-e: ”Kar-e mburugundik, an nuwi mborom mendak woralar-e, Yewura woragwi nap an nerembel wanurak iri me lobok yogola-ge, it yak ondonokluk an-nen kat kebem pigi wene-ge oboksa yak indi-o. Mondok mariger-o luk tet keya burak pug-o.

YEREMIA 36:14

Yak ondosoloma-ge, it pemerinta yabu winde ereba na-nen-e Kusi ambara Selemia ambara Netania-nen ndagid Yewuri iri na yak togolar-e: ”Mbaruk eram mburugundik, Mbaruk imin lobok yosolar-e, engga ket mbet mbarak at-nen wonarid engga iri na min-et nendam waruk lobok yuwag-o” luk yaga wirik pikma, mberarik, Mbaruk na imin lobok yosola-ge, Mbaruk-nen-e engga iri na min-et waruk lobok yij-o.

YEREMIA 6:28

It iri oboksa-ge wene kulugwi buk, tembaga min mbesi min amawi nggal inndi amawi, eyak nak wat tenak woragwi-nen yili-o. It iri-ge ap onpok pugwi wene nak waruk waring tenak woragolat, enmben to yili-o.

YEREMIA 7:27

Iri luk, Nagawan Indo-nen yosolar-e: ”Iri bem-e, Yeremia wa-e. Wene yeba oboksa an nilirak ereba-ge yak undugun-et nde, kat-nen yak undugun wene-ge kwara kuluwa bug-o. Kat-nen wene mbo unpugun-et nde, onggo kene erep mondok nggaruwa bug-o.

YESKIEL 2:5

It iri-ge kuluwa, lak? Kuligit lak ma, lak? Yak nak undurag-o. Mbigija-ge Mbal Pem Nagawan ene lomboksa yoso nap nit nennggendumu worasu-o luk enaru yuwa iri nag-o.

YESKIEL 3:10

Nde, Mbal Pem Nagawan-net wene erep min-et yosolar-e: ”Nggweyakma nap, lak yoso wa-e. An-nen kat yak kirimin wene kwara yebet karuk, kwara yeberak wolmin-o.

YESKIEL 3:17

”Nggweyakma nap, lak yoso wa-e. Kar-e an-nen Isarael nap yik eneyarok wolmomtak nap irit lenak kibigi-o. Worasoma, an-nen it enmanggim kebem pimin wene-ge iri yak undurag-o.

YESKIEL 3:4

Tuguruk Mbal Pem Nagawan-nen yosolar-e: ”Nggweyakma nap, lak yoso wa-e. Kar-e Isarael nap endam mburugundik, it enmanggim an-nen kebem pimin ereba na oboksa yak indi-o.

YESKIEL 33:7

Nggweyakma nap, lak yoso wa-e. Kar-e an-nen Isarael nap yik eneyarok wolmomtak nap irit lenak kibigi-o. Worasoma, an-nen it enmanggim kebem pimin wene-ge it yak undurag-o.

AMOS 3:13

Nde, Nagawan Indo Mbal Pem Nagawan Mondok Amawi worak Kek tak iri na-nen yosolar-e: ”Yakup-nen wigarak iri-ge kwara lombot unpuruk, inndi wanuwakluk nggomo ender-o.

YUNUS 3:2

Yak tosolar-e: ”Kar-e Niniwe siri nggok iri me mbiri-o. Mburugundig-e, o iri me woragwi nab-e an-nen yak undurak kebem pigi irit yak undurag-o” luk yak tij-o.

MATIUS 28:20

an-nen ’Iri nggal mer-o’ luk yak kindigi wene oboksa-ge it mul ender-o. Yebet yebet tak wolmer-o. An-e pempa-t kit kinmin irit worasoma, woroksiyem wok ma-o” luk yak indij-o.