YESKIEL 2:4 - Nanduk Ngget Tul Pidnak Wene

⁴ It iri-ge mondok eneyanggo lak, an-nen yidnak yidnak kwarugwi buk-net yili-o. Kar-e Nagawan Indo Mbal Pem Nagawan Mondok Kek tak an-nen kebem pimin wene iri yak ondonokluk, it endam wirik kubusu-o.

YESKIEL 2:4 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 22:14

Alat nde, Mika-nen onggo yosolar-e: ”Uruk nak woraso Nagawan Indo owag-o. An-e Nagawan Indo-nen yak nuruwa nak yimin-o” luk yij-o.

NDAWI ENGGA 95:8

”Nanduk konmborak-nen o Meriba iri me-nen eneyanggo lak yiga iri na nggal-e kwarurak pug-o. Nembaga o Masa iri me-nen kwariga iri na nggal-e kwarurak pug-o.

YEREMIA 1:7

Alat nde, Nagawan Indo-nen onggo yak norosolar-e: ”Kat-nen yosolar-e: ’An-e li awo mendaso’ luk yusu-ge meyog-o. An-nen nde ap endam wirik kobosola-ge, mondok mburugun-er-o. Nde, an-nen ’Mondok yak undurag-o’ luk kebem pimin-e mondok oboksa yag-et undurag-o.

YEREMIA 36:21

Yak togolikma-ge, nagawan iri na-nen-e Yewuri iri na-ge engga ket mbet mbarak iri na wil mburuwakluk wirik ibij-o. Yosoloma, Yewuri na mberarik, engga ket mbet iri na Elisama woraso sa-nen waruk lobok yarig-e, engga iri na-ge nagawan min pemerinta yabu winde eralu mendak worali ereba min-nen kuluwakluk wonarij-o.

YESKIEL 3:11

Kar-e kelem nap mbo inpidnak sa worali ereba endam mbiri-o. Nagawan Indo Mondok Kek tak an-nen it yak undusu wene-ge kuluwa, lak, lag-a? Yak nak indil mbururag-o” luk yak nirij-o.

YESKIEL 3:27

Abok an-net tuguruk kat kimin wene yosola perak kat-nen wene yurak amawi-ge kebem pil lobok yimin-o. Iri yumu-ge, Nagawan Indo Mondok Kek tak an-nen it yak undurak kebem pidnak wene-ge mondok it yak undugun-o. Nde, it iri-ge ndemeret wene eyak wurugwi me, kat-nen yak ondosola-ge, ap erep-nen-e kat-nen yak undugun wene kuluwa-t nde, ap erep-nen-e mondok kuluwa bug-o” luk yij-o. 4:1–17:24 Pasal ya arem-e Nagawan Indo-nen-e Yeskiel emndam tak pidnak wene kwarat ereba-ge Yerusalem siri iri na wim nap ininggem mburak wene min Isarael nab-e wim nap enma mbo inpil mbururak wene min iri-nen Mbal Pem Nagawan ilirak-nen kugwiwak erembel wanogolat, meya nak kwat tenak woragwi bem angin worak mende ereba na enpem mbidnak wene min-et mbarak worasu-o.

YESKIEL 3:4

Tuguruk Mbal Pem Nagawan-nen yosolar-e: ”Nggweyakma nap, lak yoso wa-e. Kar-e Isarael nap endam mburugundik, it enmanggim an-nen kebem pimin ereba na oboksa yak indi-o.

YESKIEL 3:7

Alat nde, it enlem Isarael nap iri-nen-e kene kuluwa bug-o. An nene-t nde, kulili buk iri nar-o. It oboksa-ge wene kulugwi buk, an nimin eyak nak wurugwi-net yili-o.

AMOS 7:15

Alat nde, Nagawan Indo-nen-e lesa at-nen yidnak wene Isarael nap yak unduwakluk wok nebamu-o.

MATIUS 10:16

”Yu nde ker-o. An-nen wirik konposolar-e, lomba wam-e ndakngge enggendumu wirik pugwi nggal wirik kunpusu-o. Iri bem-e, kir-e kinndi tenggerak waro nggal woragolat, kinndi yanggonak towe merpati nggal woragolat mer-o.

TUGURUK YIDNAK WENE 10:16

Iri ala-ge, yawo kuri-nen kinndi amawi yili iri keya buruk, mondok Nagawan Indo-nen yidnak yidnak kwarurag-o.

TUGURUK YIDNAK WENE 31:27

Nde, it wene kulugwi buk, eneyanggo lak, eyak nak wat tenak woragwi iri-ge an-e naru-o. An nuruk worala perak Nagawan Indo imin eyak nak wat tenak worali yu-ge an nde wat yumu-ge, mondok abunuk kwat tenak wolma-o.