YESKIEL 2:3 - Nanduk Ngget Tul Pidnak Wene

³ ”Nggweyakma nap, lak yoso wa-e. Kar-e an-nen Isarael nap inmin eyak worogolat wim mbarugwi nap ereba na endam wirik kubusu-o. It iri na onmborak nggal an nimin eyak wurugwi nap-net yili-o.

YESKIEL 2:3 ပူးပေါင်းရင်းမြစ်များ

ESERA 9:7

Nanduk nonmborak woraiga kuri-nen nit yawo-nen na kat kilirak nir-e kat kimin meya kwat tenak worali-o. Meya nak kwat tenak woragola-ge, nit min nit-nen idnak nagawan nagawan min nit-nen idnak tepan omborak min nit oboksa-ge enlem nin nap nagawan ereba na-nen-e urugwe nggwe rak nonpogolat, nondogolat, nenarengge yariya wanogolat, wim kugun pem kamat nunpuruk mborogolat, nam-et ap inmbiri bem nggweyel nonpogolat kwatli-o. Iri kwat nonpogolar-e, yawo na kwat ninpili yur-o.

NEMIA 9:26

Alat nde, kilirak-nen-e kat kimin eyak nak worogolat, kat-nen yidnak yidnak kwarigit lak yiga-o. Nde, it-nen-e kat-nen idnak imiri mbarak pidnak wene ereba na-ge keya buruk, kat kene lomboksa yugwi nab-e ’Tuguruk nden karuk Kenmbal Pem Nagawan eram mberer-o’ luk yak undugwi ereba na nde indiga-o. Nagawan Indo wa-e. Iri nggal kwarogolar-e, it nen-e pempa kat enlengenma nggal tak kobogolat woraiga-o.

YESAYA 30:1

Nagawan Indo-nen yosolar-e: ”Yewura nap ennggendumu enne kulugwi nab-e an nimin eyak witli me, mondok enabuwa worag-o. It iri-ge an nindi-nen peragit lak, it inndi-nen pidnak nak langgal luk mbitli-o. It iri-ge an nindi-nen peragit lak, ’Ereba na kwarul-o’ luk urul pogolat ininggi amburu pili-o. Iri kwarogolar-e, it meya yidnag-e kwarat ligik lasu-o.

YEREMIA 1:7

Alat nde, Nagawan Indo-nen onggo yak norosolar-e: ”Kat-nen yosolar-e: ’An-e li awo mendaso’ luk yusu-ge meyog-o. An-nen nde ap endam wirik kobosola-ge, mondok mburugun-er-o. Nde, an-nen ’Mondok yak undurag-o’ luk kebem pimin-e mondok oboksa yag-et undurag-o.

YEREMIA 36:2

”Kar-e engga ket mbet nggitlik misik wanuruk yugundig-e, Yewura min Isarael min iri-nen ap enlem oboksa min onowene yak kirigi ereba na oboksa mbari-o. Iri mbarosolar-e, nanduk Nagawan Yosia-nen o tena woragid kuri-nen yawo kuri ereya woragolat-nen mondok nandug-et an-nen kat kimin wene yosolat-nen yak kirigi wene-ge oboksa engga bem pi-o.

AMOS 7:15

Alat nde, Nagawan Indo-nen-e lesa at-nen yidnak wene Isarael nap yak unduwakluk wok nebamu-o.

MALEAKI 3:7

Kir-e nanduk konmborak-nen kwariga ereba na nggal-et an-nen imiri mbarak pidnak wene-ge keya buruk, lugud tak nggwe mborogolar-e, an-nen ’Irit kwarurag-o’ luk yidnak wene-ge tugup lak kwat tenak worali bug-o. Iri ala-ge, tuguruk an neram lobok yer-o. Iri yogola-ge, an na tuguruk kit kendam lobok yimin-o. Alat nde, kit-nen kin wanogolar-e: ’Nit tuguruk keram lobok yuwoklug-e, ngge kwarul-o?’ luk yili-o.

WONARIDNAK WENE 20:10

Iri luk, Musa min Arun min-nen Isarael nap oboksa kerep nggok iri na eralu ndok worak unpuruk, Musa-nen yak ondosolar-e: ”Kit wene tarugwi yu-ge wa-e. Kenmanggim yi kerep nggok yu arem-nen pil wumul, lak?” yak indij-o.

YIDNAK YIDNAK WENE 7:51

Kit kinndi tulubuk nap wa-e. Kinndi ambasap wabigit lak, keneyanggo al wabugwi buk nap kir-e noluk-nen Konak Indi ene-ge pempa kuligit lak nak yili-o? Kit kenlawingga-nen kwarogolat woraiga na nggal-et kit na iri nggal-et kwatli-o.

OROMA 10:15

Nde, ap nde wirik inpigit lak ma-ge, nggesa-nen aid wene yak undurag-o? Mbal Pem Nagawan engga mbarak pem-nen yosolar-e: ”Aid wene waruk mbitli nap iri-ge mondok konak lombog-o” luk yij-o.

TUGURUK YIDNAK WENE 9:24

An-nen kit naru yigi kuri-net kir-e Nagawan Indo imin eyak wat tenak worali-o.

TUGURUK YIDNAK WENE 9:27

Kar-e it-nen wene kulugwi buk, lugud tak nak kwarogolat, meya kwarogolat yugwi iri yebet kudtak pug-o. Are, kat ndegel kubugwi nap Abarakam min Isak min Yakup min nde yebet iniyi-o.