YESKIEL 18:30 - Nanduk Ngget Tul Pidnak Wene

³⁰ Nagawan Indo Mondok Kek tak iri na-nen yosolar-e: ”Isarael nap wa-e. An-nen ap enpem wene mbarosolar-e, it-nen kwaridnak ndak ndag-et enpem mbarimin-o. Kit-nen meya kwarugwi iri keya buruk, kondok yer-o. Kit-nen meya kwarugwi ereba na-nen lak tak kunpuwakluk larok nak yurak pug-o.

YESKIEL 18:30 ပူးပေါင်းရင်းမြစ်များ

ESERA 10:11

Iri ala, nonmborak-nen erembel wanugwi Mbal Pem Nagawan, Nagawan Indo iri na eram kit meya yidnak para keya ber-o. Keya burug-e, at indi alen tak purak mende nak kwarer-o, Enlem nin nap nit woragwi sa worali nap inmin-e mondok kundik wolmomtak pug-o. Iri-nen konkwerak enlem nin kweyap wanigep ereba-ge sera mondok wirik enper-o” luk yak indij-o.

AID WENE YOSO NAP 3:17

An nindi arem-nen yebet kasolar-e: ”Yi wene ndi wene min yi kwatli ndi kwatli min ereba-ge Mbal Pem Nagawan-nen ’Iri mag-o’ luk yidnak tarem-et kwat yusu me, Mbal Pem Nagawan-nen enpem wene mbenarosolar-e, konak kwarugwi nap min-et meya kwarugwi nap min-et enpem wene mbenaruwa-o” luk peragi-o.

YESKIEL 18:21

Nde, meya yoso nap-nen meya yoso keya buruk, an-nen imiri mbarak pidnak wene ndak ndak kwarosolat, ndemeret lud tak nak kwarosola-ge, war-e ma bug-o. Urug-et wolma-o.

YESKIEL 18:29

Isarael nap wa-e. Kit-nen yogolar-e: ’Nagawan Indo-nen kwarusu iri-ge lugud tak kwarusu-o’ luk yili-t nde, an-e lugud tak kwarusu-a? Mondok lag-o! Kit perak nde lugud tak kwatli-o” luk yij-o.

YESKIEL 33:11

It yak ondosolar-e: ’Nagawan Indo Mondok Kek tak, Mbal Pem Nagawan nuruk woraso nowag-o. An-e meya yugwi nap wat yurak iri-ge mondok nisili-o. Alat nde, an nindi-nen-e meya yugwi nap iri-ge it unluk irit wolmakluk it-nen meya kwarugwi iri keya burak irit nindingen-o. Isarael nap wa-e. Kit-nen meya kwatli keya ber-o. Noluk-nen kir-e wat yurak kindingen tak pili-o?’ luk yak indi-o.

YESKIEL 33:20

Iri nggal kwarag-et nde, kit Isarael nap-nen-e an-nen kwarusu-ge mot mot kwarusu bug-o luk yak nitli-t nde, an-nen-e kit-nen kwarogolat woraidnak ndak ndag-et kenpem wene mbarimin-o” luk yij-o.

YESKIEL 33:9

Nde, kat-nen nde meya kwaroso nap iri na nde nggomo wurugun-et nde, ar-e meya nak kwat tenak, kondok yigit lak meya elem iri-net wat ma-o. Alat nde, kar-e kurug-et woragun-o” luk yij-o.

YESKIEL 34:20

Iri bem-e Nagawan Indo Mondok Kek tak an-nen yak kendeyeg-o. An-nen-e kit lomba kenmawi worak min kenmawi lak min kenpem wene mbenarimin-o.

YESKIEL 36:19

An-nen angin worak enpem posolar-e, it-nen woragolat-nen kwarugwi ndak ndag-et enpem pigi-o. Iri rak onposolat, yi wi ndi wi it enaru buk sa ndibi ndi rak inpigi-o.

NDANIEL 9:13

Nde, ’Iri nggal kwarogolat wolmomtag-o’ luk, Musa-nen mbaridnak engga arem lak tak onposo mende mberak purak urul mbaridnak ereba na oboksa nit nenpem pusu-o. Iri kwat nunpusu-t nde, Nagawan Indo Nenmbal Pem Nagawan wa-e. Nir-e kat kalen tak purak mende-ge kwatli bug-er-o. Iri kwarogolar-e, nir-e meya nag-et kwat tenak woragolat, kat-nen mul nundurak wene kwara yebet kudtag-e ninsili rak pili-o.

MALEAKI 3:18

Nde, an nilirak-nen-e konak kwarugwi nap min meya kwarugwi nap min an ndegel nubugwi nap min an ndegel nubugwi buk nap min enpem mbuwa mende iri-ge nam-et arik tak mbenak irit kujwa-o” luk yij-o.

MATIUS 16:27

Ap Amara na-ge at Eid abinal pem at-nen idnak aid nap inmin lobok yuwarig-e, ap onggo wok ondosolar-e, it-nen kwaridnak ndak ndag-et ondomok tak onggo wok unduwa-o.

MATIUS 25:32

Iri luk, ap enlem oboksa-ge at eram ndok wuruwama-ge, lomba wam yik karok woraso nap-nen lomba wam min kambing wam min lena arik tak pugwi nggal, iri nggal-et Ap Ambara-nen-e ap enlem oboksa na lena enarik tak onposolar-e,

MATIUS 3:2

”Mbal Pem Nagawan-nen tenagaidnak wi-ge panggo yusu me, kit meya yugwi keya buruk, kondok yer-o” luk yij-o.

MATIUS 3:8

Meya kwarugwi keya buruk, kondok luk-nen kwarugwi mende mbi nam tak per-o.

LUKAS 13:3

An yak kendeyeg-o. Mondok lag-o! Nde, kit meya yidnak keya buruk kondok yigit lak ala-ge, kit pidsa na iri nggal-et lak yugub-o.

LUKAS 13:5

Mondok lag-o! An yak kendeyeg-o. Nde, kit meya yidnak keya buruk kondok yigit lak ala-ge, iri nggal-et lak yugub-o” luk yij-o.

YIDNAK YIDNAK WENE 26:20

Are, nanduk tel korosolar-e, Ndamsik woragwi nap yak unduruk, Yerusalem woragwi nap min Yurea wi oboksa woragwi nap min it enlem nin nap min na yak ondosolar-e: ’Kir-e kondok luk, nden karuk Mbal Pem Nagawan eram lobok yogolar-e, kondok yidnak nap-nen kwarugwi ndak ndag-et kwarogolat wolmer-o’ luk yak indil nigi-o.

OROMA 2:5

Alat nde, kit kinndi amawi luk, kondok yili bug-o. Iri-nen ndowaga Mbal Pem Nagawan isilepma luk lud tag-et ap enpem wene mbaruwa tarem-nen-e kenpem wene mbarurak iri na kenambikpebe kenare pili-o.

YAKOBUS 1:15

Nde, at-nen ukwe ukwe iri na-nen yidnak yidnak kwarosolar-e, meya kwarugwi elem ndagoso-o. Nde, meya na ebe kwarosolar-e, wat yugwi elem irit ndagoso-o.

1 PETERUS 1:17

Kit-nen Mbal Pem Nagawan eram tepan yogolar-e: ”Nineij-o” luk yugwi-t nde, Mbal Pem Nagawan-e ap ondomoktak-nen kwaridnak ndak ndag-et entare limbinigit lak enpem wene mbaroso-o. Iri bem-e, kir-e nggweyak ma yu me woragolar-e, Mbal Pem Nagawan kek tak obogolat wolmer-o.

NAM PARA WENE 2:16

Iri bem-e kit meya yidnak iri keya buruk, kondok yer-o! Nde, kit nde kondok yigit lak ala-ge, an yanem lobok yosolar-e, yalawi nemendam kenanggo yu bem it iri-ge mbal inpimin-o.

NAM PARA WENE 2:5

’An-e abu meya luk yoboksa mbigi kagi’ luk perarug-e, kit meya kwatli iri keya buruk, kondok yer-o. Kondok luk, nanduk kwarogolat woraigep nggal kwarer-o. Kit nde kondok yigit lak ala-ge, an lobok yimindig-e, kit kental iri-ge ondolma-nen lesa wanimin-o.

NAM PARA WENE 20:12

Nde, an yik kaginggal-e, wat yidnak nap nggulok min marik min nagawan-nen koreyak woraso ondoro iri urugwe nggwe mendak woragola eneyagi-o. Engga kwarat ereba na punggutlug-e, engga misik, unluk nak wolmomtak engga iri na pinggirij-o. Ponggorosola-ge, at wat yidnak nap ereba na-nen it woragolat-nen kwarogolat woraidnak engga kwarat ereba na arem mbarak worasu ereba na ndak ndag-et enpem wene mbarij-o.

NAM PARA WENE 22:12

Yesus-nen yosolar-e: ”Kwara yebet ker-o. An-e ap oboksa-nen kwarogolat woraidnak iri na ndak ndag-et wok undurak onggo waruk ndag-et nak lobok yimin-o.