YESKIEL 1:4 - Nanduk Ngget Tul Pidnak Wene

⁴ Iri yosola-nen nundugun pugaksa lik kaginggal-e nggan nggan nggok logom worak iri na arem-nen o binel-e yebek mbebek tenak worala kagi-o. Nggan nggan iri na inggi inggi-ge mbal-e eyaya abinal nggwerek tak kagi-o. Nde, o binel yebet tenak worasu iri na arem-e abinal-nen enlengen kip kip tak poso mende tembaga nggal mbi kagi-o.

YESKIEL 1:4 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 19:11

Yosoloma, Nagawan Indo-nen yak tosolar-e: ”Kerep yanggoma yu me-n wagundik, an neram ndobo bem luwagundik, mendak wolmin-o” yak tij-o. Nde, Nagawan Indo na lobok yosolar-e, e kemereya nggok puk kil lobok yosolar-e, ndobo amun min kerep ndobo min ereba na-ge yang pang mbosolat, ndamera mbosolat kwaril lobok yij-o. Iri kwarij-et nde, Nagawan Indo-ge e kemereya iri na arem-e nam yigit lag-o. Nde, e kemereya iri na lak yosola-ge, o lele-nen o nden penden kagaij-et nde, o lele iri na arem na Nagawan Indo-ge nam yigit lag-o.

2 NAGAWAN NAGAWAN-NEN KWARIDNAK WENE 2:11

It mberen iri na wene ndiril ndiril mburukmu-ge mimo nggweyak koma kan mare worak iri na kura wam kan mare worak iri na-nen lit karuk lobok yosolar-e, it mberen yu na-ge enariktak tak unpuruk, o wija nggok puk kil lobok yosolar-e, Elia iri na-ge kud turuk aid arem lagaij-o.

AYUP 38:1

Iri luk, e kemereya nggok misik arem-nen Nagawan Indo-nen Ayup imin wene yosolar-e, yu nggal yij-o:

MBIRIGA WENE 9:24

o nggu obinel yosolat, talme engen kwiye worak pil mbuwagid iri-ge nanduk it Mesira nab-o luk enlem kwat yigit lak ma ereba-nen na talme engen iri nggal-e mondok kagwi bug-er-o.

YEREMIA 23:19

Nagawan Indo isilepma-ge kwegemereya nggal puk kuruk lobok yosolar-e, meya yugwi nab-e yemen unpuwa-o.

YESKIEL 1:27

Ap nggal iri na ubugulwak kuri-nen abam nggwe ambigir-e tembaga kan mabosoma wiril nggal abinal worag-o. Nde, ena nggwe-ge abinal-e eyaya kerek mberek tak kagi-o.

IBERANI 12:29

Nde, nit Nenmbal Pem Nagawan iri-ge lak tak poso kanduk-nen yusu-o.

NAM PARA WENE 1:15

at ijog-e kerep wiril nggal, nde, at ene-ge yi ugul ene wud nggal-o.