YESAYA 9:6 - Nanduk Ngget Tul Pidnak Wene

⁶ Nit nenmanggim liap misik ndesa mbij-o. Ambara misik wok nindij-o. Ar-e nit tena nunpuruk woraso nap kwat ma-o. Nde, at unu yogolar-e: ”Nggomo Ondoso Nap Indi Nggat Nggat Worak”, ”Amawi Worak Mbal Pem Nagawan”, ”Nineid Pem Woraso”, ”Lambuk tak Onposo Nagawan” luk yuwa-o.

YESAYA 9:6 ပူးပေါင်းရင်းမြစ်များ

2 SEMUEL 7:16

Kat-nen wigarag-e pempa wolma-o. Nde, an-nen-e kat-nen tenagidnak wi-ge pem irit wolmakluk tena woramin-o. Tena worala-ge, kat-nen wigarag-e pem irit nagawan irit wolma-o’ yij-o luk yak turag-o” luk Natan yak tij-o.

1 NAGAWAN NAGAWAN-NEN KWARIDNAK WENE 10:9

Nap kat Kembal Pem Nagawan, Nagawan Indo-ge erembel wanogolat wolmag-o! Kar-e at-nen alen kebem puruk Isarael nap nagawan mendak kibij-o. Nde, at-nen-e Isarael nap kenabuwa-ge pem kundugu irit kasolat me, kat-nen at-nen idnak imiri mbarak pidnak wene min mot mot nak kwaroso min waruk kek tak ponokluk, kar-e Isarael nap ennggendumu nagawan mendak kebamu-o” yij-o.

NEMIA 9:32

Mbal Pem Nagawan wa-e. Kar-e nit Nenmbal Pem Nagawan kamawi worak-nen yusu-o! Kar-e Mbal Pem Nagawan mondok kek tak kwiye worak-nen yusu-o! Kar-e mondok tugup lag-et kat-nen urul pigen-e puksa tena woralat, kat-nen urul pidnak ereba na-ge ndak ndag-et kwaroso-o. Nde, Asiut nap nagawan nagawan woraiga kuri-nen yawo kuri anggun panggun tak nonpogola, nir-e andi bandi kwarat kagolat worali-o. Iri rak nonpogola-ge, nit-nen idnak nagawan nagawan min tepan ombo min kat kene lomboksa yugwi nap min enne kulugwi nap min iri-nen nonmborak min ap oboksa min oboksa-nen andi bandi rak ninpiga-o. Nde, nit-nen andi bandi kali iri-ge meme rak purak pug-o! Mondok yebet yebet tak wolmin-o!

NDAWI ENGGA 72:17

Nagawan unu-ge meme rak pigit lak, pem irit yeberak woralik nalik wolmag-o. At anggu obok mboroso-ge mo worala-ge, mondok wigak yosolat wolmag-o. Ap enlem oboksa-nen at imbiringgat worasu nggal wolmomtak pem imbiringgat tak unpurak nggi yuwag-o. Ap oboksa-nen nagawan imin yogolar-e: ”Alen worak wolmag-o” luk yuwag-o.

NDAWI ENGGA 72:3

Nit nunuwi nggweyak pem-e yi mende ndi mende bem-e ndak nak enalen pem woragolat, ap enlem oboksa mondok mot mot nak kwat onpogolat wolmag-o.

NDAWI ENGGA 72:7

At-nen mot mot kwaroso-ge at worala tarem-e nggok yosolat wolmag-o. Waneya worala tarem-e at-nen tenagidnak wi-ge yi mende ndi mende bem-e liring liring mborosolat wolmag-o.

NDAWI ENGGA 89:5

Nagawan Indo wa-e. Aid arem woragwi-nen-e kat-nen kwiye worak mende kwaroso ereba na bem kerembel wanogolat, kat-nen mot mot tugup lak kwaroso bem ndawi ngarogolat kwatli-o.

NGGOMO WENE 8:23

An-e o nanduk ereba-net kwarak nibidnak-nen yusu-o. Nanduk o yu ndak wirigit lak ma-net kwarak nebamu-o.

YESAYA 11:5

Yi kwarugwi ndi kwarugwi bem-e at-nen kwarosolar-e, mondok tugup lak, mot mot irit kwat tenak wolma-o.

YESAYA 32:1

Nagawan misik menluk, mot mor-et o tena worala, enne kulugwi nap ereba na-nen mot mor-et kwarogolat wolmomtak tarem-e wog-et ma-o.

YESAYA 53:10

Nde, Nagawan Indo indi-n pidnak pem ar-e andi bandi kasolat, ondomok indi wisirik pid iri-ge meya yidnak lak tak purak pem Mbal Pem Nagawan amanggim wosa pugwi nggal irit wat yij-o. Ar-e uruk mot pem-et woralat, at-nen wigarag-e erengen-nen kujwa-o. At ebem nggwe-net Nagawan Indo indi-n pidnag-e kwat ma-o.

YESAYA 53:2

Nagawan Indo indi-n perasolar-e, at ndegel oboso nab-e e isit nggal nggweyak amburu lak pem tanggal momtak perasu-o. Nit-nen nenlengen mberensa yik kudtak at ebem konak mbi woragit lag-o. Ninndi at ebem puwakluk, inndi wanoso mende mbi at ebem woragit lag-o.

YESAYA 53:5

Alat nde, ar-e nit-nen meya yidnak pem tege kundugu obogolat, nit-nen meya kwarugwi bem linggamburok worogolat kwariga-o. Nit ninmiri yuwakluk ar-e anggun panggun kagaij-o. At aboro tap yonok lonok mbosolat, mep yolo mbid ereba na-nen-e ki rak ninpij-o.

YESAYA 63:16

Kar-e nit nineid-net yusu-o. Abarakam min Yakup min-e nir-e enaru bug-et nde, Nagawan Indo wa-e. Kar-e nit nineid, o nanduk ereba-net nit ninmiri yoso-nen yusu-o.

YESAYA 66:12

Nagawan Indo-nen yosolar-e: ”Yi mborosolat nak worasu iri na nggal yamuksa woragwi elem-e wok kindimin-o. Nde, yi nap ndi nap insilobulo-ge, yi ulusu nggal kundik kat keram waruk lobok yogolat wolma-o. Kir-e li marik kamo nunggwi iniyarak-nen yaruk unpuruk nugwi nggal, ena bem kogo wat kenperenak wolma-o.

YESAYA 7:14

Yawo-ge Nagawan Indo ondomok-nen kit-nen yenggerak purak mirik Konposolar-e: kwe ndugum abila misik-nen liap misik ndaguruk, unu-ge Imanuel yaruwa-o.

YESAYA 8:18

An min Nagawan Indo-nen wok niridnak nilirak yeba min-e Nagawan Indo Mondok Amawi Worak Sion Ndobo bem-nen iri bem-nen o tena worasu iri na-nen kit Isarael nap-nen yenggerak pobokluk wirik nenpamu-o.

YEREMIA 31:22

An-nen yidnak yidnak kwarugwi buk kenlem yu-ge wa-e. Kir-e mepme-nen kinndi mberen kwat tenak woragwi iri-ge keya bugub-o? Nggweyakma yu me an-nen misik mende ngget mbi ndak wosa posolar-e, ki mul mul nin nggal-et kwami-nen ap kura unpugwi nggal-et kwarak pigi-o” luk yij-o.

NDANIEL 2:44

Nde, nagawan ereba na-nen o tena woragola tarem-e aid arem woraso Mbal Pem Nagawan-nen-e nagawan misik-nen tenagidnak wi kwarak puwa iri-ge ap enlem mbi-nen mondok urugwe nggwe rak puwa buk, pem irit wolmomtak wi irit puwa-o. Nde, nagawan misik-nen tenagidnak wi yu-nen-e nagawan erep-nen tenagidnak wi ereba na oboksa ndamera yigisa irit keya buwa-o.

NDANIEL 7:14

At iri wok tosolar-e, kek tak obosolat, nagawan o tena wolmomtak amawi irit inggem pidnak me, yi nap ndi nap enlem oboksa, enne lombok, enlem lombok oboksa-nen at ndak ndegel obogolat woraiga-o. Nde, at-nen nagawan woralat, pem irit o tena wolma-o. Nde, o tena wolma iri na-ge mondok lak tak puwa bug-o.

MATIUS 1:1

Engga yu-ge Yesus Kerisut eid ombo nderak lolo mbenasa mbaridnak wene-nen yusu-o. Yesus iri-ge Ndaud-nen wigarak lolo-nen nderag-o. Nde, Ndaud iri-ge Abaram-nen wigarak-nen nderag-o.

MATIUS 1:23

”Ap-nen aboro mbarugwi buk kwe ndugum-nen abila luk, la li ap mbi ndaguwa-o. Nde, la iri unu yarogolar-e, Imanuwel-o luk yaruwa-o.” (Nde, Iberani wene bem Imanuwel yiga iri-ge ”Mbal Pem Nagawan nit ninmin worasu-o” yarogolar-o.)

MATIUS 11:27

An Neid-nen-e yi mende ndi mende oboksa-ge an ninggem-et pij-o. Eid arig-et nak-nen Ambara aru yusu-o. Nde, Ambara an-nen na irit, Ambara an-nen: ’Neid iri enaru mag-o’ luk eberamin nap-nen na irit, Eid na enaru yili-o.

MATIUS 28:18

Nde, Yesus na it endam panggo yosolat-nen it yak ondosolar-e: ”Aid arem amawi min nggweyak ma amawi min oboksa-ge an ninggem pidnak-nen yusu-o.

LUKAS 1:35

Yosoloma-ge, aid nap-nen wene erep nggarosolar-e: ”Konak Indi-ge kat kebem lobok yosolar-e, Mbal Pem Nagawan amawi-ge kat kebem mbuma-o. Iri bem-e la ndakun iri imin-e: ’Mbal Pem Nagawan Ambara len ibidnak-nen yusu-o’ luk yuwa-o.

LUKAS 2:11

Yawo kubu-ge kit kinmiri yurak nap, Nagawan Indo Kerisut iri-ge Ndaud ama-nen ndet yij-o.

LUKAS 2:14

”Mbal ombol nggwe-nen-e Mbal Pem Nagawan erembel wanuwag-o! Nde, nggweyak ma yu-nen-e Nagawan Indo indi alen tak pugwi nab-e yamuksa wolmag-o!” luk yiga-o.

LUKAS 21:15

An-nen wene mot mot yobokluk kinndi nggat nggat lem wok kundumu me, kit kunuwim nap ap misiget ter-o luk-nen wene yugup na tarogolat, wene eyak wururag-e meya ma-o.

YOANES 1:14

Nde, Wene iri na-ge ki nap enaboro worak luk, nit nennggendumu yu me woragaij-o. Nit ninmin worala, at kek tak irit kaige-o. At kek tak woraso iri-ge Eid Mbal Pem Nagawan ambara misiget nderak irit wok tidnag-o. At ebem-net nir-e Mbal Pem Nagawan min nit nunpud kaso min iri-ge kaige-o.

YOANES 1:16

At arem-e enabuwa kaso elem kobong tak me, nit pidsa nenabuwa kundugu kasolat, imbiringgat tak nonposo-o.

YOANES 14:27

Yamuksa woragwi elem-e an-nen kit kenpem keya busu-o. Nde, yamuksa woragwi elem iri wok kundusu iri-ge an-nen idnak irit wok kundusu-o. Nde, iri-ge nggweyak ma nap-nen yamuksa woragwi elem wok undugwi nggal-e lag-o. Iri bem-e, kit kinndi kabak yogolat, kwiye kagolat yurak pug-o.

YIDNAK YIDNAK WENE 10:36

Mbal Pem Nagawan-nen Isarael nap enmanggim wene wosa pid iri-ge ap oboksa Nagawan Indo Yesus Kerisut ebem lambuk yurak aid wene irit yak indij-o.

YIDNAK YIDNAK WENE 20:28

Iri bem-e, kit na kit-net yik karok woragolat, Konak Indi-nen lomba wam ndok worak pidsa iri yik eneyarok wolmakluk mendak kinpidnak me, Mbal Pem Nagawan-nen at ambik Ambara eyabi bem-nen winde yidnak lambuk tak inpidnak nap iri na kit-nen-e lomba wam yik karok woragwi nap kwasa yik eneyarok wolmer-o.

OROMA 8:32

At ambik Ambara abuwa kagit lak, nit pidsa nenmanggim iminep wisirik pamu-o. Nde, at Ambara-t nde, wok nendarik me, yi mende ndi mende pidsa wok nundurak iri-ge nggog-a?

OROMA 9:5

Isarael nap na-ge na nenlawingga-nen wigarak-net yili-o. Kerisut abage nggweyak ma nap en-page worak iri-ge it Isarael nap-nen wigarak-net yusu-o. Nde, yi mende ndi mende oboksa ombol pem kek tak woraso Mbal Pem Nagawan na-ge unu kek tak woralik nalik irit wolmag-o. Amen.

1 KORINTUS 1:30

Alat nde, Mbal Pem Nagawan ebem-e Kerisut Yesus imin kundik kinpidnak worali-o. Kerisut iri-ge Mbal Pem Nagawan-nen-e nit ninndi tenggerak elem tak obosolat, at ebem-et mot mot tak nonposolat, mbek tak nonposolat, nonnggo paga weserak nonposolat yij-o.

1 KORINTUS 15:25

Nde, Mbal Pem Nagawan-nen Kerisut imin sirid nap pidsa-ge at ujok ma rak enpeyekluk woralar-e, Kerisut na-ge Nagawan worasolar-e, pemerinta-nen tena woragwi mende mondok at-nen tena wolma-o.

2 KORINTUS 5:19

Nit-nen yili wene-ge yu-o: It-nen meya yidnak na wonarigit lag-et, Mbal Pem Nagawan-nen-e Kerisut ebem ap oboksa at ondomok imin lambuk tak inpij-o. Nde, at-nen-e at imin lambuk tak unpurak wene iri-ge nit nenpem pamu-o.

TUGURUK YIDNAK WENE 10:17

Nde, Nagawan Indo Kenmbal Pem Nagawan-e kugwiwak oboksa min enmawi worak oboksa min tebek tak puruk, mondok terak minik kek tak-net yusu-o. Nde, ar-e Mbal Pem Nagawan mondok nggok, amawi worak me, at-nen yidnak yidnak nak kwarurag-o. Ar-e ap entare na lombonoso buk, ap onmbol pem lasolat, onggo terak lesa wanoso bug-o.

KOLOSE 2:3

Indi tenggerak elem oboksa min enaru yugwi elem oboksa min-e Kerisut arem-et kura worasu-o.

1 TIMOTIUS 3:16

Nit-nen Mbal Pem Nagawan erembel wanugwi kura bidnak wene iri-ge ndemeret nggok lombok-nen yusu-o: ”At ondomok-net ki nap enpage nggal luk, nam yij-o. At lud tak nak kwaroso iri-ge Konak Indi-nen nam tak pij-o. Aid nap inmbiri bem nam yij-o. At owene-ge Mbal Pem Nagawan enaru buk nap ennggendumu yiga-o. Nggweyak ma yu me-nen inndi-ge at ebem angin tubu yiga-o. Abinal pem lek karuk lagaij-o.”

TITUS 2:13

Nde, yawo-ge nit Nenmbal Pem Nagawan anggu obok worak min Ninmiri Yoso Nap Yesus Kerisut min-nen idnak abinal nam tak purak Tarem iri na bem nit ninndi mbung mbung tak woragwi iri na yik karok worali-o.

IBERANI 1:8

Alat nde, Mbal Pem Nagawan-nen at Ambara yak tosolar-e: ”Mbal Pem Nagawan wa-e. Kat-nen tenagaidnak wi-ge pem-et woralik nalik ma-o. Kat-nen tenagaidnak wi arem woragwi nap enpem wene mbarosolar-e, wene lud tak nak mbaroso-o.

IBERANI 13:20

Mbal Pem Nagawan-nen-e ap wat yidnak ennggendumu-nen nit Nagawan Indo Yesus na uruk tak pij-o. At wat yid iri bem-nen Yesus na-ge olomba wam Yik Karok Woraso Nap nggulok iri kwat yij-o. At eyabi-nen-e pem-et wolmomtak urul pidnak wene iri na ebe worak tak pij-o.

1 YOANES 5:20

Nir-e ndemeret Mbal Pem Nagawan na nenaru maklug-e, Mbal Pem Nagawan Ambara na lobok yarik, nit ninndi pindong tak pij-o luk nenaru yili-o. At Ambara Yesus Kerisut ebem-nen nir-e ndemeret Mbal Pem Nagawan na imin kundik worali-o. Nde, at yu-ge ndemeret Mbal Pem Nagawan urug-et woralik nalik yoso-nen yusu-o.

NAM PARA WENE 19:16

Nde, at usum pem min at awak pem min-e at unu-ge ”Nggweyak ma nagawan oboksa onmbol pem Nagawan-o. Ap nggok oboksa onmbol pem Nagawan Indo-nen yusu-o” luk mbarag-o.

WENE MBENARUGWI NAP-NEN KWARIDNAK WENE 13:18

Yosoloma, Nagawan Indo-nen idnak aid nap iri na-nen kin wok obosolar-e: ”No manggim kar-e an nunu yak kururak yusu-o? An nunu-ge Kwiye Worak-nen yusu-o” luk yak tij-o.