YESAYA 9:5 - Nanduk Ngget Tul Pidnak Wene

⁵ Nde, san ombo unuwok sum ene mbirip mbirip mbitli min unsum ap eneyabi-nen kobong tak ereba-ge ndag-et nak pagurak kumusuwe nde kwat ma-o.

YESAYA 9:5 ပူးပေါင်းရင်းမြစ်များ

NDAK WIRIDNAK WENE 32:30

Nde, Yakup-nen yosolar-e: ”An-e Mbal Pem Nagawan kagi-t nde, nurug-et worasu-o” yosoluk, o yig nggwisa sa iri na unu-ge Piniel irit yarij-o.

NDAWI ENGGA 46:9

At-nen-e yi wi ndi wi wim mbatli oboksa lak tak pusu-o. Yalawi min san min yigisa keya bosolat, ndumno ereba na-ge kan posolat kwarusu-o.

NDAWI ENGGA 72:3

Nit nunuwi nggweyak pem-e yi mende ndi mende bem-e ndak nak enalen pem woragolat, ap enlem oboksa mondok mot mot nak kwat onpogolat wolmag-o.

MBIRIGA WENE 23:21

Kir-e kwara yebet karuk, at nen yidnak yidnag-et kwarurag-o. At iri-ge an-nen ibil lobok yimin me, kir-e at imin eyak wururak pug-o. Kit-nen eyak worogola-ge, at-nen-e mondok amberam tak puwa bug-o.

YESAYA 2:4

At-nen-e ap enlem oboksa ennggendumu enpem wene mbenarosolat, ap enne lombok ennggendumu wene nggaruksa mbarosolat kwaruwa-o. Nde, wim pugwi eneyalawi-ge nden kaga yabu wanugwi kagweyap tak puwa-o. Nde, it wim pugwi posid wuru-ge kabo tusuangge mbarugwi rak puwa-o. Ap enlem erep-nen-e ap enlem erep inmin wim puwa bug-o. Iri-nen wim nggurak pem lid lud tak puwa bug-o.

YESAYA 9:4

Kat-nen it-nen angin worak kud turuk nugwi ereba na nggosa keya bosolat, sum angin worak unndugun pem kud tugwi ereba na nggwirik posolat yigen-o. Kat kilirak enarengge ondoro rak pogolat, anggun panggun tak unpugwi nab-e kat-nen urugwe nggwe rak inpigen-o. Iri kwat inpigen iri-ge, nanduk Mirian nap urugwe nggwe rak inpigen iri na nggal-et kwat inpigen-o.

YESAYA 9:6

Nit nenmanggim liap misik ndesa mbij-o. Ambara misik wok nindij-o. Ar-e nit tena nunpuruk woraso nap kwat ma-o. Nde, at unu yogolar-e: ”Nggomo Ondoso Nap Indi Nggat Nggat Worak”, ”Amawi Worak Mbal Pem Nagawan”, ”Nineid Pem Woraso”, ”Lambuk tak Onposo Nagawan” luk yuwa-o.

YEREMIA 23:5

Nagawan Indo-nen yosolar-e: ”Lud tak nak kwaroso nagawan Ndaut-nen wigarak misig-e an-nen nagawan lenak purak tarem-e wog-et ma-o. Nde, nagawan iri-nen-e indi nggat nggat pem-et o tena woralat, o siri oboksa ndemeret lud tak mot mor-et kwarosolat wolma-o.

YOEL 2:5

Sil ereba na mbisingsa mborosolar-e, ndobo nggwe-t nde, ya kud mbok mborosolat, ijok ene mbirib-e wim koma ene mbirip nggal. Nde, enemu-ge terak kani pagosolat enemu nggal. San ombo kere kwarat obo nesa keya buruk, mabunuruk wim pil ngguwokluk nggal irit lid lud tak puruk worali-o.

MIKA 5:1

Nagawan Indo-nen yosolar-e: ”Mbetleyem Eperata wa-e. Kar-e Yewura nggweyak pem-nen o siri kunu lak, marig-et nde, kat kebem-nen Isarael tena unpuruk wolmomtak nagawan amawi worak misik mendak pimin-o. Nde, at iri-ge mondok o nanduk ereba na-net woraso-nen yusu-o” luk yij-o.

MATIUS 3:11

Kit meya yidnak keya buruk, kondok yili iri bem-net an-nen yi ma kunpusu-t nde, an nimbirik lobok yuwa nap-nen perak nde Konak Indi bem kanduk pem yi ma kunpuwa-o. At iri-ge an nggal-e lag-o. Amawi worak terak minik me, an nggal-nen at ijok sum na waruk nurak tet meya-o.

YIDNAK YIDNAK WENE 2:19

Nde, an-nen kwarosolar-e, wi yurak mende na teram nggwe mbal pem-nen kwarosolat, nggweyak ma ena nggwe-nen na yenggerak purak mende-ge eyabi min kanduk min kule min irit nam tak pimin-o.

YIDNAK YIDNAK WENE 2:3

It na yik karok worakmu-ge, kan amare tinggiringgi nggal wiyuluk, it komondomok enpem pak yosola kaiga-o.

2 TESALONIKA 1:8

Kan mare min lobok yosolar-e, Mbal Pem Nagawan-e ndemerer-o luk yugwi buk nap min Nenagawan Indo Yesus-nen yidnak aid wene kuruk tugwi nap min enpem angin worak mende puwa-o.

WENE MBENARUGWI NAP-NEN KWARIDNAK WENE 13:18

Yosoloma, Nagawan Indo-nen idnak aid nap iri na-nen kin wok obosolar-e: ”No manggim kar-e an nunu yak kururak yusu-o? An nunu-ge Kwiye Worak-nen yusu-o” luk yak tij-o.

1 SEMUEL 14:19

Nde, Saul na-ge tepan ombo iri na imin wene mbal tenak worakmu-ge, Pilisin nap woragwi sa-ge enne nggu kwarat yogolat, sa nggwa mbogola-ge, Saul-nen tepan ombo iri na yak tosolar-e: ”Nagawan Indo-nen wene mirik nunpuwakluk nit-nen kin wanurak tarem-e lak yusu-o” luk yak tij-o.