YESAYA 9:3 - Nanduk Ngget Tul Pidnak Wene

³ Nagawan Indo wa-e. Kat-nen enalin enalen elem nggok irit wok indigen-o. Kat-nen enalen tak posola, enalen-nen enne nggu lek kagolat worali-o. Kat-nen konak kwat onposo bem enalen kali-ge yagidnak mende ndakolat tarem enalen kagwi nggal, kugun pem wanidnak mende tomborogolat-nen enalen kagwi nggal irit enalen-e kagolat worali-o.

YESAYA 9:3 ပူးပေါင်းရင်းမြစ်များ

NEMIA 9:23

Nde, kat-nen-e nit nonmborak-nen wigarag-e wonaru mbal pem abu nggal-et kwarat tak inpigen-o. Kat-nen-e ’Kit wok kindimin-o’ luk nanduk nonmborak urul yak indigen nggweyak iri na-ge kat-nen-e it wolmomtak wok indigen-o.

NDAWI ENGGA 107:38

Nagawan Indo-nen imbiringgat tak onposolar-e, inlirak kwarat ndaiga-o. Iri-nen it-nen parugu woragwi mende usu worak na kwarat ijak wosa keya bij-o.

YESAYA 35:10

Nagawan Indo-nen wisirik unpuwa nab-e tuguruk mburuwarik, Yerusalem nggogolat, enalen-nen ndawi kundugu ngguwa-o. Enalen-nen entare-ge yek mbek tak irit ma-o. Ir-e enalin enalen yogolat, inndi puru yugwi min yani yane wurugwi min ereba na-ge mondok lak ma-o. 36:1–39:8 Empat pasal ya arem-e Asiut nap ennggendumu Nagawan Sanegirip-nen-e Yewura nap indil lobok yosoma, Mbal Pem Nagawan-nen kwiye worak mende kwarosolat, Yerusalem o siri iri na Asiut san omborak ininggem-nen inmiri yidnak wene min Nagawan Iskia na wat momtak kugwi wirij-et nde, ki rak ibidnak wene min mbarak worasu-o.

YESAYA 35:2

O lid karu me nemena nggok yosolar-e, alen-nen kot kasolat ndawi yuwa-o. Abage konag-e ndobo Libanon nggal irit kwat ma-o. Abage-ge Karamel mbirik min Saron min nggal irit ma-o. Nde, ap ondomoktak-nen-e Nagawan Indo amawi min Nenmbal Pem Nagawan abinal min irit kagolat wolma-o.

YESAYA 54:1

Yerusalem wa-e. Kar-e nandug-e li ndakit lak, kweyap ibiri nggal woraigenma-o. Alat nde, yawo-ge kar-e kalen pem kene lek kasolat, ndawi yi-o! Kweyap ununtak-nen keya inpigit lak inlirag-e kwarar-et nde, kat kilirag-e terak minik kwarat ma-o.

YESAYA 55:12

Kir-e kenalin kenalen pem-et Mbabel uwi keya buruk, iri me-nen lesa wok kunpuruk mborogola-ge, kenalen min-et mburugub-o. Ndobo min ndobo amun min-e enalen-nen enne lek kagolat, e yapmu woraso oboksa-nen ininggimok lel kagolat kwaruwa-o.

YESAYA 61:10

Yosoloma, Yerusalem-nen yosolar-e: ”An-e Nagawan Indo ebem nalin nalen kasu-o. Mbal Pem Nagawan ebem an nindi-ge kijik kijak wurusu-o. Kwe min ap min wok kerak mburak pem inmirik unmuruk konak nak yitli iri na nggal Nagawan Indo-nen an yirik nobosolar-e, inmiri yoso sum min ombol nggwe yugwi sum min yirik nibij-o.

YESAYA 61:7

Kit kinnggiri kagolar-e, mberen pem-et nambena kagolat, wisi tebal konpogolat, nggweyel konpogolat kwaridnak me, kit kunuwi silmu woragolar-e, onggo-ge mberen pem-et nambena wanogolat, lak momtak puk enalin enalen pem woragwi elem irit wanugub-o.

YESAYA 65:14

Ndemeret ir-e enalen-nen kek kok lek kujwa-t nde, kir-e yip nggu lek tenak woragub-o.

YESAYA 65:18

An-nen ngget ndak worak pimin iri bem-e kir-e kenalin kenalen kagolat, pempa kijik kijak worogolat wolmer-o. An-nen Yerusalem ngget ndak worak posolar-e, enalen pem wolmomtak elem kobong tak ndak worak pumu, iri me wolma nab-e enalin enalen pem irit wolma-o.

YESAYA 66:10

O siri iri na abuwa kagwi nap oboksa wa-e. Yerusalem min-et kenalin kenalen mber-o. At abuwa-nen kinndi puru rak woragwi oboksa wa-e. Yawo-ge at min-et kenalin kenalen yer-o.

YEREMIA 31:7

Nagawan Indo-nen yosolar-e: ”Nilirak Isarael nap inkijak kenalen-nen ndawi yer-o. It enlem iri-ge ap enlem ereb-e teberak unpuruk, it enlem yu-ge mondok ija-net yusu-o. At erembel wanogolat-nen ndawi yogolar-e: ’Nagawan Indo-nen-e at ilirak Isarael nap inmiri yosolat, it minggirik erep keya inpidnak worali oboksa inmiri yij-o’ luk ndawi yurag-o.

OSEA 4:7

Nde, kit tepan ombo-ge kit kenpe kwarat yogolar-e, meya na kwarat an nimin kwatli-o. Iri bem-e kit-nen kek tak woragwi-ge an-nen teberak kunpumu, enlengenma nggal tak kunpuwa-o.

LUKAS 11:22

Alat nde, at ombol pem amawi worak nap misik-nen nde imin wim mbatluk, urugwe nggwe rak purug-e, at o winde iri-nen indi ebem wat tak puruk woraso esan iri na wanuruk, at arengge pidsa tembesa wok unduwa-o.

YIDNAK YIDNAK WENE 8:8

Iri kwarosola karug-e, o iri na me-ge enalin enalen kwarat kagolat woraiga-o.

PILIPI 4:4

Nagawan Indo ebem pempa pempa-t kenalin kenalen kagolat wolmer-o. Nde, tuguruk yak kendeyeg-o. Kenalin kenalen-et kagolat wolmer-o.

1 PETERUS 1:8

Yesus Kerisut iri-ge kir-e kagwi bug-et nde, abuwa kali-o. Yawo na kali bug-et nde, ebem kinndi angin tubu yili-o. Iri bem-e, kit kenalin kenalen pem-et Mbal Pem Nagawan erembel wanili iri-ge wene yurag-e meya-o.

WENE MBENARUGWI NAP-NEN KWARIDNAK WENE 5:3

Nagawan nagawan min nagawan inlirak min wa-e. An-e Nagawan Indo Isarael nap Enmbal Pem Nagawan ebem ndawi yusu yu kwara koler-o!

WENE MBENARUGWI NAP-NEN KWARIDNAK WENE 7:22

Nde, iri yogola-ge, Nggireyon min at-nen idnak san ombo inmin-e kum pugwi terompet ene nak pu yogolat woragola-ge, Nagawan Indo-nen kwat onposolar-e, wim nap yeba na-ge yalawi bem it nak wat kerak mborogolar-e, Serera ambigit nggwe Mbet Sita wok, o Tabat koroga o siri Abel Meola ereba nggwe-t kwiye mbiriga-o.

WENE MBENARUGWI NAP-NEN KWARIDNAK WENE 8:12

Iri yogola-ge, Mirian nagawan Seba min Salmuna min ereya na-ge kwiye mbiriga-t nde, Nggireyon-nen-e muk eneyagarik, tena-t onposola-ge, it-nen idnak san ombo ereba oboksa na-ge ngge kwarurak nggal pabok piga-o.